我打開衣櫃,見裡頭放著的,都是小月的內衣,
 
小月的內衣盡選了些可愛的款式,不是有蝴蝶結,便是有花紋圖案,
 
與文靜那種,出淤泥不染的純白款式,又是另一個天地。
 
不過若要二擇其一的話啊 …….
 
不,不,竹生你怎麼可以又想到這些去,這可是大不敬啊,
 


還是把抽屜推回去,別要生歹念才是。
 
「搵唔搵到啊主人?」小月突然問我
 
「Er …… 無喎,得 …… 」也很難跟小月說我只找到她的內衣,「你放左係邊格啊?」
 
「最底個格囉,」小月說。
 
我聽著心裡暗罵,若是在最底下一個抽屜的話就該早說了啊,
 


那有人會從底下的找起?
 
不,不,小月如此天真無邪,才沒有想到這些去,竹生啊竹生,你可不要想歪。
 
 
 
如此我打開最底下的抽屜,迎來的終於不是女性內衣,
 
我翻了兩翻,卻發覺大大的不妥,
 


「小月 …… 點解 …… 點解你個衣櫃入面無褲既 …… ?」
 
我找著就只見迷你裙、連身裙,
 
除了內褲以外,整個櫃子裡也找不出半條褲子來。
 
「小月唔著褲啊,」她說。
 
「唔著褲?」我心裡暗嘆。
 
「嗯,著褲好唔舒服架,嘻嘻,同埋小月又唔似文靜姐姐咁瘦,
 
著起黎都唔好睇啦,」她笑說。
 
我想著有理,近年會穿褲子的女孩已然不多了。


 
「咁但係 …… 」沒有褲子的話可麻煩啊。
 
「嗯?」她問。
 
「無褲既話呢 …… 我 …… 我著咩啊 …… ?」我問。
 
 
 
「啊?」小月有點意外,「係喎,小月無諗到添,」
 
我聽著暗暗叫苦,她一句沒有想到,可就害我把全身衣服脫光。
 
「不過小月平時係屋企都唔著褲啊,就咁著件睡衣就得啦,
 


小月有長長既睡衣啊,」她笑說。
 
「係喎,搵件長既睡衣就得啦,」我心裡暗讚小月聰明,
 
可找了出來後,又只有暗暗搖頭。
 
小月長得不高,比我還矮了一個頭,
 
她所謂長長的睡衣,我穿起來才剛好合身,還是衣不蔽體。
 
「點啊主人,搵到未啊?」小月又問。
 
「唔得啊,都係太短啦,」我答,「唔緊要啦,我著返我D衫得啦,」
 
我想不過穿數個小時,也無大礙。


 
「唔得架,婆婆話D衫濕左仲著會感親架,」小月語氣大為著緊。
 
「咁 ……. 咁都無辦法架 …… 」這也是實情。
 
「主人你著住小月D裙先啦,點都好過著條濕左既褲啊,」小月說。
 
「著 …… 著裙 …… ?!」這一嚇非同小可。
 
 
 
「嗯,唔怕啦,得小月同主人係度,」她笑嘻嘻的,「最多小月幫主人扮靚靚啦,
 
小月一路都好想要多個妹妹啊,咁就有人陪我一齊扮靚啦,」
 


「我 …… 我係男仔 ……  又點可以著裙呢 …… 」我說,
 
想這樣把自己弄得陰陽怪氣的,不就跟三怪中那個顏如玉無異?
 
「唔係啊,主人你頭先唔係同小月講一個人有好多個身份架咩?」她笑問。
 
「係,咁 …… 但係無關係架 …… 」我說。
 
「有關係啊有關係啊,」她欣喜的道,「竹生主人你除左男仔呢個身份之外,
 
仲有好多身份啊,你唔好用男仔既身份去著裙,你用 …… 嗯 ……
 
例如你用小月主人既身份就可以啦,平時Café有女仔黎,
 
小月都當佢地係主人啊。」小月為自己能學以致用而高興。
 
「咁 …… 」這是甚麼邏輯啊,她真的有搞懂我的話嗎?
 
但我想要反駁她的話,卻又不知從何說起。
 
「就咁話啦,」小月笑說。
 
「唔洗啦,唔係幾好既 …… 」我推搪,如此羞辱的事,誰要做啊?
 
「主人你嫌棄小月D裙啊?」小月問著聲音又沙啞了起來。
 
唉,小月就是這麼的,稍違她的意思,她就要哭起來。
 
「唔係啊唔係啊,我唔係咁既意思。」我忙道。
 
「咁就好啦,主人快D著啦,定係要小月幫主人揀?」她問,有點職業病。
 
「唔好唔好,」我怕她又要轉過身來看我的裸體,「我著就係啦,」
 
我說著往小月的衣櫥一瞥,見裡頭就只有粉色的裙子,
 
「死就死啦,」我心裡暗叫,「君子不以紺緅飾,紅紫不以為褻服,
 
唔好揀大紅大紫就係啦,古人都係著長褂,都係裙姐,無事既無事既,」
 
我說著把心一橫,就選了條淡黃雛菊花紋款式的迷你裙,穿了上身。
 
已有 0 人追稿