「突發」打打下丁比人捉左去研究所做實驗品: 意料之外
「煙·雙剎」
詩詩手上黑氣不斷湧現,可以話唔係氣而係煙，慢慢湧現嘅形成左兩把全黑嘅長劍，難分虛實，
企係道嘅詩詩用其中一把劍指住我：「袁霸天，果然有d實力呀，不過我都唔會咁易比你打低架，黎啦」
我企番起身之後：「詩詩，宜家我有資格未呀？」，我問完之後詩詩冇出聲只係拎住兩把長劍跑過黎，
我只係企係道等待詩詩攻過黎，係詩詩跑嘅時候我係道諗，如果我比人打嘅係物理攻擊的話，
就會以物理嘅形式發出黎，而受到能量嘅攻擊嘅時候，我可以用能量嘅形式發放出黎，
換句話講即係我可以用敵人嘅攻擊形式黎攻擊番佢，而詩詩身上發出嘅煙就係能量形式，
就可以令我發出頭先嗰種咁強大嘅能量。
「好，就試一試」
詩詩衝到過黎一劍刺係我身上，我即刻用手臂去擋，劍完全刺左係我手上，一陣陣刺痛感係我手上傳黎，
傷口不斷被黑煙侵蝕，
詩詩見到我冇任何反應佢就問：「做咩唔還擊呀，你唔係諗住我會打到冇力呀」，我冇答佢，
只係不斷忍受住手上傳黎嘅陣陣刺痛，
詩詩見到我咁就嬲嬲地咁講：「哼！唔出聲就算」詩詩繼續用劍刺係我身上，
直到我開始感到全身上下都感覺到一種前所未有嘅感覺，全身都非常熱，好似比火燒一樣，
我以極速向後跳，詩詩見到我咁之後話：「郁啦咩？你成身傷曬仲想點同我打呀」，我一聲不發，
將體內全部熱力，係身體入面流動，係頭先詩詩不停嘅攻擊之中，
我宜家終於感到有一種爆發出黎嘅感覺，「聚能」，我大叫之後，我感覺到全身都充滿能量，
身體上上下下都發出好似頭先一樣嘅白光，
台上再次傳黎聲音：「嘩，頭先一直比人打嘅長毛，全身都發曬光，唔通佢爆左seed？」，
全場歡呼聲四起！詩詩再次用驚嚇嘅目光望住我，佢好似完全唔明點解我可以再一次發出呢一種能量，
「唔該你wo」
話口未完，我腳板一用力，我以一個前所未有咁快嘅速度黎到詩詩面前，
詩詩露出極度驚嚇嘅表情：「點會.....」我一拳打係詩詩身上，
唔好問我點解一直都可以咁無情咁打詩詩，因為我知道佢並唔係真正嘅詩詩。一拳擊在詩詩身上，
詩詩成個飛走左，係佢飛嘅同時，我跑去佢前面，一手將佢接住「好啦，玩夠啦，叫番佢出黎啦」，
比我攬住嘅詩詩，面上泛起紅暈，詩詩大叫：「做…做咩呀你，放手呀」，
見到佢咁可愛嘅反應我當然想繼續同佢玩落去啦，比我抱住嘅詩詩，雙手箍住我條頸，
想再一次一次將我反落地下，好可惜以呢一個狀態嘅我，佢想反我落地根本就冇可能，
係我差唔多落地嘅一刻，我用手支撐我嘅身體再一次企番起身，
台上嘅呀bo又再一次大叫：「長毛嘅實力真係超出我嘅預算呀，頭先嘅大光球，
再加上宜家全身發曬白光，真係非常刺激呀，我相信咁多位觀眾都睇得非常開心，但係記住記住，
如果鍾意我地極限嘉年華嘅話，記得走之前放低一d錢，
令我地有更多錢去開發更多好玩刺激嘅活動呀」，佢講完之後全場鴉雀無聲，但係我起番身嘅一瞬間，
我感覺到身體開始越黎越重，熱力都開始慢慢咁散去，
企番起身嘅詩詩怕怕羞羞咁講：「死咸濕佬，袁！霸！天！」，我見到佢咁我感到一種莫名嘅開心，
好似番左去以前咁，
但一瞬間就將我呢個美好嘅幻想打破，
因為詩詩再一次拎住兩把劍衝向我，佢不斷，刺，斬，咩都用曬都係冇辦法打中我，佢一擊落空之後，
我一手捉住佢其中一把劍，我用力一屈，佢成把劍就一分為二斷左，
佢見到咁嘅情況就用盡全力刺向我心口，「煙·蛇咬」，劍身幻化成一條黑色巨蛇。咬向我，
巨蛇同黑氣一樣，都係好似鎖定左我一樣，追住我唔放，既然係咁，我再一次用手接全條蛇，
同頭先一樣，一陣陣刺痛由手上傳出，但奇怪嘅係，手掌竟然冇頭先嗰種火熱嘅液體聚集，只係得痛楚，
係我想抽番隻手出黎嘅時候，蛇口竟然好似有生命一樣咬住我唔放，
係我面前嘅詩詩好得戚咁講：「咸濕佬抽完我水想走呀？」，
我都廢事分神黎應付佢，只聽見面前嘅佢係咁笑我，我嬲起上黎，用另一隻手屈斷佢把劍，
正當我出手嘅時候，佢即刻將劍抽走，而巨蛇都隨住把劍抽走而消失，我知道再拖落去都唔係辦法，
因為如果我嘅力量係黎自詩詩嘅黑氣的話，咁咪同普通聚能一樣，得五分鐘時間，
所以我係詩詩退後嘅時候一個箭步衝上前，一手扯住詩詩件衫領，一腳「kick」落佢道，
但正當我一發力嘅時候，全身突然非常重，因為咁我冇辦法「kick」低佢，反而比佢一腳踢落我巨龍道，
「呀！！！！！」比佢踢中巨龍嘅我大叫，詩詩好跳皮咁話：「袁霸天，罰你呀」，
劇痛冇比嘅我只好一步一步向後退，再加上莫名其妙嘅負重感，我只好咁做，
詩詩見到我咁當然不停向我步步進迫，仲有我發現我身上嘅白光已經完全消失，
詩詩一連串嘅攻勢令我幾乎抖唔到氣，佢一腳踢係我頭上，我完成冇辦法避開，
「睇黎你仲未夠班wo~~~~~ 」
對於詩詩嘅挑釁我都冇辦法回應，只係聽住觀眾同呀bo嘅嘲笑，我只可以睇住佢地笑，慢慢跌低，
我不停問自己，如果你宜家訓低左就冇資格保護詩詩，
「起身呀！」
台下嘅佢地不停大叫，
到左我訓低嘅前一刻，我用盡力令隻腳維持平衡，企番起身嘅我，用盡全力向前衝，
詩詩面上流露出一絲笑容，我盡力伸長我隻手去推詩詩，但點伸都掂唔到，
最後我訓左係地下，
「多謝你呀，記住好好保護我啦」