「喂,」文靜見我不答,又催促了兩下。
 
「Er …… 我 …… Er …… 係屋企囉 …… 」我想這裡是小月的家,也算不上是撒謊。
 
「我夠知你係屋企啦,」她說。
 
「咁你又問 …… ?」我心想,當然不敢如此跟文靜說話。
 
「喂,出黎啦,」文靜笑說。
 


「啊?」我聽著一楞,「去邊啊?」
 
「去我屋企囉,」文靜說得爽快,但我聽著又是一驚。
 
「我岩岩先去完小月屋企,又要去文靜屋企 …… ?咁點得啊 …… ?」我心想。
 
「唔好既 …… 」我推搪道。
 
「你唔黎唔好後悔啊,」文靜說。
 


「咁 …… 咁 …… 」她又要威脅我,可真是太過份了,
 
待一天我吐氣揚眉,定要她好受。
 
「人地仲好心諗住今日放假幫你脫毒,唔黎就算,」她說,「收線啦,收線啦,」
 
「唔 …… 唔好 ……. !!」我忙道,
 
原來文靜是安著好心,我又錯怪她了,「我黎,即到!比地址我!」
 


那知文靜才把地址說過,我即聽大門打開的聲音,然後便是一把娃娃音,
 
「竹生主人!你起身啦?」說話的自然是小月。
 
小月樂起來不覺說得響亮,也不知有沒有被電話裡頭的文靜聽到,
 
「殊 …… 」我連忙打眼色要她安靜,可一切已然是晚了。
 
「咦,點解我好似聽到小月把聲既?」文靜問。
 
 
 
「啊?有咩?無啊無啊,」我忙道,一邊示意要小月閉嘴,
 
可小月反應遲遲鈍鈍的,又那能會意?


 
「做咩啊,竹生主人?」小月又問。
 
「殊 …… 殊 …… 」我此時垂死掙扎,也是無力回天了。
 
「唔係喎,我肯定聽到小月把聲喎,」文靜說得堅定。
 
「無呢 …… 」我實在怕文靜知道我在小月家留宿,
 
但到底是甚麼原因,我一時也答不上。
 
「畜牲!」文靜喝道,我聽著心裡一驚。
 
「咩 …… 咩啊 …... ?」我顫聲問。
 


「你到底係邊!」文靜說,「你唔講我自己問小月!你點都瞞我唔到啊!」
 
對了,她給小月打個電話時,一切就瞞不過去。
 
「係啦係啦,我係小月屋企啦 ……. 」我只有認命,任文靜處置是了。
 
「你 …… 你隻淫賊!!!」文靜罵道。
 
「我同小月清清白白啊,」我說。
 
「我唔理!你而家即刻上黎我屋企同我解釋,唔係既話,我 …… 我 …… !」
 
文靜氣得沒把話說過,便氣沖沖的把電話掛上。
 
 


 
「死啦小月,今次激嬲左文靜啦,」我心裡一陣酸苦。
 
「點解啊 …… ?」小月還是懵然不知。
 
「佢嬲我係你屋企過夜囉 …… 」我說。
 
「啊,文靜姐姐唔係咁小器架喎,佢對人好好啊,」小月嘻嘻的笑著。
 
「除左有時個人惡D,脾氣怪D,又鍾意打人之外,其實佢都幾好既,」我說,
 
但撇除了這麼多缺點,還有人不好的嗎?
 
「如果文靜姐姐嬲你,你氹下佢就係啦,」小月笑說,「有時小月激嬲左佢,
 


都有送左隻公仔比佢啊,」
 
我看看小月的家,最不乏的便是毛公仔,「不過文靜姐姐話唔好買禮物比佢喎,
 
佢話與其咁不切實際,不如折現就係,
 
不過小月唔知咩係折現,竹生主人你可以送個折現比文靜姐姐啊,」
 
折現就是真金白銀的給她錢啊,怎麼文靜這麼愛錢,
 
要我付學費已經要了我半份薪水,此下若要再哄回她時,不知又要如何破費了。
 
 
 
「唔好講文靜啦,」我說,想再說下去也是於事無補,
 
「你頭先去左邊啊,點解唔見左你既?」我又問,
 
心裡總是惴惴的,就怕她看到我的睡態,這我可吃了大虧啊。
 
「小月見竹生主人你未起身,咪去幫主人買早餐囉,拿,」
 
她說著伸手遞來一個膠袋,「有小月最鍾意既油炸鬼啊,
 
揸住一條黎食,好得意啊,」她笑說,
 
我卻怎麼也想像不到一條油炸鬼可以有多可愛。
 
「唔啦唔啦,我要趕住去搵文靜啦,唔係佢又嬲我啦,」我說,
 
文靜剛才說是要我立刻趕到,我若誤了時辰,她定然又要生氣了。
 
「下 …… ?」小月有點失望,「但係小月特登買比主人食 ……. 同埋主人 ……
 
主人應承今朝同小月扮靚靚 …… 」
 
我看著她那楚楚可憐的模樣,心裡大動,但事有輕重之分,
 
想小月人好,就是我現在棄她不顧時,她也不會生我的氣,還是先找文靜好了。
 
「我下次陪返你啦,乖啦,」我說,一邊在她的頭上摸了兩下,
 
然後便匆匆的要出門了。
 
「主人 …… 」臨行前小月叫住我,她對我還真是眷戀呢,害得我都有點愧疚。
 
「嗯,我好快返啦,唔洗掛住我啊 ……. 」我說。
 
「唔係啊 …… 主人你未著返條褲 ……. 」小月說,一邊拾起了我的衣服。
 
已有 0 人追稿