「突發」打打下丁比人捉左去研究所做實驗品: 整裝備戰

「好波呀，呀鴉！！」我見到呀鴉拎到副眼鏡後不禁大叫，「喂，軒仔，我地贏左啦」我係咁搖佢個身，

佢先慢慢咁張開眼睛，好似仲未訓醒嘅佢話：「做咩呀，我訓緊覺架.......」，

我即刻大叫：「我地贏左啦！！！！」，佢聽到之後即刻彈起，「好野！！」，我心諗你都冇睇，

我吹水都得啦，之後軒仔不停舉起呀吉，又放番低呀吉，當呀吉BB咁玩，後面突然傳出一聲巨響

「咩話？我地贏左呀，一早估到啦，阿力奇條on9以為咁就贏到我地咩，收皮啦，哈哈」





好明顯呢把聲係呀BEN，我都廢事留意佢，我望番出場地，呀鴉露出難得一見嘅笑容，

呀鋒就因為消耗太大而訓低左，穆林一如既往咁，冇咩大反應，相反輸左嘅呀怡同霜就非常傷心，

霜仲喊起上黎，而已經落番黎嘅babyfat女仔雖然係有幾分傷感，但係都同呀怡一齊安慰霜，

之後阿力奇行左上前講野：「第一場比賽係A組勝，今次比賽嘅目的係搵出最強嘅人黎效力西共，

所以比賽係會分三個回何進行嘅，而第二回合就係 自相殘殺，





咁宜家我地會有半個鐘時間比大家休息」，阿力奇誚完呢句之後就番番去女子組嗰邊，一句聲都冇出過，

如果要形容佢個樣，一個字，西口西面，女子組嗰邊全部人都好驚，好似下一秒就要比人處決一樣，

全身抖震，其中詩詩見到佢地喊住番黎，都跟住喊埋一份，一陣陣傷感係嗰邊傳出黎，我都無謂再望，

擂台上嘅呀鋒比黑超男帶走，而呀鴉同穆林就慢慢咁行過黎我地嗰邊，

「穆林哥哥，鴉哥哥，你地好勁呀！」軒仔第一時間跑去佢地面前，而我都一齊過去，





我一見到穆林就問：「穆林，對手實力點呀？」，

穆林面色立刻凝重起黎：「其實今次我地之所以會贏係因為黑超男件衫有古怪，我地先贏到，

加上佢地有嘅異能非常強，如果我地要真係同佢地打起上黎的話我地並唔係咁易贏，

不過好彩我地今次贏左，如果唔係我地下一場負擔更大」，

果然穆林都睇得出黑超男件衫有古怪，但點解呀吉會咁清楚，連用咩黎整佢都知，仲有呀，

點解呀吉會識講野，呢個都係令我不解嘅地方，我望一望呀吉，佢同平時嘅貓冇咩分別，

但我諗番起嗰次係洞穴入面嗰兩個奇怪男人，佢地話呀吉做咩走出黎，仲有咩主人，

令我更加懷疑呀吉嘅身份，不過宜家呢Ｄ都並唔係重點，重點係跟住落黎嗰場比賽，「自相殘殺」，





好明顯係要我地自己鬼打鬼啦，死仆街要我打女仔都難啦，仲要我打自己嘅同伴，

都唔知嗰個阿力奇係咪心理變態嘅，「呀天，如果真係的話你會點做？」，「我…..我落唔到手」

要我出手打自己同伴根本就冇可能，

一直都冇出聲嘅呀鴉終於出聲：「我地要出番去就要完成佢地所講嘅野，你自己諗下你應該點做啦」，

呀鴉嘅說話再一次打入我心裏面，要自由就要負出代價，如果要我打死自己同伴嘅話，

呢個代價實在太大，我比唔起。


「你地跟我黎」一把完全冇感情嘅聲音再次係旁邊響起，





我地再一次跟住黑超男行，我地贏左之後呀ben完全冇讚賞過我地，佢都冇錯，

因為我地由頭到尾都係一隻棋子，任人擺佈，我地又再一次番到黎頭先嗰間房，但奇怪嘅係，

入面多左五個櫃，同電視劇「烈火龍心」入面Ｄ櫃一樣，「你地打開個櫃拎出面Ｄ野出黎用」，

講完呢句之後黑超男就行番出去，

我地入到出就打開左個櫃，我睇下其他人個櫃都係冇咩特別，

入面有Ｄ新嘅衫褲，同我地身上嘅冇咩分別，唔好問點解冇鞋，因為我地根本一直都冇鞋著，

如果要講最特別嘅話就係每個櫃入面都有一塊全身鏡，當我望一望塊鏡，





發現宜家嘅我已經唔再係之前嗰個袁霸天，講下個頭先，嘩屌長到仆街wo，好似日本仔D頭咁呀，

同木村個頭差唔多，好彩我個樣同之前一樣，仲多左一陣成熟嘅味道，望一望個身，嘩，唔望由自可，

一望，同平時冇分別，我大喝：「唔撚係掛！！！」，佢地即刻望住我，穆林問：「做咩呀？」，

我Ｏ撚左咁同佢講：「點解我冇大隻過嘅，同之前一樣wo，點會大力左咁多架」，穆林冇答我，

呀鴉過黎同我講：「你咪on9啦，邊個話大隻先大力呀」，我聽完都覺得佢係啱嘅，

我著番佢地比我嘅衫褲就坐左係道，只見大家心情都非常凝重，

因為我地個個都擔心下一個回合係咪會叫我地殺死對方，「咔嚓」門再一次開始，入黎嘅並唔係黑超男，

而係呀鋒，「做咩呀，個個死老豆咁嘅」，好明顯呀鋒已經回復好狀態，





穆林第一個出聲：「下一回合嘅題目係自相殘殺，所以我地都好擔心」，

呀鋒好輕鬆咁話：「有咩好擔心呀，反正都要面對」，跟住落黎嗰段時間大家都冇出聲，

我係軒仔手上抱走呀吉，諗住問下佢點解識講野，但好可惜，呀吉都係以「喵喵喵」黎回答我，

咁我都冇再繼續問佢，因為佢唔想講一定有佢嘅原因。




「時間到，跟我走」