我去左間 Cafe 打工 , 想溝入面個 Mk 妹女同事: 天地有正氣，文天祥再現？！

「我無事啊，」
 
文靜拭了拭淚，然後站了起來，「你走先啦，我今日教你唔到啦，」
 
看著文靜流淚，不知怎的，我只覺心裡也如她一般的淒苦。
 
「點得呢？」我說，實在忍不得丟下她一人，「你講我知咩事啦 …… 」
 
「你個心就淨係諗住小草，諗住要我幫你脫毒，」她嘆了口氣，哭得更慘。
 


「唔係啊唔係啊，」我忙道，「你今次真係誤會左我啦，我係關心你啊，」
 
文靜聽著破涕為笑，
 
「我今次真係誤會左你，即係我之前無誤會你？」
 
她問，臉上仍留在數行清晰的淚印，「淫蟲，死淫蟲，」
 
她說著在我手臂上輕輕打了兩下，
 


可這次沒了昔時那種打鬧的情趣，只有一種淒寂的憂愁。
 
「究竟做咩事啊 …… 」我捉起她的手，「頭先個個 …… 個個係咩人黎啊 …… ？」
 
我想那人對文靜一個弱質女子動粗，實在太過份了，
 
當然我不會走到他的房間去把他痛打一頓，但至少也要罵上幾句以洩心頭之憤。
 
「佢 …… ？」文靜苦笑了一下，「佢係文天翔 ……. 」
 


「文天祥？！！」我聽著一驚，「佢死左好耐啦，唔通 ……. 唔通 …… 」
 
文天祥是南宋忠臣，也是個烈性子，莫非這一下來了個借屍還魂？
 
我聽著不禁毛骨悚然。