「突發」打打下丁比人捉左去研究所做實驗品: 分配

「大家聽住，今次嘅訓練係要我地係洞穴入面搵一樣野出黎，我地唔知個洞穴有幾大，

但要記住我地嘅目的只係拎走嗰樣野，要避免不必要嘅戰鬥。」穆林首先開口，

呀鋒話「咁我地係一齊行定點，對面五個人，我地六個人」，

「我諗我地應該一齊行比較好，因為對面雖然得五個人，但係佢地嘅戰鬥經驗一定比我地高，

可能鴉比佢地更高，我地分開行，只會比佢地逐個擊破，因此我地應該一齊行，雖然咁樣行動會比較慢，
但起碼可以確保安全」穆林係一瞬間分析左我地嘅弱點再確立出最好嘅方案，而大家都點頭示好，





不愧係穆林！，我心裏面真係佩服穆林嘅急才同領導才能，而我就唔知可以講咩好，

唯有等其他人發表意見啦，細細粒嘅余軒突然出聲話「洗唔洗我向佢地用詛咒術呀，

用到的話佢地唔洗只意同我地搶」余軒面上流露出一絲絲自豪，

「好，如果你用到的話就用啦，千其唔好勉強，記住聽話」穆林好似tum細路咁同余軒講野，

余軒不停點頭示意知道，大家見到呢個情況都笑左一下，係呢道有得笑已經係一件好好嘅事，





「我想放d蟲係你地身上，如果走散左我都可以搵番你地，以防萬一」

方華突然咁講，「你d蟲同余軒d蟲有咩分別，我驚又咬鳩我?」

條蟲飛左出黎不停咁轉，「睇得出係朋友，睇得出....」我見到咁嘅情況我都唔想再質疑佢嘅專業，

「咁黎啦」方華講完呢句之後，d蟲馬上飛入我地件衫道，又冇咩野wo，今次黑超人冇出過聲，

時都冇報，我望一望隔離個組，佢地一粒聲都唔出，唔通佢地已經知道曬要拎咩同入面嘅環境！？，





「係都唔出其，佢地知道曬環境係點，但嗰樣野未必知，如果唔係我地就冇可能贏，

咁樣呀Ben都唔會知邊隊最勁，所以佢地應該唔知，如果佢地知環境係點就難搞，我地唔好走散」，

大家都點頭示好，之後嘅時間都係喺沉默之中渡過。

「夠鍾，全部人跟我黎」，黑超人一句說話就打破左我地沉默嘅氣氛，只剩下急促嘅呼吸聲同腳步聲，

我地每一個人係途中都冇出聲只係默默咁跟住黑超人，大家都諗緊唔同嘅野，

而我竟然係呢個時候諗番起今日發過嘅夢，到底有冇機會再見番佢呢，諗到呢道我知道我一定要出番去，

為左報仇又好咩都好，如果出唔番去我諗係呢道不斷嘅殺戮，我嘅感情都會除住時間而麻木，





「你係個戰士」我不禁提醒自己，因左唔好再手下留情，犯下同樣嘅錯誤，

我知係我隔離嘅穆林聽到我講野，佢都唔答我，就證明佢都係處於一個緊張嘅狀態，

今日鴉完全冇出過聲，唔知係咪錯覺我見到一向面無表情嘅鴉，竟然露出一個擔心嘅表情，

佢一手揸住把刀，另一隻手握住拳頭，到底發生左咩事呢，平時嘅佢咩都可以用刀解決，

但唔通今次嘅事係用刀都解決唔到嘅，鴉好似發現左我嘅目光，馬上望住我示意我唔好再望佢，

咁我當然冇再望啦，「你地著上地下嘅衫褲先」，地上嘅係十二件衫褲，就好似沙示嗰d防毒衣物咁，

我地好快就著起左，著左之後呼吸有d難，我望一望隔離組個d人，

我見到全身都係刀片嗰嗰人著左好耐先著到，我不禁係心裏笑一笑，黑超人按下門上嘅按鈕，





門慢慢咁打開。「轟」，門外嘅係一個好大嘅洞穴，令人唔敢相信係西共人工做出黎嘅，我眼都唔洗合，

因為件衫係有眼罩，過左一陣，呀敏再次出現「好高興大家都黎到呢道，你地分別要分開兩邊入去洞穴，

黑超人會帶你地，你地要搵嘅野就係我手上嘅北極之星，你地拎完就可以出黎交比洞外嘅黑超人，

咁就可以成功完成訓練，相反唔拎到就要留係道接受下一次訓練，咁事不宜遲訓練馬上開始！」