「突發」打打下丁比人捉左去研究所做實驗品: 資格

再次番上台上嘅呀bo：「好，事不宜遲，我地馬上請黑超評判黎，為我地數三二一」

黑超男毫無語氣咁講：「三，二，一」


一開始詩詩不停向我進攻，好明顯，佢試緊水溫，一拳一拳嘅攻勢，對我黎講都係比我聚能嘅好機會，

佢一拳雖然力度大，但係出拳嘅速度並冇我想像中咁快，佢出每一拳，我都用雙手接實，

佢一拳同牛角佬差唔多大力，但宜家嘅我要接住係好輕鬆嘅一件事，我接左佢十拳左右，





我發現隻手嘅皮膚開始慢慢咁融化起黎，我諗應該係詩詩嗰D黑氣所造成嘅，

詩詩好囂張咁話：「袁霸天，頭先唔係食得好開心架咩？繼續食呀」，

佢咁講好明顯係挑釁緊我，我只好還擊啦，「聚能」，我馬上將頭先吸收番黎嘅能量聚集係左手上面，

「係呀，好開心呀！」我右手極速擊出一拳，佢當然好快咁閃開啦，

閃開左一拳嘅佢話：「咁你就話自己有資格呀，收皮啦」話口未完佢一腳踢落我個頭道，





我烏一烏低好輕鬆就避開左，佢眼神閃過一絲驚訝，正當佢想同我捉開距離嘅時候，好可惜，

係佢退後嘅時候，我一手拉佢番黎，一掌打落佢個肚道，

我笑住咁講：「點呀，睇黎你都冇咩資格話我wo」，我好成功咁打到佢倒地，

係地下嘅佢講：「頭先大意啫，唔好咁得戚呀你」，

台上嘅呀bo大叫：「嘩，頭先氣勢如虹嘅小妹妹宜家比嗰位長毛怪一掌打到訓低左呀，





咁睇黎呢場表演都會非常精彩呀！」

全場觀眾都為我而歡呼，但我重視嘅係邊撚個長毛呀，

呀bo再話：「好啦，依家既比數係一比零，大家估下係我地嘅長毛贏，定係我地可愛嘅小妹妹贏呢」，

「wow，wow，wow」觀眾好似癡左線咁係咁叫，我地好似番番去古羅馬競技場咁，只見詩詩企番起身，

仲怒視住我，「袁霸天屌你咩，出陰招？」詩詩一開口就係粗口！詩詩平時連仆街都唔會講，

依家竟然變到咁，呢個一定唔係詩詩，我衝前揮出重重既一拳，詩詩側身避開後話「太慢啦」，一講完，

佢避開嘅同時，係我既格勒底下穿過，再踢到一記回馬踢，好彩我反應得切，我即刻退低，佢一腳落空，





點知係佢踢空氣嘅時候，「仲未完呀靚仔」，佢再拎另一隻腳踢我頭頂，反應唔切嘅我就比佢踢中頭頂，

我即刻頭頂嘅液體傳落手上，之後運股熱力落雙手，「聚能！」，點知我一講完聚能兩個字，

面前嘅詩詩突然消失，我一拳擊中擂台，「轟！」，擂臺上面比我打左個大洞，

我心諗頭先又唔見打得開，「靚仔，破壞公物要罰架」，一把女聲從後傳出，無可能！我即刻擰轉個頭，

一個拳頭襲來，近乎零距離我冇辦法避開之下食左一拳，佢好明顯係驚我會再用聚能所以再踢開我，

詩詩呢兩次攻勢令我感受到久違嘅痛楚，仲我每一次接觸到佢D黑氣嘅時候我嘅皮膚都會比佢慢慢侵蝕，

比佢踢開嘅我先用右腳企穩，但我一企穩陣腳，上面觀詩詩大叫：「唔比你抖呀！」，我連氣都味回好，

佢就做右腳係側面踢過嚟，我正想擋既時候，佢突然收腳，轉為掃堂腿，我心諗，大獲！話口未完，





佢拎右腳踢我，但之後以極速轉為左腳掃落我隻右腳度，右腳係我既重心腳，佢一掃，

我即刻比佢掃到訓左係度，

「wooooo」

觀眾仲有呀bo一齊大叫：「小妹妹一個神奇頂級超卓嘅掃堂腿，追番頭先嗰一分，

宜家一比一，真係好緊張呀！」

我經已無心情理條仆街，因為我唔可以再訓低，我要專心，詩詩一面從容，好似穩操勝券咁，

我冇理咁多，一個小跳步再踢佢一腳，





之後我不停左右腳咁踢過去，佢就不停咁避，佢好似可以睇穿我咁動作咁，每一次都好有規律咁避，等等，規律？係喎，我一直都係左右左右咁踢，佢梗係可以避得開啦，

我真係on9，但打近戰會比佢啲黑煙搞到我處於不利，唯有咁啦！我即刻再踢出右腳，詩詩笑左一聲，好似係笑緊我係傻仔咁，我心諗，邊個係傻仔，等等 先知，

我踢出右腳嘅時左手候再揮出一個鞭鎚，佢完全估唔到之下食左我一野，我再踢出左腳，佢想擋住，我一拳直拳落佢個肚度，我一直唔按章法出招，佢就一直 都捉唔到我條路啦，

所以有幾野我都可以成功打中佢，不過佢注重防守，重心腳做得好好，無論我點打佢都唔會跌，佢一直唔出手，我就一直進攻，左鞭鎚，朝天 踢，側腿，日字衝拳，我瘋狂出招打佢，

佢都不為所動，所以我諗住退後幾步稍為休息，點知我退後既時候，詩詩突然好似知道我會有咁既動作，捉住我隻手， 「哈，攰啦咩，到我啦」，佢一講完，

我明白佢點解一直唔出手，係佢一直等緊機會，話口未完，佢用柔道嘅技巧，捉住我隻左手，扯去佢個博頭做支點，之後一野 扯高我，反番我落地下，我因為頭先連續出得太多招，

估唔到佢會有呢一著，我根本反應唔到，就咁，我又再次比佢打左落地，我倒地後佢仲要踢多我幾腳，好彩黑 超人拉開佢，如果唔係我都係咁先，

「嘩，好出色既攻防戰，妹妹仔反超二比一，姐係話，長毛再倒地嘅話，呢個回合就係女子組贏」，呀bo再次出聲，不過有樣 野佢講得岩，我再倒地就比佢追番，





「細路，慢啲嚟，唔好咁急」，「大哥哥你唔好再訓低呀，如果唔係我叫吉仔咬你嫁」，兩把非常熟悉嘅聲音係台下傳出，原來 係軒仔同呀鴉係係道大叫，我重整旗鼓，

深呼吸一下，準備作出進攻，

詩詩突然開口「喂，你呀，依家投降都仲得嫁」，我輕輕一笑：「要投降個個係你呀」，

佢全身既黑氣變得愈黎愈深色，仲開始慢慢變形，更化為一條黑龍，「吼！！！」，

「煙·滅殺」

詩詩一講完，條黑龍就即刻飛黎我度，我馬上向後跑，但條黑龍係咁咬住我唔放，我一直跑，

佢就一直跟「哈，傻豬～你跑番屋企佢地都會跟住你，唔洗避啦，投降啦」，「大哥哥！！」，

「細路！！」下面一直傳黎聲音，但我都係一直跑，我等緊一個機會當我跑到擂台邊嘅時候，

突然轉向！向住詩詩嘅方向跑，

「就算你點轉點避都好，佢都會打中你架，呀天唔好曬時間啦，最多一陣叫佢幫你治療囉」

詩詩好得戚咁講，「我知呀，你當我on9咩，睇野啦」

我一講完即刻跑快兩步，我嘅目標就係詩詩！

詩詩見到就話：「想用黑龍打我呀？訓醒未呀佢地係我控制架，傻仔」

我無理過佢，繼續跑去佢面前，


我就跑到嘅同時，黑龍嘅速度越黎越快，

仲未夠，

再快啲，

詩詩開始唔明我想點，但都流露住自信嘅表情，就係我跑到佢面前嘅時候，我一個急停，轉身伸出右手，

一直追緊我嘅黑龍打中我右手，好似吞噬緊我咁，不過我冇理咁多，一次過將黑氣吸收曬落隻右手道，

雖然比想像中痛，但係只好頂硬上啦，我吸收曬全部黑氣之後，我再一次面向詩詩，

詩詩用唔敢相信嘅眼光望住我，「你.....你.....唔好...呀...你..癡....癡...線」，

詩詩都未講完呀我已經將頭先嘅黑氣轉化為液體，聚集係左手，極強嘅能量令我隻左手充滿白光，

成個轉換過程只不過係三至四秒，詩詩反應再快都避唔開，更加唔好話佢估到我有呢招，

「聚能！」

正當我想出拳嘅時候，手上全部能量都一擁而上，一道極強嘅能量係手上發出 ！

全場都比白光照住我完全睇唔到任何野，

但係我隱約聽到詩詩講：「煙·鋼邪」，

「轟！！」

一聲巨響之後，因為能量太過強大，我成個人震開左，我訓左係道，不停喘氣，

啱啱嗰招我差唔多用曬全身所有力，所以我連氣都吸唔到咁制，連擂臺比我搞到四分五裂，

但最奇怪嘅係點解聚能可以以一個咁嘅形式發出嘅，係我點解聚能可以以一個咁嘅形式發出嘅，

係我諗一諗呢個問題之後， 第一次時間諗嘅係，詩詩到底有冇事呢？

台上再一次傳出呀bo把聲：「嘩，好強嘅能量呀，我諗冇人可以近距離食完一招都唔死啦，

咁我諗妹妹仔都係咁先架啦」

煙霧開始散去，我見到地下有好多碎片，而詩詩都訓左係地下，全身都係傷痕，呀bo見到之後呆左幾秒，

就講「妹妹失去戰鬥能力，所以...」

「咳咳，咪住！」

詩詩好勉強咁企番起身之後話：「我冇事！袁霸天你真係呀，一D都唔憐香惜玉嘅」，

詩詩仲識講笑就知佢冇事啦，但令我好奇嘅係點解佢企得番起身嘅，

柒曬嘅呀bo只好話：「好，依..依家二比二...」，

「袁霸天，依家先開始呀」，

佢一講完雙手再次冒出黑氣，慢慢化為兩把長劍，



「煙·雙剎」