「突發」打打下丁比人捉左去研究所做實驗品: 黑超

「除左佢副黑超！！」

「阿力奇，你出D咁ON9嘅野黎做比賽題目呀，你咪ON9啦，我地贏硬啦」

呀BEN一聽到就好大聲咁叫左出黎，阿力奇冇應佢只係笑一笑，我心諗，呀BEN你就出少句聲啦，

一陣輸左柒嗰嗰係你自己呀，穆林話：「放心啦，有呀鴉係道，今場我地冇得輸」，「嗯」。

見到佢地行左出去，我個心就越跳越快，一定要贏呀！





「請咁多位參賽者行上前面呢個正方形入面」阿力奇好認真咁講，之後佢地每一個都行左上個擂台，

個擂台都幾大下，好似一個排球場咁大，

「呢個回合嘅要求就係要係五分鐘之內由場地嘅兩邊出發去拎企係中間嘅黑超男副眼鏡，請注意，

雙方都唔可以攻擊對方，當然，你可以用能力阻止對方前進，黑超男唔會攻擊，但係會閃避，好，

宜家請雙方係三個人入面搵一個人企係上面」，





正當阿力奇講完呢句之後，擂台兩邊最後都升起左一條高三米左右嘅柱，

「請注意，企左上去嘅人指可以出聲唔可以落黎或者做任何野，最後你地要將副黑超交比上面嗰嗰人，

雙方都有三十秒時候去諗邊個企，開始計時！」

唔洗問啦，一定係叫穆林企出去啦，以穆林嘅智慧一定可以幫到呀鴉同呀鋒，不出我所料，

果然係派穆林上去，而女子組嗰邊就派左，babyfat嗰嗰上去，當佢地行緊去後面嘅時候，





條柱都慢慢咁降番落黎，穆林同嗰嗰女仔都企左上上面。「咁宜家請浄番嗰兩個人企係白線之後」，

呀鴉同呀鋒都好自然咁行番去後面，但奇怪嘅係，點解，個兩個雙胞胎身上面會發出光嘅，

並唔係好耀眼嘅光，只係我好好奇點解會咁，「大哥哥，望咩望到入曬神呀，嗰兩個姐姐好靚咩？」

坐係我隔離嘅余軒打斷左我嘅思考，我再次望嘅時候佢地身上都已經冇左嗰種光，

我問一問余軒:「軒仔，你見唔見到嗰對雙胞胎頭先身上發光呀？」，余軒揺頭示意冇，

跟住佢就不停咁同呀吉玩，咁我都唔再煩佢，可能係幻覺黎啫，再次睇番呀鴉佢地，

只見佢地都企左係白線之後，白線唔只係一條白線咁簡單，白線上面有一層電網，防止有人想偷步，

係正中間嘅黑超男身後升起左一個黑色嘅計時器，上面顯示住3，





「計時器上3秒過後，比賽正式開始」，我望到呀鴉佢地神色非常凝重，相反穆林一如既往咁輕鬆，

我睇一睇個兩個女仔，佢地都係好輕鬆，我心諗，你地一陣就知死，呀鴉嘅瞬移動，再加上呀鋒嘅念力，

要拎黑超男副眼鏡根本唔難，你地睇撚住呀。我不禁望一望係女子組嘅詩詩，

到左宜家我可以肯定佢一定係詩詩，佢嘅氣質，個樣都係一模一樣，最重要，最重要嘅係，

佢個髮夾我冇可能會認錯，突然佢好似見到我望佢咁，望一望番我，佢望真係望一望就望番地下，

含羞答答咁，實在太可愛啦，詩詩你放心啦，之前你消失我生活入面，今次我唔會再比你走。

「比賽開始」





當阿力奇講完呢一句說話之後，雙方都衝左出去，而黑超男都係冇郁過，

我見到呀鴉係一路都冇用過瞬移，呀鋒嘅飛刀都係跟住佢號，而雙胞胎身上冇再發出任何光芒，

同平常女仔冇咩分別，過左一陣，呀鴉同呀鋒到左上面黑超人三十米左右，呀鋒即刻用異能將呀鴉拎起，再將呀鴉向前拋出，呀鴉係空中嘅速度比係地面仲快，因為呀鋒用念力推動緊佢，推左一陣，

呀鴉已經到左黑超男前面，正當呀鴉想拎黑超男副眼鏡嘅時候，突然，天空上出現一條用冰造嘅滑梯，

一名金髮少女係上面跳左落黎，少女身上有火焰不斷湧現，如果頭先見我見到嘅並唔係幻覺，

係佢身上發出黎嘅，但點解會有一條冰造嘅滑梯呢，

正當我諗緊點解嘅時候穆大叫：「佢後面嗰嗰女仔都有異能！頭先嗰條冰梯係佢整架」

呀鋒聽到之後即刻跑前用飛刀射向火焰少女，飛刀都未到呀，已經比一高溫蒸發左，





「你用呢D咁嘅飛刀就想傷到我呀，太天真啦」，我個心即刻沉一沉，好彩D飛刀冇打中佢，

如果唔係呀鋒針就犯左規啦，擂台後方再次出現一把熟悉嘅聲音：

「呀鋒，你唔好攻勢佢呀，如果唔係你會犯規」，

而對面嘅babyfat女仔都講左一句：「呀怡呀，你頭先做咩唔比佢打呀，如果比打地我地宜家贏左啦，

都唔知你有冇聽阿力奇講野嘅，唉，快D拎啦」，個嗰叫呀怡嘅女仔，都冇出聲，好似知道自己錯左咁，

而佢身後嗰位用冰嘅女仔就冇咩突別反應，正當我諗緊呀鴉佢地下一步應該點做嘅時候，

呀鴉嘅身體再次消失於無形之中，一道黑影閃過，再次出現嘅時候已經係黑超男前面，





「贏啦掛」我心諗，

正當呀鴉想伸手去拎黑超男副眼鏡嘅時候，突然呀鴉出面出現左一道冰牆，令呀鴉冇辦法伸到手去拎，

穆林好冷靜咁話：「呀鋒，用飛刀開路」，四把飛刀同時飛出，係冰牆上面畫左個四方形，

冰牆立即出現裂痕，但冰牆出乎意料咁硬，一道銀光閃過，呀鴉係裂痕上再補上一刀，冰牆終於裂開，

冰牆裂開後，只見呀怡已經出手拎緊黑超男副眼鏡，一道道火焰射向黑超男，

正當我以為黑超男會死嘅時候，黑超男一個轉身，全部都中曬，但黑超男竟然毫髮冇傷！？，

「點解會咁架！」呀怡當場O撚左，呀鴉立即閃到黑超男身邊，伸出手出拎眼鏡，今次冰霜少女冇出手，

而係黑超男側一側個頭，好輕鬆咁避開左呀鴉，但點會咁架！正常人只會見到呀鴉消失之後再出現，我都淨係見到一道黑影閃過，黑超男竟然反應得切！

我望一望穆林，穆林一邊轉自己d白頭髮，一邊諗，「穆林，你真係諗太多野啦」，

正當我想問一問軒仔見到D咩嘅時候，我發現佢已經訓著左，就連坐喺最後嘅呀BEN都訓著左，

我只好繼續睇比賽啦，點知呀吉突然間不停「喵喵喵喵」咁叫，我抱起呀吉睇下發生咩事，

只見呀吉不停咁喵，最奇怪嘅係，佢身上嗰條鏈又再一次發出紫光，今次比上一次仲要更加強烈，

我只好問呀吉咩事，但係呀吉都係一直喵喵咁叫，

我就話啦：「呀吉，你講咩呀，我唔係呀吉華呀，你喵喵喵我都唔會係你講咩架，講中文啦」，






「呀，係wo你唔係呀華wo，你係聽唔明我講野架wo」