「突發」打打下丁比人捉左去研究所做實驗品: 包抄
「細路，冇事呀嘛！？」
呀鴉！？，我望向聲音嘅來源，果然係呀鴉，呀鴉訓左係地下，
我跑過去睇下呀鴉全身都有大大小小嘅傷口，我就問「呀鴉，邊個打到你咁架，嗰條有呢？」，
「佢死左，佢用把古代武器將我打到咁，但佢因為身體頂唔住而死左，你呢？」
呀鴉一個問題令我再次諗起呀華死嘅場面，「我冇事...呀華佢.....」、「佢咩呀！」「答我」，
「佢死左......」我鼓起勇氣答呀鴉，呀鴉再次問「點解死左，但隻貓仲係道？」，
對於呀華嘅死我係好應該付出負任嘅，但呢一刻，我冇辦法開口將事情嘅真相講比佢聽，
我相信呢一刻呀鴉係非常唔耐煩，但我都係冇辦法講出口，「係咪佢為左保護你而死」
作戰場老兵嘅呀鴉一眼就睇穿我嘅問題，我答「係....」，「戰場上死傷係必然嘅事，
呀華為左保護你而死，咁你有冇諗過，點解佢要保護你呀，佢認為你嘅能力比自己好，
有更大機會走出呢一道，好好生存，其他野之後再諗啦，宜家我地要去搵穆林佢地，行啦」
身負重傷嘅呀鴉冇要求我幫佢只係默默咁企左起身，突然我同呀鴉身上面都有飛蟲由身體飛番出黎，
呀華......好明顯呢d係呀華之前放係我地身上嘅蟲，正當我想伸手捉住飛蟲嘅時候，佢地已經飛到好高，
想捉都捉唔到，「細路，我地冇時間比你玩啦，北極之星一早比人拎左啦，再唔搵番佢地，
我地每一個都出唔番去呀，你知唔知呀！」呀鴉怒喝，我望住空空如也嘅雙手我係道諗，
我到底我一直以黎係為咩而戰鬥呀，我一直反反覆覆咁問自己，細個比人打，就話冇還擊之力，
冇辦法保護想保護嘅人，到左宜家，有左力量都係冇辦法保護想保護嘅人，到底我有咩用呀......
入到黎呢道每一次都係靠其他人先保住條命，我唔可以再咁啦，
到左宜家我先知道背負住一個人係幾咁辛苦，但我知道我一定會幫到你報仇，西共同呢間研究所，
我通通都要消滅，諗到呢度呀鴉一句聲都冇再出過，好似平時嘅佢一樣，我都冇再出過聲，
只係係洞穴中一直行，但行左一陣都聽唔到有任何怪聲，突然我見到一隻飛蟲係一堆巨石之中飛出黎，
呢道除左我地根本就冇可能飛蟲，「呀鴉，去嗰邊睇下呀」我用手指一指頭先出現過蟲嘅方向，
我地行嘅時候都再冇任何發現，係一塊塊巨石之間有一條空隙，我將頭貼近空隙，
見到入面傳黎大量嘅金屬碰撞聲，「呀鴉，入面有d金屬碰撞嘅聲音wo」呀鴉聽見後，
將耳朵貼住塊巨石，「細路咩聲都冇wo」呀鴉好明顯聽唔到入面嘅聲音，但以我嘅強化後嘅聽力，
聽到係好正常，呀鴉聽唔到都係人之常情，呀吉不停咁㧓我隻腳，我問「呀吉，咩料呀？」，
呀吉跳到石塊上面不斷指住個空隙，「係咪入面有人呀？」呀鴉好奇地問，呀吉不停點頭，
我見到之後即刻試圖舉起塊石塊，「嘩屌，咁重嘅」我用盡九牛二虎之力都舉唔起呢一塊巨石，
呀鴉一手推開我示意等佢試下，呀鴉一刀斬在石塊上，「噹，噹，噹」呀鴉一野再一野咁劈落啲石度，
啲石少少，少少咁掉落，應該係呀鴉既傷勢令到佢依家連基本戰鬥都打唔到，
「停啦呀鴉，當我聽錯啦，你傷得好重，抖下先」，我一講完，地下既呀吉突然跑走左，
「喂，呀吉，你去邊呀！」，我地只好跟住佢，因為佢係呀華既遺物，佢臨死之前叫我好好睇住佢，
我經已幫唔到呀華，我唔想連佢既少少遺願都做唔到，一諗到呢度，我即刻加快腳步，唔理身上既傷痕，
呀吉跑到去一個洞穴前面，天呀！到底有幾多個洞穴呀，突然，岩岩我聽到既聲再一次聽到，
仲清楚左唔少，今次，我仲聽到有人聲，「 યાઓ Tianshi ઝડપથી તે ડિગ કર્યા પછી, રાજા માટે રાહ જોઈ રહ્યું
છે」，佢地講緊我完全聽唔明既話，呀吉一野跑左出去，「喂，呀吉！」，我唔理咁多，
我衝前去一野捉住呀吉，之後我見到眼前既野，完全咁呆左，我眼前有兩個人，佢地每個人，
都拎住一個籃，籃裏面，充滿住光彩，我望真啲，籃入面，唔係普通既寶石，
佢地就係我地要搵既北極之星，而且佢地兩個拎住既數量，起碼有幾十粒，我仲係諗緊野既時候，
我前面既兩個人問我，「 તમે કોણ છો？」，我完全聽唔明，應該係泰國人掛，咁似泰文，
我就用我唯一一句識得既泰文話「沙嘩Dee cup」，佢地聽完無反應，係唔係我唔夠誠意？
我雙手合上大叫「沙嘩Dee cup」，佢地聽完都係冇反應，
我就放棄話「屌都唔知你地想點，呀吉，我地走啦」，佢地兩個講野啦！「細路，留底隻貓，之後走」，
咩話，佢地識講港洲話，咁之前果啲咩嘢嚟？我先唔問佢地呢樣野，我就問「喂，佢係我既，
點解要比你」，佢地笑左兩笑，「你既？你係地上搵到隻貓識變大，我咩都得呀」，
我一聽完有兩個問題，點解佢會話地上，點解佢會知道呀吉識變大，
佢地又講「迪斯少爺係屬於我地既人，佢偷走左出嚟，依家我地咁岩撞到佢，就的佢番去搵主人」，
「咪住先，你話係就係呀，呀吉係唔係真架」只見呀吉低頭好似做錯野既細路咁點頭，「喵~」左一聲，
無可能架，呀吉明明係呀華既寵物，點解會咁？
呀吉行去果兩條友度，「喵喵喵，喵喵，喵」，好似講野咁，
佢地兩個聽完好似聽得明就好驚「咩話，唔得呀少爺，你唔可以再走啦，你唔見左，主人好嬲呀」，
呀吉keep住喵喵喵，佢地就講講講，突然，呀吉勁大聲喵左一聲，
「知道啦，少爺，今日我地無見過你」，呀吉好滿意咁喵左一聲之後慢慢行去我身邊，
佢地兩個望住我「你要好好睇住少爺呀，如果唔係你就死硬」，我完全唔知佢up咩，就哦左一聲當答佢，
呀吉無啦啦跑番番去，用手掌指指果籃，喵左一聲，果籃裏頭有好似北極之星既寶石係度，
唔通佢想！「唔想呀，少爺，啲曜天石，我地掘嚟係比主人架」，呀吉好似好嬲咁拎爪爪條友隻腳，
條友即刻大叫「算啦，換轉係主人都會比佢，你比粒佢啦最多我地當掘少粒」另外一個人講野，
之後佢就係個籃度拎左粒寶石過嚟，我望一望，同北極之星根本無分别，呀鴉係呢個時候趕到，
果兩條友無啦啦唔見左，之後有把聲傳入耳，「細路，好好睇住少爺呀」，之後就無左聲，真係怪人兩
個，我實在太多問題係度，呀鴉一嚟到見到我渣住北極之星，就好驚訝「細路，你邊度攞架」，
我講一次我撞到啲咩，聽到啲咩比呀鴉聽，呀鴉聽完就話，「唔理啦，就夠鐘，我地番去搵佢地先」，
我就贊成呀鴉諗法，我地行番原路，行行下，呀鴉問左我樣野，
佢話「細路，你信唔信除左我地，有第二個種族？」