「突發」打打下丁比人捉左去研究所做實驗品: 比賽

「大家都到齊啦，咁好啦，依家我就同你地講咩係比賽啦」，個4眼肥佬Ben企左係我地後面，即使見唔到佢個樣，但係一聽佢把死人聲就知道佢係一個一見到就想打柒佢既人

「呀Ben哥係唔係呀，快少少啦屌你，要我地打，之後又要停，依家仲扮神秘，你想點呀」呀鋒好唔耐煩咁講，佢手上抱住既吉仔都叫左一聲，好似係同意呀鋒既講法

這時候，穆林眼中閃過一絲不安，如果唔係咁岩我望到佢，我諗冇人會察覺到，點解佢有咁既反應呢？「死靚仔，你叫陳鋒下話，第一，係度你要叫我做所長」

仆街ben一講完，後面一直企左係度既黑超男一個冷不防係呀鋒後面打左一拳，依我估計，呢一拳應該唔輕，呀鋒一中拳倒地，冇任何反應，「第二，係我面前唔好亂講野」

之後黑超男再向倒地不起既呀鋒重重地踢左一腳，呀鋒依然冇反應，「第三，係我有野仲未講完既時候，唔該你同我收聲」一講完，黑超男係杉袋拎左條黑色長條型既野出嚟，嘩，講





錯野姐，唔洗雞姦下話，「吱」，穆林偷笑左一聲，睇嚟佢讀到我個心諗緊咩

我係個心度諗，「仲笑？呀鋒無曬反應，會唔會出事？」，穆林樹起一個無問題既手勢，再比我一個充滿信心既眼神，如此情景，如果我係女我諗我即刻狗衝啦屌， 一諗完，黑超男一

揮，黑色長條型變左支警棍，黑超男手起棍落，一野扑左落呀鋒個頭度，「啵」一聲，好似扑木魚咁既聲，咩事呢？係唔係呀鋒個頭骨爆左呢?

「嘩，所長，講下笑姐唔洗咁重手下話」呀鋒係地下企番起身，「呀鋒，你冇事嗎，唔好死頂呀」我好驚呀鋒會講講下野無啦啦噴血死Q左，「我無事，多得茂仔我先冇事」

「哦，冇事就好，咪住先，邊個係茂仔」我一時反應唔到，呀鋒一聽到，除左套杉，我心諗做咩嘢事，佢比佢個背脊我睇，我一睇，佢背脊充滿磷片，「嘩，呀鋒，你係龍既後裔？點解會。。」





我講都仲未講完呀鋒就答我「唔好撚玩啦伍寶，一睇就知係龜啦」佢一講完，磷片開始消失，之後係佢頭頂多左隻龜，「佢叫茂仔，我除左可以同動物溝通，仲可以運用佢地既特質，明白冇？」，我點一點頭示意明白

呀Ben就講「估唔到你都幾捱得下，我果然冇睇錯你」，經過岩岩一事我地冇人再敢亂講野，成間房突然出奇地靜，呀Ben再講落去「好啦，玩夠啦，再訓練多 次就差唔多比賽，你地

係我選出嚟幫我蠃個個食屎仔呀力奇，呀力奇係呢度第二個揸fit人我地每人管一組，我管男子組，佢管女子組」

我一聽到就心諗，果然真係仲有女仔，食屎Ben就繼續講，「至於咩係比賽，你地當中可能有啲經已知道，有啲仲唔知，所以我係度講多次啦，比賽係半年進行一 次既野，分三個環節

決勝，第一係淘汰賽，第二係奪旗賽，第三係團體賽，勝最多個個就係比賽冠軍，只要蠃夠三次比賽你地就可以離開呢店度，仲有每次比賽既處 分都唔同，至於我今次蠃唔蠃到，就睇





你地，今日你地都攰啦，番去訓啦，聽日做埋最後一次訓練」

呀Ben終於講番句人話啦，我地六個人沿路行番番去，一路行，呀鋒第一個出聲，「屌，幫佢蠃左個比賽又點姐，我地蠃左都冇好處，佢就大把好處，幫佢蠃完三次，佢仲會放我地

走？如果真係既我切呀」

呀鋒一口氣講完，佢都有佢既道理，我地即使蠃夠三次都未必出得番去，我一路行一路諗，算啦，在生多一日得一日，今日唔知聽日事，都係早啲抖好過，於是我就進入夢鄉，

再一次夢到佢.