「突發」打打下丁比人捉左去研究所做實驗品: 回憶
「又遲到呀，之前又應承我話唔再遲，話口未完今日你又遲，又呃人」一把女仔聲係我身邊響起，
「對唔住囉，你都知啦我有軟骨症唔可以跑太快呀嘛，所以咪遲左囉，唔好嬲我啦，詩詩」
我試圖為我遲到搵一個籍口，「一定係啦，你次次都係咁講，我唔信你呀！」之後佢就走左，
呢個女仔係我呢條毒撚人生中唯一一個對我有好感嘅女仔.....佢全名係陽洛詩，平時我就叫佢詩詩，
，紮邊，都幾可愛，唔好話我有個女仔同你咁親密都叫自己做毒撚，我想講，
佢係係我小學識嘅，我細個邊識咁多野呀，有人玩咪一齊玩囉，冇咁複雜，佢喺五年班插班，
一開學就坐係我隔離，點解我會同佢咁熟？因為我同佢都住得好近，所以每日番學佢都同我一齊，
就係咁我同佢開始成為左好朋友，但係呢排我成日遲到，我琴日先同佢講唔會再遲，但今日又遲左，
佢好似真係嬲左我，「喂，唔好走啦，我知錯啦」我試圖叫番佢番黎好可惜佢頭也不回咁走左，
我作為一個咁要面子嘅人當然冇追上去啦，我係小息同午膳都去搵過佢，但佢都係嬲緊我，
咁我唯有自己一個番屋企啦，我住嗰區叫文角，都幾熱鬧，四周圍都有好多商店，
而我每日放學都會經過一間雜貨店，入面咩都有，我靈機一觸，
「係wo，買樣野，送比詩詩咪唔會嬲囉」，我馬上行去雜貨店入面，
老闆見到我之後好奇怪咁問「天仔，詩詩呢，做咩唔見佢嘅，你地日日都一齊放學架，哦，
係咪激嬲左人呢？」，「係呀，明叔，我應承左佢唔遲到，點知今日就遲左，佢覺得我呃佢，
所以成日都冇理我，我咪諗住買d野tum番佢囉」，「你又係嘅，做咩要遲到呀，搞到人地嬲你，唉，
等明叔教你啦，我見呀詩個髮夾用左咁耐，你咪買個新嘅比佢，佢咪唔嬲你囉，細路女唔會真係嬲你嘅，
我個女都成日話嬲我，過兩日我送d野比佢咪冇事，你係緊張人嘅，就快d買完拎去比人」
之後明叔拎左個粉紅色嘅髮夾比我「兩蚊，買完快d送比人啦」，嗰時我一個禮拜得五蚊，
所以我都好少買野，通常都係睇下電視，落公園玩下咁，今次為左tum番佢，唯有用我嘅五蚊啦，
「唔該明叔！」，講完之後我頭也不回就跑左去詩詩屋企樓下，「明樂樓，係你啦」我問一問管理員借電話後，
就打左比佢屋企電話，「嘟，嘟，嘟，嘟」等緊有人聽電話嘅時候，我好緊張，到底有冇人聽呢，
有人聽就代表我可以快d同詩詩和好，冇人聽先只好等聽日，呢次可以話係我人生中第一次咁在意一個人
諗咩，咁當然啦，嗰時嘅我根本唔知呢種感覺叫做愛情啦，到我宜家知道啦，都已經太遲了......
「喂，搵邊位呀？」一把熟悉嘅聲音係電話入面傳出，冇錯呢個就係佢呀媽，我叫佢伯母，
「伯母呀，我係呀天呀，我想問詩詩係唔係道呀，我有野搵佢」，「詩詩佢落左公園玩wo，
成個鍾頭啦，都仲未番黎，你要搵佢嘅話，不如順便去公園叫佢番屋企，宜家我煮緊餸，
天仔你同我搵佢呀，唔該，我收線先啦，d水滾左啦」，我將電話放低後同管理員講左聲唔該就跑左去公園，
「去左公園咁耐都唔番，唔會有咩事呀！」，我一去到公園就見到，一班mk仔mk妹係道蝦d細路仔，
我靜靜咁行過去公園入面睇下詩詩係唔係道，一睇原來詩詩玩緊「千秋」，但係佢飛得特別高，
加上平時詩詩係唔玩「千秋」架，佢話驚wo，係wo驚wo，
我一睇原來係個mk仔一路係道推個「千秋」，
「呀！唔好呀，救命呀」，我聽到詩詩不停咁叫救命，我知道我一定要去幫佢，
但有軟骨症嘅我又點可能夠d mk 仔打呀，「袁霸天，你係男人就去叫佢地停手」心底嘅我不斷掙扎，
「去定係唔去」，正當我諗到頭都爆嘅時候！「再高d都得呀」，嗰嗰mk仔諗住全力推個「千秋」，
屌，唔理啦，我一怒之下，大叫「停手！」，兩個字就令佢地暫停手上嘅行為，但好可惜見毒撚就郁，
見大隻就縮嘅佢地，馬上就將我呢個身高一米六嘅細路當成頭號目標，
「仔，你邊撚道架，我做野洗唔撚洗你教呀！」成句野都有個撚字，
當時我諗左一諗就答佢「宣道」兩個字，再一次令佢地靜左落黎，
但暴風雨嘅前夕永遠都係平靜嘅，一秒後，mk再次出聲「我屌你老味，係咪玩野呀，
宜家就教你咩叫做跆拳道」，佢地將自己由一個mk仔mk妹，搖身一變，成為佢地口中嘅黑帶高手，
佢地五個人馬上衝過黎我身邊，將我圍住，拳！打！腳！踢！係一瞬間同時發生，我只好盡力用手防禦，
起初我都盡力還擊，但係我發現我嘅攻擊對佢地每一個都係不痛不癢，所以我都放棄左還擊，
唯一可以可以做嘅就係叫詩詩快d走，「詩詩快d走呀！你去搵人幫手啦！我就黎頂唔順啦！」
我痛到入骨呀，「呀！！！！！！！！！」下句並唔係「也許今天風雨未眠」而係我不斷嘅大叫
「呀！！！！」，「學人做英雄呀拿，一腳就收你皮啦」一名mk仔會嘲笑嘅目光望住係地下翻滾嘅我，
我比佢一腳踢中左尾龍骨，咁樣踢法，有冇軟骨症都死啦，「傻仔下次唔好學人做英雄啦」，
「個妹呢！？」意猶未盡嘅mk們正想再玩詩詩嘅時候，好彩嘅係我頭先已經叫左佢走，
「屌！走左啦」，「頭先個仔叫左佢走，仲話咩呀，要叫佢要搵人黎幫手」，
幾個mk仔一直對我頭先嘅行為非常不滿，我知道佢走左，我就放心，
「去左邊呀！明明頭先仲係手上面架，點會唔見左架？」我發現我手上嘅髮夾唔見左，
當我想搵嘅時候發現mk妹嘅手拎住左我要送比詩詩嘅髮夾，「想要番呀，求下姐姐我呀！」
拎住我嘅髮夾嘅mk妹提出要求，「姐姐，可..可唔可以比番我呀」我毫不猶豫咁講出呢一番說話，我以為
我放下左我嘅尊嚴之後，佢都會比番相對嘅野我，好可惜事實並唔係咁，
「廢物，叫你做咩就做咩，個髮夾好緊要咩，咪又係d cheap野，小姐我買十個比你都得啦，
好呀，你越想要，我就越係唔比你」佢講完呢句後，一手就將個髮夾拋左落地下，
「我宜家就踩爆佢，望住wo，細路」
我大喝「死八婆！食屎狗！我屌你呀！」嬲到仆街嘅我係身體郁唔到嘅情況下，只好大叫，
發洩我嘅情緒，正當mk妹提起腳嘅時候！「呀晴！走啦，有差佬呀」mk仔捉住佢隻手跑走，
而其餘耐個mk都一齊跑走左。「呀天！你冇事呀嘛！」詩詩非常擔心我嘅情況，係佢身後嘅係一名警察，
「細路，冇事呀嘛，班mk仔呢？」警察緊張地問，「我冇事，只係條尾龍骨斷左啫，班人走左啦，
唔好曬時間追佢地啦，快d幫我叫白車好過啦」我只好咁講，
「仲話冇事，你知你d骨頭脆就唔好學人救我啦，一陣出事你叫我點算wo」詩詩語氣中帶點嬲又有d開心，
「唔通由你比佢地蝦咩，我假假地都係個男人，冇可能睇住你比人蝦，而我唔出手加嘛，
咁我咪頂硬上囉，見係你我先咁詐」我即刻咁講，詩詩只係馬上轉頭，我見到佢塊面紅曬，
我仲話「詩詩，你好熱咩？做咩塊面紅曬？」大家唔好以為我係係專登咁講，嗰時我真係唔知先咁問，
「係呀好熱呀，衰人」佢講完之後一野打落我背脊，「嘩，痛架大佬，我專登黎救你，你仲打我，唉，
枉我仲買野比你」，佢好奇地問「做咩冇啦啦買野我呀?」，
「等等」，我用盡全力起身之後去汁番係地下嘅髮夾，詩詩好擔心咁話「做咩起身呀，小心呀！」，
我汁番起個髮夾之後話「嗱，專登買比你架」，詩詩見到就話「點解咁污糟嘅？」，
「你頭先咪見到囉，個mk妹拎左，之後拋落地下呀嘛，唔要就算」我解釋番點解咁污糟，
詩詩即刻話「唔係呀，我問下詐，我唔係唔要呀」，佢馬上係我手上拎走個髮夾，仲帶左上頭上，
佢將佢本來嘅平陰，用髮夾夾左係一邊，佢即刻問我「點呀，靚唔靚呀？」，「靚，當然靚啦，
個髮夾咁靚，你就.....」我一邊笑一講，「你講咩呀！」詩詩語氣帶著三分憤怒，七分開心，
「冇呀，我想話，你仲靚呀，都未聽曬人地講咩就鬧人」我馬上回答，仲扮緊嬲嘅佢話「哼～算你啦」，
「其實呢，呢個髮夾係知你因為我仲遲到而嬲我，所以買比你嘅.......對唔住呀，我唔係想呃你」
我好認真咁講，你聽到之後面再次紅起上黎「下次唔好再遲啦，嗯......仲有.....多謝你呀」
佢講完之後咭高腳錫左我一啖，我當場呆左，冇諗過佢竟然會錫我，我個心「噗 噗 噗」咁跳，
估唔到竟然會搞d咁嘅野，係我前面背對嘅詩詩話「你送左禮物比我，我都比回番禮比你，唔...唔好誤會
呀」，我只好話「知啦」，「WE Wo We wo」白車嘅聲音響個不停，我面前嘅畫面都越黎越黑，
「呀天！！起身啦，訓左成六個幾鍾都唔起身，呀Ben要講野啦！」呀鋒係我耳邊大叫，「詩詩！」，
「乜撚野詩詩呀，屍就大把，起身啦，訓！」
「乜野詩詩呀，屍就大把，起身啦，訓！」，原來頭先又發番嗰嗰夢，唔係我ff，
夢境入面嘅全部都係真實發生過嘅。「屌你，仲坐係道做咩呀，行啦，全部人等緊你呀」
呀鋒講完都急急腳咁行左出房，「最美的愛情回憶裏待續」，又要面對呢個呀Ben嘅on9訓練啦..........