(呀鴉第一身視角)

一個手裡劍出現係我面前,散發出陣陣光芒,「呢個就係力量」,刀片男一手拎起個手裡劍,

當佢想拎起手裡劍嘅時候,手裡劍震左一震,刀片男用力一揸,試圖控制手裡劍,我見佢有空檔,

我即刻閃去佢上面突襲佢,好可惜,我閃到上去嘅時候,藍光一閃,一陣陣波動由手裡劍發出,

我比波動彈走,我心諗:「呢件武器唔簡單」,刀片男:「閃都冇用,你根本黎唔到我身邊」,





刀片男終於拎起左個手裡劍,刀片男手上流出大量鮮血,我諗係比手裡劍搞到咁,

師傅講過古代武器必需要係有能力拎起嘅人先可以駕馭,否則會被反噬,我睇佢都唔係太有能力,

如果唔係的話佢唔做拎得咁辛苦,刀片男拎住手裡劍向我襲來,佢將手裡劍拋出,手裡劍嘅速度奇快,

我差d就反應唔切,我彎腰避過一劫,一波未平一波又起,刀片男趁我彎腰時一腳踢在我腹部之上,

我比佢踢到飛左,正當佢諗住再次追打我嘅時候,我即刻閃到佢身後,一刀斬係佢背脊,我揮刀一斬,





「噹」又係一次嘅金屬碰撞聲,只見佢手拎住手裡劍,逼係我面前,我比佢陣陣藍色強光刺入我眼,

令到我眼都撐唔到,所以我即刻施力落把刀道,藉著反彈力拉開我同佢既距離,

「唔錯呀,戰鬥經驗比上次多左唔左少」刀片男佢望住我講,

「我既目標就係要打低你,係咁多」,「咁就要睇下你夠唔夠資格啦」佢一講完即刻將劍飛過嚟,

我舉刀防御,點知手裡劍係呢個時候竟然變番做四塊金屬片,之後係唔同既地方向我襲來,





就好似第一次咁,好彩我得到上一次既經驗,大概知道佢會因應我既走位之後攻擊,

我就用刀打落兩塊金屬,再即刻轉身青落第三,第四塊,「噹,噹,噹」三聲,我望下地下,

無可能,點解只係得三塊,我明明...「哈哈哈,你真係以為我仲會好似上一次咁進攻,太天真啦」,

之後我隻腳感覺一麻,之後有啲刺痛,原來最後一塊金屬經已係我隻腳度留底左左缺口,

我眼前既敵人,深不可測,佢明明只係剩底一隻手,點解我都打唔蠃,佢收番全部金屬,

再變番做手裡劍,只不過,佢最後既一隻手不停流血,臉上開始出現一條條裂痕,

裂痕之間有綠色既汁液流出嚟,果然,佢果然控制唔到把古代神器,只是我慢慢拖,

佢就會比個神器搞死,我係佢接下來既猛烈進攻底下,用長刀既優勢格擋佢既進攻,好可惜,





佢個兵器實在太強,我無論點擋都會受傷,時間慢慢過去,佢臉色開始變到蒼白,

手上流既血逐漸減少,可見佢身上既血經已流得七七八八,我身上既傷痕都多得離譜,

好彩我一直避免要害,所以都仲郁到,刃企左係度,手執手裡劍,慢慢地呼吸,活似一個臨死既病人,

只不過我唔可以大意,我只係可以再閃多一次,佢開口「估唔到,你進步左咁多,明知正面打我唔贏,

所以一直避戰,等我消耗,再擊敗我,幾聰明呀,唔怕同你講,我手上既武器,

係西共係秦始皇陵掘番嚟既神器,傳說荊軻都係拎呢把野刺秦王,就算我死,都唔會比你打底」,

我聽完呆左,佢死左點唔比我打贏呀?正當我諗緊既時候,佢突然舉起隻手,手裡劍飛去天上,





變左做金屬,之後不停圍住北極之星轉,藍色不停變強,金屬轉得愈來愈快,之後金屬開始出現電光,

到底咩事?刃全身開始出現大大小小既裂痕,佢依然高舉隻手,之後講左「天罰」,

之後電光頓時變成閃電箭,一條一條咁電向我,我心知不妙,即刻使用最後一閃,閃去遠處,

電光竟然比我閃既速度仲要快,係我臨閃之前擊中左我背脊,我背脊比電電焦左,皮開肉碇,

之後其它閃電都閃去我原先企果位,之後產生大爆炸,唔敢想像如果我冇閃咁點,

爆炸過後地下留下一個大洞,刃不知所蹤,因為爆炸震動太過激烈,震開左石頭等我望到佢地咩情況,

點知,比我見到個驚人既場面!?
已有 0 人追稿