今日系9月1日,基本上全地球既所有學生都會返學,
加上大部分學生都吾太記得幾點返學,一個二個吾系趕地鐵,就系趕的士,所以導致全港交通幾乎癱瘓。

不過,望返班group,吾緊要拉,8點15分先打鐘,
基本上8點05,8點10分打鐘既學生都吾會同到我地既爭。
一落到地鐵站,嗶,眼前既哩一幕真系嚇左我一嚇。
估吾到7點55分既筲箕灣地鐵站,仲要系朝早.... 竟然人山人海,熙熙攘攘的,
乜人都有,系閘出面等拎報紙既阿公阿婆,趕返工既打工仔們,仲有趕住返學既未來棟樑...
太恐怖了,經過一番摩肩接踵,終於比我沖到上車,
冇錯,就系7點58分既個班車。



吾好話搵位坐,就連入到去,我都已經覺得自己好好彩。
眼前見到既哩一幕,很熟識亦很好笑,眼見一班中學生(如果我冇估錯一定系低form),點解?
因為佢地一個二個吾系拎住本生活科學既書搵答案,就系拎住本生活科學既習作系到做功課(應該話系抄功課先岩)
佢地既組織雖小,但所分佈既部門但卻五臟俱全,搵答案既繼續負責搵,嗌答案既負責嗌,寫既負責寫,抄既負責抄,傳既繼續傅。
所以成架地鐵都充滿「本生燈,煤氣掣,空氣調節環,橡膠喉管...」既答案,偶爾會聽到句「等等啦未抄完啊」
加上地鐵車卡上響亮既到站廣播,都正正提醒住我即將到站,同時亦暗示著我的高中生活也即將到站,
功課所填既答案亦再吾系本生燈,而系要說明何謂圓周運動,說明圓周運動需要向心力。解釋向心力會產生向心加速度,及向心加速度的作用。

「下一站杏花村,Next Station Heng Fa Chuen,Xia Yi Zhan Xing Hua Cun」


大部分既乘客都落咗車,而哩架車都準備前往柴灣呢個港島線既尾站。
由於人群疏散左關係,車卡亦變得闊落左,好讓我繼續細察車上既一事一物。
而我本身就唉左系一開門就見到既扶手加有道玻璃到,所以第一眼好自然就望企我對面既戈個位。
見到一個極之狼狽既一個女仔,佢個頭好濕,似系岩岩洗完頭,但同時亦紮緊邊。
有人講過紮緊邊既動作系好性感,但我眼前既哩個女仔絕對比到我既感覺吾系性感,而系就快遲到。
同時,地鐵亦吾等人,嘟嘟聲後隨即開車,讓所有乘客剎個措手不及,當中亦包括我同個女仔。
係一瞬間,由於一開車果下衝力嘅關係,本身企係我對面既女仔,變左企系我面前。
正因為佢書包咩係前面,所以成個書包頂左落我心口到。
而佢,雖然紮緊邊,但由於個身向前傾左幾步嘅關係,佢個頭亦向上望左我一眼。
已有 0 人追稿