「下,你認真架?」文靜的反應也沒有很誇張。
 
「係啊,我已經決定左啦!」我這次是下定決心要救小草出火海。
 
「你頭先話完唔要,而家又話要,一時一樣,邊有得咁架?」文靜笑說。
 
「文靜姐姐,」我一臉懇求的看著她,「文靜娘娘,頭先係我唔岩啦,
 
你為左小草著想,就幫下我脫毒啦,」我說。
 


「無啊,蘇州過後就無艇搭啦,」文靜說,「對你好小小就多多要求咁,
 
我同你講清楚先啊,我係飲多左兩杯先對你語氣好D咋,你唔好諗錯隔離啊!」
 
文靜說著又用力敲了我個頭一下。
 
「最多我以後比你日日扑我個頭啦,」我說,一邊捉起她的手臂,「黎啦,
 
幫下我啦,幫下我啦,」這幾天與文靜混得熟了,也忘了甚麼男女之防。
 


文靜聽著噗哧一笑,
 
「咩日日比我扑你個頭啊,」她笑說,「你比唔比我都會日日扑架啦,」
 
「係啦係啦,係我唔岩,又講錯野,應該係我會日日好心甘情願比你扑先岩,」
 
我說,想這麼討好她,她總會傳授我一招半式。
 
「哦,咁即係你而家好唔心甘情願啦,」文靜佯裝生氣,別過了臉去。
 


「咁 …… 咁又唔係 ……. 不過可以既話 …… 就扑得細力D ……
 
咁樣好似會好D …… 」我說。
 
「哦,你即係嫌我粗魯,唔夠你個小草溫柔啦,係咪?」
 
文靜怎麼突然變得如此小器啊?
 
「咁 …… 咁又唔係 …… 我文靜娘娘又點會粗魯 …… 」
 
這句違心之話我說來自己也覺得奇怪,但為了小草,也只得忍下去,「不過係 …… 」
 
「不過?!!」她白了我一眼。
 
「即係 …… 可以溫柔小小就完美啦 …… 」我說。


 
「哼,你真係當我唔識聽,你即係話我唔完美姐!
 
係啊係啊,最完美係你個小草啦,得未啊?」她說著當真有點不快。
 
「咁 …… 咁又唔係 …… 所謂金無足赤,人無完人,
 
你唔完美先顯得你既美係實在嘛,實在既美先係完美既美啊,」
 
我說著自己都糊塗了,即是完美還是不完美?
 
文靜聽著又禁不住格格的嬌笑起來,
 
「你講野一舊舊咁,我唔同你講啦,」
 


她笑說,「一陣聽得多我講野都學埋你就死啦。」
 
「唔好啊唔好啊,你要幫我脫毒啊,」我費了這麼多的勁,想不到她還是拒絕。
 
「我有話過唔幫你咩?」文靜笑說,「不過呢 …… 有條件喎,」
 
「咩啊咩啊?我咩都應承你啦,」我說。
 
「收人工囉,嘻,」她向我扮了個鬼臉,「睇你都唔會點洗錢架啦,
 
你以後每個月份糧比一半我,我就幫你脫毒啦!」
 
「咁 …… 咁 …… 咁點得啊 …… 」雖然她的話不錯,
 
我除了交通和飲食的開支外,也花不了多少錢,但總覺得這樣不妥。


 
「唔肯就算!好稀罕教你咩?」文靜說。
 
「但係 …… 你要咁多錢做咩啊?」我問。
 
「你理得我姐,你咪當學費囉,咁你學唔學啊?」她又問。
 
「咁 …… 好啦好啦,就咁話就係啦 …… 」我說,
 
想只要早早學成,也就從此不用再付如此巨額的學費。
 
「算你啦,咁你以後要改後叫我做文靜師傅,」她說著洋洋得意的。
 
那知我們說得入神,竟不發覺有二人也走到公園裡頭。
 
已有 0 人追稿