「突發」打打下丁比人捉左去研究所做實驗品: 異端！?

「第二個種族，打機咩，吸血鬼定獸人呀？」，呀鴉:「唔係呢d呀，師傅以前同我講過，佢好耐

之前識一位武器工匠，佢專門打開一d特別嘅武器，呢d武器外表同平時我地用嘅差唔多，但我地係拎唔

起呢D武器嘅，唔係力量嘅問題，嗰嗰工匠講過呢D武器並唔係比我地用嘅，而係比「異端」用嘅，所以

問你信唔信有第二個種族」







我聽完呀鴉講嘅野後，我不禁諗番起頭先嗰兩個人，佢地好輕易咁搵到大量北極之星，仲叫d北

極之星做咩曜天石，會唔會佢地就係第二個種族呀。



「喂！細路唔好發夢啦，搵番呀鋒佢地先啦」，「唔好意思」，我望一望地下嘅呀吉，佢同平時

嘅貓冇分別呀，加上呀華都係個平常人，可能嗰兩個人搞錯啫，唉，呢d野遲d先算啦而家最緊要搵番呀





鋒佢地，走出呢度，咁先對得住呀華


我地漫無目的係洞穴道行左陣，我地再次搵到一塊塊有裂痕嘅巨石，我再次聽到金屬碰撞嘅聲

音，今次係連棉不斷嘅金屬碰撞聲，聲音比上次黎得急促，「呀鴉你行後小小！」，「咩料呀，細路教呀

叔做野呀！」我冇理呀鴉，只係冷靜起黎諗番起上次一怒之下出拳嘅情形，我將全身上下嘅肌肉放鬆再次

，將全身嘅力集中係拳頭之，「啪，啪，啪」，骨頭之間傳出聲音，唔係斷左呀，唉唔諗得咁多啦，我一





拳打係塊石頭上面咩事都冇，「冇野啦咁....」柒左嘅我只好向後走，咁都打唔爆，on9，正當我諗住放棄嘅時候，

「砰！」我背後發出巨響，「咩料呀！」我轉身一睇，原來舊石頭爛曬，「好野wo，細路」我見到呀鴉o

撚左，我地等石頭碎曬之後就即刻跑左入去入面


「呀鋒！！」入到去第一個見到嘅係呀鋒，原本見到呀鋒應該係一件好事，但係我見到呀鋒成身傷

曬，前面仲有牛角男，釘佬同電光佬，「仲望，幫拖啦」呀鋒大叫，我即刻跑過去幫手，我見呀鴉都想上

前幫手，我即刻大叫:「呀鴉！你同呀吉留你出面，呢道交比我」呀鴉都知自己身負重傷就留左係出面，

我一入到去已經心知不妙，電光男一開波就係遠處用電光攻向我，我即刻打個關豆，避開佢嘅攻擊，正當





我穩住腳步嘅時候，一個飛快嘅身影攻向我，轉眼間，一個拳頭出現係我面前，我知道我冇辦法避免，只

好用手防禦，點知呢一拳比我想像中嘅重，我比佢打飛左



佢即刻一躍而上，正常佢想用腳踢我嘅時候，二片飛刀馬上出現，插左係佢身上，當佢望一望邊

個插佢嘅時候先即刻穩住身體，一腳踢開佢，「唔該你呀」，一睇原來佢係牛角男，牛角男將兩片飛刀拋

開後再次攻向我，我今次決定唔再防守，正面應戰，佢速度其快，佢好似牛一樣用角向住我衝，見到呢個

情況我都冇諗住正面還擊，只好諗辦法避開，佢嘅攻擊方向係一條直線，只要我向左同右移就可以避開佢





嘅攻擊，牛角佬都係一直咁衝向我，佢到左我前面嘅時候我即刻向左移一移成功避開佢，但正當我想作出反擊嘅時候，係我右邊嘅牛角突然變長將我

勾住成個人撞埋石牆上，「轟」，我成個背脊都超痛，佢將我卡住係牆上面係咁打係咁打，每一拳都好

痛，但呢D痛楚都比唔上為我而死嘅呀華，我應承左呀華一定要好好生存，我唔可以係呢個時候死架，一

諗到度，我發現我嘅雙手都仲郁得，我就知道我仲有機會可以打敗


佢一拳又一拳咁打我嘅時候，我將雙手貼係牆上面，「放鬆，放鬆」我心裏面不停提醒自己要放

鬆，好似頭先打爆舊石咁，一鬆一緊，係最緊嘅時候發力，將全身氣力集中係雙手一推，「呀！！」用盡

全身氣力推嘅忍唔住一邊大叫一邊推，「轟」，再一次嘅轟轟聲證明左我嘅成功，牛角佬比我借牆壁嘅力





一野推開左佢，比我推開左嘅牛角佬面露兇光決定認真對付面前嘅我，我當然非常認真啦，因為打完佢仲

有隔離比人二打一緊嘅呀鋒呀，我只好咬緊牙關應付呢一隻蠻牛。