我出生破碎家庭，同屋企啲女人全部無血緣闗係: 01. 破碎。家庭

子華神曾經講過：大家都以為破碎家庭一定喺好嘈，你鬧我時，我鬧你，間中仲有出手打人。
 
其實唔喺呀，我屋企依個破碎家庭就嚟得好靜，近乎完全無交流，因為我同屋企啲女人全部都無血緣關係。
 
我親生媽媽喺我好細個果陣，遇到一次交通意外中過咗身，估唔到我依個咁嘅爸爸，就喺媽媽落葬之後第二日，佢竟然帶咗個女人入嚟屋企。
 
「阿澤，從今日起佢就喺你新媽媽。」
 
你話！我一個細路點接受到，我當然發哂脾氣，將屋企啲嘢亂拋亂掉。
 


「佢唔喺我媽媽，快啲走呀。依到喺我屋企，我同你一啲關係都無呀。」我一路喊，一路指住個女人喺到鬧。
 
突然，我爸爸出盡力一巴摑埋嚟，我成個人跌咗喺地，呆哂咁摸住腫哂塊面，連喊都喊唔出啦。
 
之後，佢仲好大聲咁講咗一件事，我連發夢都估唔到嘅事俾我知。
 
「你即刻同我收聲！依個先至喺我老婆，你阿媽喺我情婦嚟架咋。如果你仲想有得食，有得瞓就學精啲。」佢一雙佈滿紅筋嘅怨毒眼神喺咁睥住我。
 
我咁大個仔，爸爸都未打過我，依家媽媽唔喺到，佢竟然為咗個女人打我。雖然我當時唔太明白，咩喺情婦，我只喺知道，依到已經再唔喺我屋企。
 


原本以為，只需要唔理依個後母，當佢透明，日子會好快過，當我大個之後， 一有自立能力，我就要離開依到，離開依個完全唔屬於我嘅家。
 
點知，就喺另一日，個女人打算搬入嚟嘅時候，竟然仲帶多個人入嚟住。
 
有個細路女，一直好怕羞咁企喺個女人後面，不時伸個頭出嚟偷望我；當我回望番佢，佢又會即刻縮番埋去。
 
個女人將個細路女輕輕咁拉上前。
 
「巧伶，依到就喺你新屋企。依個喺你哥哥，你叫阿澤哥哥啦。」女人摸摸細路女個頭，鼓勵佢。
 


細路女個頭垂得好低，手指仲好唔自然咁玩住衫角，我見佢面紅紅，紅到連耳根都紅埋，就喺講唔出任何嘢。
 
不過，咁仲好，唔好叫我哥哥，我從來都無兄弟姊妹，我同你地兩個一啲關係都無。你地要入嚟住，我阻止唔到，不過唔該，你還你，我還我。
 
我見個細路女一直都無出聲，我都唔想理佢。走番入自己房，仲故意好大力咁關門上鎖。
 
無錯，依道門後面，喺我嘅私人空間，喺我嘅最後防線。
 
唔該......唔好用任何親人嘅稱謂叫我，因為，終有一日，我會離開。