「突發」打打下丁比人捉左去研究所做實驗品: 燃燒炲盡
「呀怡！！！」，
只見呀怡成個人變做火人慘叫，呀霜第一個大叫，呀怡不停慘叫，
火勢愈黎愈猛烈，火光閃閃，啪啦啪啦啦聲音漸漸增強，應該係呀怡嘅皮頂唔住高溫所以爆開，呀怡嘅慘叫變成尖叫，我地聽到無一不心寒，眼前嘅環境極之噁心，
呀霜即使不停施法幫呀怡，可惜根本毫無好轉，直到呀怡唔再亂咁郁，趴左係地下，好明顯佢嘅生命線已經燒斷，佢身上嘅油脂應該比火燒到七七八八，所以火勢開始緩和，
呀霜一直抱頭痛哭，口中不停叫住呀怡呀怡，都係嘅，話曬呀怡都係佢親生細妹，諗諗下，好似係我累左佢，如果我無提示佢地走，根本佢地唔會有事，係我，
係我搞到佢地兩姐妹咁，我心中突然浮現出一個樣，呀華，無錯，呀華都係我害死，全部都係我嘅錯，我一諗到呢度，不禁雙眼一酸，視線變到好模糊，眼前嘅野變得水汪汪，
兩行眼淚慢慢流下，「Sorry，都係我嘅錯」，我雙眼望住地下，好細聲咁講，我經已做好準備呀霜會打我，就連打死我都預左，點知呀霜用佢冷若冰霜嘅眼神，
之間帶點感情講：「你想負責任既，帶我地出去，我地都行到呢步，都冇得番轉頭啦，行啦」，佢一講完就拎手抺走眼淚，但係佢前面既係一個接一個既西共軍人，
士兵們見到呀霜後呆一呆，之後話「知驚啦，快快地投降啦」，呀霜舉高雙手，士兵即刻更添幾分自信，拎住大聲公講，
「你地有一個人經已投降，你地唔投降，下場就會好似佢咁」，佢一講完，拎腳踢左踢呀怡經已燒焦嘅屍體，屍體開始滲出黃色既屍油，經過士兵一踢，「咔啦」一聲，
死去嘅呀怡隻手一分為二，呀霜見到後，即使佢擰轉左個頭，都可以感到佢嘅憤怒，突然我全身感到一股寒氣，呀霜身邊不停出現白煙，仲大叫起黎：「呀呀呀呀！」，
佢成個人變左做超級撒亞人咁，頭髮樹起曬，士兵個個驚嚇到標屎，呀霜雙手一揮，白煙化成一隻巨大既鳯凰，之後雙翼一振，出現無數咁多條冰柱打落地下，
士兵個個反應都比唔到都食曬啲冰柱，呀霜一直大叫屌你老母之類既粗口直到最後一個士兵倒埋地，可見呀霜既恕恨何其之大，我地個個都睇到呆曬，
呀霜擰轉個頭講「你老母係行就快，唔好等下個禮拜」之後一步往前行，我地急步跟上，留下眼淚仲有呀怡既屍體，行行下呀霜無啦啦停低，不停抖大氣，之後仲暈埋，
我第一個跑前睇下佢，發現佢成塊面紅左，我摸一摸，好滑.....仲有好熱，應該係啱啱嘅爆發消耗得太大所以發燒，佢地趕到之後，詩詩好驚訝咁掹大個口，軒仔望左兩望，行前跪低，
雙手摸一摸呀霜塊面，之後軒仔笑左一笑，我正想問佢咩事既時候，軒仔拎左佢個盒出嚟，一打開，有好多唔同既蟲，佢地無亂走，只係留係盒裏便，軒仔望兩望，
伸手係裏便拎左隻綠色既蟲出嚟，軒仔咧嘴一笑，佢唔係仲想落毒呀嘛，之後呀軒講左啲唔知咩話，條蟲就自趴左去呀霜微微張開既嘴入面，呀霜一吞下眉頭一皺，即刻彈左起身，
嘩左一聲，軒仔即刻笑，「好野，姐姐起身啦」，我一問軒仔，軒仔好似穆林上身咁知道我想問咩，
「哥哥呀，有時我都會好似霜姐姐咁，好熱，好辛苦，但係有左蟲仔幫我之後就無野啦」，軒仔一講完，呀霜臉上漸漸露出青色之後問，
「你.....你.....你放.....放...左...啲咩落....落我...我..個..口」，軒仔答「無呀，我放左我啲，呀」我即刻捂住軒仔個口，我驚軒仔講出真相，呀霜即刻死都似，
我就話軒仔放左粒退燒藥落佢個口度，呀霜即刻鬆一口氣，企番起身「快啲行啦，冇時間啦，援兵就到」，我地一行人就往我地既門口出發，一路都無撞到士兵，
我諗暫時無人知道我地嘅行動，我心口一鬆，行行下，終於到左我地落嚟既升降機口，但係有個問題，就要有一個人係出面操作部野先可以郁，我望一望呀鋒，
呀鋒好似會意到我講咩，佢話當然無問題，之後全神灌注望住相總掣，「轟，湧」機械發動既聲音，持續左一陣，機械聲一直響緊，但部野郁都唔郁，我望到掣度有支棍，
唔通要發動左部野，仲要拉總掣先可以郁，姐係要兩個人先可以操作到部野，我望一望呀鴉，呀鴉？咪住，呀鴉唔見左，「哥哥你睇下果度」，軒仔扯住我咁講，一路指住果邊，
我只見呀鴉經已係部機面前，我知佢想做咩，我即刻大叫：「唔好呀，呀鴉」我一叫完，佢笑左一笑之後拉上總掣，部野再一次用極高速往上升，經過十幾秒既離心力，
我口中不停咁提住呀鴉個名，突然有隻手搭係我個頭度「細路，咩事呀？」我即刻擰轉身，只見呀鴉絲毫無損咁企係我面前，我大為震驚，只好講「我岩岩仲以為你...」
呀鴉再講「on9，我識閃呀嘛」，你唔講我都唔記得，之後柒左只好步出升降機門口，點知有好黑人憎既聲音傳出，「靚仔靚女，咁急去邊呀？」，
「hehehehehe」
跟住係一把笑到心寒嘅笑聲出現，出現係我地面前既係好耐冇見嘅人，一個全身都有裂縫，裂縫之間唔難見到有一絲絲電光閃過，，第二個臉上無任何眼耳口鼻，頭上有一雙牛角，
佢地係曾經令我地大吃苦頭嘅人，唔係，唔應該拎人去形容佢地，佢地拎走呀華既姓命，嗰四個字我銘記於心
「王牌隊伍」！！