「呀,係wo你唔係呀華wo,你係聽唔明我講野架wo」

我即刻周圍望,余軒,係wo,「軒仔,啱啱講完野,宜家又唔出聲,做咩呀你?」

「喂!呀天,我同你講緊野呀!」我旁邊再次出現一把奇怪嘅聲音,

「邊個呀,喂,軒仔,咪玩啦」,我塊面左邊突然突然一痛,「我同你講緊野呀!」,

我即刻望一望左邊,「呀吉,做咩抓我呀?」,「我同你講緊野呀!呀吉呀」,





「唔撚係掛!呀吉識講野!」我不停拍打呀吉個頭,

「唔好拍啦,我真係講緊野呀,嗰嗰黑超男件衫有古怪。」,

有古怪?再一次望一望黑超男件衫,都係同之前一樣呀,冇咩分別呀,

「佢件衫同平時黑超男著嘅衫係唔一樣架,佢嗰件衫係用闇氣石黎整架,可能抵禦一切非物理攻擊」,

呀吉識講野都已經好奇怪啦,原來黑超男仲奇怪,唔怪得知頭先D火焰比佢件衫頂曬啦,





「呀!天哥哥你同緊邊個講呀?」,「冇呀,我同緊呀吉講野囉」,「喵」呀吉再一次發出喵喵聲,

「天哥哥,呀吉點會識講野呀,佢頭先先喵完黎,你係咪比D博士改壞左個腦呀」,

「喂,呀吉啱啱你先同我誚話黑超男件衫有古怪,宜家做咩唔出聲呀?」

「喵?」呀吉種好疑惑嘅語氣喵左一聲,「喂呀吉?」我再次叫呀吉,希望佢講番人話,好可惜,

佢都好冇理我,唔知咩原因啦,但我可以肯定頭先同我講野嘅一定係呀吉,「天哥哥,你咪傻啦」





余軒講完呢句之後,繼續玩呀吉完全冇留意過比賽,我只好繼續睇番比賽。



擂台上面,兩邊都不停向黑超男副黑超進攻,但好奇囓係黑超男,每一次都可以好順利咁避開,

呀怡不停咁搵火焰攻擊黑超男可惜每一次嘅攻勢都起唔到任何作用,亦都證明左呀吉所講嘅野都係啱嘅,

但係觀眾席嘅我又唔可以出聲提佢地,只好默默睇住佢地,呀鴉再一次閃現,

今次並唔係閃到黑超男身邊,竟然係閃到不停使用火焰嘅女仔面前,「呀怡停手呀,唔好再用火啦!」

女子組嘅後方傳出一聲大叫,呀怡即刻停止放出火焰,一瞬間,呀鴉已經出現左係佢面前,呀鴉拔刀,

做咩呀,規則唔係話唔比攻擊人架咩,我望一望穆林,只見穆林露出一個勝利嘅笑容,





刀已經出現係呀怡面前,「呀!!!!!」一大聲尖叫,正當我以為我地因為犯規玩完嘅時候,

血光並冇四濺,呀鴉係轉瞬間已經出現係黑超男面前,呀鴉伸手去拎眼鏡嘅時候,「霜,用冰籠!」,

叫呀霜嘅少女一瞬間係黑超男旁邊造出一個冰造嘅籠,令呀鴉冇辦法出手,「呀鋒,用念力拎起個籠」,

呀鋒成隻手都發出白色光,冰籠都比白光圍繞,呀鋒將手拉後,成個籠隨住呀鋒隻手郁動,成個搬走左,

但呀鋒都因為咁而跪左係道,成身圍繞住火光嘅呀恰以極速趕過黎黑超男身邊,好可惜,

係呀鴉面前幾快都冇用,呀鴉再一次消失,黑超男因為睇唔到呀鴉而四處張望,

一道黑影出現係黑超男旁邊,黑超男試圖閃避黑影嘅行動,





但黑影再一次消失再次出現嘅時候已經係佢面前,黑超男將佢件衫舉起試圖防禦,銀光一閃,

成件衫比銀光斬開一半,呀鴉再一次閃現,黎到黑超男前一手拎左佢副黑超,

「比賽結束,第一回合,A組勝」

 
已有 0 人追稿