「突發」打打下丁比人捉左去研究所做實驗品: 禿鷹

房既燈比黑超人打開，佢講左聲「follow me」，成個末來戰士咁既款，我地只好極速梳洗，

之後快快咁跟住黑超人既腳步，我地到左第二個全白色既房間，入面企左六個黑超男，

之後方華頭上既吉仔突然跳落地之前係咁用爪打牆，好似發現寶藏咁，之黑超男個個手上多左條毛巾，

突然蒙住我地對眼，呀鋒第一個大叫「屌你咩，今次又想點呀」，穆林可能知道左啲野就安慰我地

「冇事既大家放心」，之後有把死人聲，冇錯再一次係個個仆街Ben，「岩啦，聽你地既隊友講啦」，





「冇事既」，之後我地係一片黑暗既情況下比黑超男拉住走，突然我感覺到熱力，我冇估錯既，

應該係太大陽光，姐係我地係外面？如果我叫救命可能會有人聽到，正當我想叫出嚟既時候，

穆林細細聲咁講，「唔好做傻事」，係喎，有咩可能我地可以比幾個黑超男蒙住眼係街行冇比人見到，

一定係係佢地領域上面，所以我叫破喉嚨都應該會冇人理，之後黑超男示意我地上樓梯，之後坐底，

我估應該係車入面，因為引擎聲經已出賣左你啦，我地就keep住比人蒙住隻眼，大概過左十幾分鐘，





引擎聲突然停止，黑超男講左聲「到，落」，好，簡而精。

我地成個盲人咁摸住前面既野行，搞左一輪後，黑超男幫我地除左眼罩，之後迅速上車走人，

我地一開眼就頂唔住強光，因為我地係黑暗咁耐，點都要少少時間先至可以清楚地睇得番野，

我只可以見到眼前物黃色一片，過左十幾秒後，視力開始回復正常，我先法國，眼前物係一片沙漠，

正當我地唔知發生緊咩事既時候，有一個女人行左出嚟，呢個女人唔簡單，佢心口上既愛國者導彈，





足以炸死在座咁多位，年紀唔大，應該30-35左右，短頭髮，即使著住實驗衣都遮唔到佢宏大既女人象

徵，可能我太耐冇接觸過小天天，所以一見到如此情景，小天天即刻變大天天，個女人一開口，

屌你老母，成口都係西共口音，大天天即刻變番做小天天，

個女人講「梨地吾好睇禾操西共口音就歧視」，我心諗「操你老母咩」，

個女人keep住廢up，「我叫胡敏，係你地既教官，歡迎嚟到西共既人公沙漠場，簡稱禿鷹」，

點解突然會變左個港洲口音既，佢再講「做得你地教官，點都要有番幾道散手既，我識18國語言，

智商160，我15歲麻省理工一級榮譽畢業，我臨走寫篇圈量子引力理論同埋狹義相對論既論文，

依家仲比資國班科學家研究緊。。。。」之後佢繼續拎佢啲往事嚟打飛機，打左十分鐘左右，





我望望身邊，五個人既眼光同時望住一個位，就係佢心口既導彈，正當我無奈既時候，

呀敏停止佢既偉論，我地都拎紙巾出嚟抹走啲口水，呀敏話「好啦差唔多啦，第二組既人等緊你地，

唔好浪費時間，快啲開始訓練」，我地跟住呀敏走，行入一個洞穴入面之後打開一道門，都係全白既房，

入面坐住幾個人，唔係，唔應該拎人嚟形容佢地，應該坐住左幾個怪獸，一個個樣無表情，

心口有個光球，一個直程冇面，頭上有個角，一個四肢都係刀片，一個全身都有裂痕，

裂痕之間有啲電光走過，最後一個最恐怖既係佢全身比釘插住，完全睇唔到樣既，

我地六個人全部都比佢地既樣嚇左一跳，但係我問左一個問題「點解佢地得五個人既，唔係要六個咩」。





呀敏答我「哦，佢地有個人睇佢唔順眼，前幾日打死左佢姐。」我一聽到當然係接受唔到啦，

有咩可能連隊友都會落到手，實在好恐怖，當我一諗到要同佢地交手，我既無力感再一次湧現，

令到我極之不安，面上擺出一副不安既表情，穆林佢地都係一樣表情，呀敏就開聲打破沈默，

「好啦，訓練即將開始，你地既任務就係入洞穴拎一樣野出嚟，邊一隊成功拎到果隊就走到，

第二隊就要留係度，你地有五分鐘時間預備，夠鐘果陣我會話你知你地要拎啲咩出嚟，

你地依家傾下戰略之類果啲野啦下」，講完佢就行左出房，得番我地兩隊完全唔講野既人，

睇嚟呢一刻，沈默係必要既，我地成隊都好似等死咁企左係度望住前面既怪物，等緊我地既係苟且殘存，

定係絕望既幽谷？