我實在忍唔住怒火,大叫左聲,之後急步上前揮出有力既一拳,「嘭!」一聲之後,

我隱約見到光波男個肚下陷左,之後距離同我愈拉愈遠,可見我一拳打到佢飛左幾丈咁遠,

之後佢成個人撞左落石牆度,發出一聲巨響,之後沙塵滾滾,我所見既野變到啡色,

我探索下光波男係邊,突然有一條光處極快打落我隻腳度,隻腳即刻麻痺曬,之後郁都郁唔到,

第二條光柱又打落我隻手度,如果我係正常視野底下,以我依家既反應,避開唔係問題,只不過,





依家根本連眼前既野都睇唔到,所以我只好等沙塵散去,

但係我經已比佢啲光波搞到我隻手同隻腳郁唔到,我依家直程係一個人靶,

我明明經已出左全力打左一擊,無可能連傷都傷唔到佢,冇可能!有一道光波再向我襲去,

突然有個超大既身形係我面前出現,係呀吉!「喵!」呀吉幫我擋左一下,「呀華,呀吉點解會?」

我都未講完,呀華就話我聽「我冇叫佢變形,係佢自己要幫你手」,我一聽到有d感動,





「只不過,呀吉,你傷勢點?」,「喵!!」強而有力既喵一聲已經係無事既最好證明,

隨著時間過去,我開始睇得清楚,光波男口流出鮮血,應該係比我打傷,我暗中高興,

因為佢都係正常既體質,但係我手仲有腳都麻痺左,仲開始有痛既感覺,情況愈來愈嚴重,

光波男一步一步行過嚟我度,我想拉開距離都唔得,我前面既呀吉嘗試為我擋下佢,

可惜仲有傷在身既呀吉口裏說不,身體很誠實,一條一條既傷痕流血不停,再加上岩岩佢幫我擋左一擊,





依家應該好辛苦,但係佢依然企係我面前要保護我,光波男行去呀吉前面, 帶有白色野既腳,

一野踢落吉仔隻腳度,「喵~~」,呢一聲明顯是哀鳴,之後吉仔慢慢變回細隻,

滿身傷痕咁行番到呀華嘅心口度,光波男再靠近我,一腳再一腳踢落我度,我完全感覺唔到痛楚,

唔通我經已進化到刀槍不入嘅程度!?光波男放隻手係心口個光球上面,講出佢第一句野,

「烙印」

佢一講完我身上大大小小開始有腳印出現,之後完全發光,我開始感到融化既感覺,全身好熱,好辛苦,

好口乾,我諗番起啱啱個身吸收左佢啲光波,話唔定可以再吸多一次,我集中精神,心無雜念,

再深呼吸,果然,身上痛楚感覺開始消去,我可以郁得番,全身都出煙,比啱啱仲勁,





我即刻跑去呀華面前保護佢,廢佢受傷害,光波男不停咁打我,不痛也不癢,

我經已唔驚佢啲印記仲有d白色野,我馬上反擊,只不過佢好似冇受過傷害咁樣,

除左我出全力既一拳打到佢嘔血之外,佢再冇有任何傷害,在係咁落去,時間一到,我地即使唔洗死,

都要搵到寶石,一但搵唔到,都要留係度,都九死一生啦,希望穆林佢地搵到寶石啦,

只不過依家我一定要搵到佢既破綻,之後打底佢,再搵呀鴉,呀鋒佢地會合,再一齊走,一諗到呢度,

面前嘅光波男心口嘅光球發出紅光,「咩話,呢個時候先黎搞呢d野!!!」光波男大叫,

我發現光波男身上嘅白色液體慢慢咁變成紅色,好似火一樣,我即刻叫呀華行開d,光波男痛苦咁呻吟,





「呀!!!!」宜家嘅佢就好似一隻比火燒緊嘅動物一樣失去,一直大叫,唔知佢叫左幾耐,

佢終於停止佢嘅叫聲,反而係兇神惡剎咁睇住我,佢舉起雙手,兩手之間凝聚住一粒紅色能量球,

越黎越大,我知道我要阻止佢再凝聚落去,因為冇人知粒野威力係幾大,我隻腳全力撐地板,

我成個人好似炮彈一樣飛左出去,佢露出一絲笑意,「仆街,中伏!」,佢嘅目標係呀華,

正當佢想將個能量球拋出去嘅時候,我一手將佢推低,佢手上嘅能量球跌左落地下,佢即刻踢開我,

諗住汁番個能量球,比佢踢到半空嘅我只好望住佢汁番起個能量球,能量球再次回復紅色,

呢我時候光波人身上嘅紅色變得越黎越紅,「呀華!唔好比佢凝聚個波呀!」,

呀華聽到後即刻叫茂仔跑過去阻止光波男,茂仔變大後以佢嘅身體試圖阻止光波男,





正當茂仔一接觸到光波男嘅時候,茂仔嘅龜甲一瞬間比紅色液體腐蝕,

之前頂過大爆炸嘅龜甲咁就消失左,形同虛設,「茂仔!!!」呀華大叫,呀華只好坐在地上哭泣,

哭成淚人,只見變細左嘅茂仔一步一步咁爬番去呀華身邊,「茂仔乖,冇事架」呀華伸手接住茂仔,

呀華摸著茂仔安慰,我落地後再次攻向光波男,光波男完全冇理過我嘅攻擊,我拳腳齊發,

呀華之後就再冇出過一句聲,我一步一步咁向光波男動發,能量球嘅顏色越黎越紅,

我發現每當能量球越紅,光波男身上嘅紅色就越黎越淺,我心諗,係咪佢將身體上嘅異物排出體外,

我之所以叫呀華行開,因為我宜家諗住將佢手上嘅能量球強行搶走,死就死啦,我一手捉住佢嘅能量球,





嘩屌,我隻手好似比火燒一樣,個感覺好似d白色野咁,但比白色野熱,「呀!!!」我忍唔住大叫,

手掌嘅皮膚幾乎冇曬一樣,燒到入骨,佢都係一d反應都冇,我決定拎走佢粒能量球,我諗左好耐,

決定一手拎佢出黎,「再見啦,你地好好生存落去啦....」。

我拎走能量球能量球消失於無形之中,光波男跪左係道,身體冇再出現紅色,只係心口嘅光球一閃一閃,

好似超人夠鍾一樣,「屌!唔係爆炸呀!,光波男話「你唔比我放番身體d雜質出黎,宜家就爆炸啦,

西共比得野你就唔會係好野,你都睇撚住呀」,話口氣未完光球冇再閃光,光波男嘅皮膚開始裂開,

我即刻向後跑,「呀華走呀!!!!你做咩呀!!!!」我見到呀華反而抱住茂仔向前衝,

茂仔馬上變大,背對住先嘅呀華話「有緣識到你係一個緣份,好好生存落去啦,我都係個孤兒黎.......

幫我好好照顧呀吉,再見啦」我試圖跑向呀華,但我跑嘅時候呀吉捉住我雙腳,我冇理會,一直跑,

直到一聲巨響「呯」洞穴裏面充滿紅光,「呀華!!!!!!!」 「喵!!!!!」

我同呀吉一齊大叫,爆炸過後,我跑過去爆炸現場,呀華嘅身體已經消失左,茂仔都消失左,人死左,

咩都唔係,連屍體都可以消失,好似冇事發生過一樣,只係喺識佢地嘅人心目中會留下一條傷痕,

永遠都冇機會復完。我望住空白嘅地下,空無一物嘅地面,只剩下一陣陣嘅傷感.......呀吉坐左係道,

再冇出過一句聲,「我地要去搵北極之星啦,走啦」,呀吉聽到後一步一步咁行過黎我道,我抱起佢,

一步步咁行出去,我一定要走出去打敗曬全部敵人,因為宜家唔再係為左自己,呀華,

你嘅死係唔會白費.....我出到去一定要殺曬呢個研究所嘅人,我袁霸天話嘅!

「細路,冇事呀嘛!?」
 
已有 0 人追稿