我去左間 Cafe 打工 , 想溝入面個 Mk 妹女同事: 認錯的藝術。

我本想只要文靜回過頭來看我，我便可以好好開解她，
 
那知我在她身上戳了兩下，她卻置之不理，頭也不回過來。
 
「喂呀喂呀，嬲完未啊，唔好咁小器啦，」我又在她背上點了兩點，
 
想小時候我把媽媽惹惱了，只要我纏得她心煩，
 
不斷的跟她道歉，她便會饒過我了，想文靜也是女人，也不會例外。
 


「好啦，係我唔岩，係我唔著啦，你唔好嬲我啦，」
 
我也不管她理不理我，就只死纏爛打著她。
 
那知果真只要不斷道歉，便能動之以情，
 
文靜最終還是忍不住的回過頭來，雖然仍是狠狠的瞪著我，但也總比不理好。
 
「好煩啊你，走開啦，」她說，輕輕在我身上推了一下，「你話你衰，你衰咩啊？」
 


可她在我身上推了一下以後，隨即發覺不對，
 
便往我全身上下打量了一下，然後看著不禁噗哧的一聲笑了出來。
 
「好肉酸啊你，男人老狗著咩女僕裝啊，」
 
她佯裝惱怒，卻那裡藏得住裡頭的笑意？
 
「我 …… 我係諗住 …… 」我說話仍是支支吾吾的，「小次郎係男仔黎架，
 


拿，你換返呢件男僕裝啦，」我說，一邊向她遞過一襲男僕服。
 
 
 
「你落黎就係叫我換返男裝？」文靜白了我一眼。
 
「咁 …… 咁又唔係 …… 」我答，「如果你可以順便 …… 順便原諒埋我就好啦，」
 
我雖不知道自己如何開罪了她，但也管不得了，直接求她原宥就是。
 
「咁你講啊，你衰咩啊？又有咩值得我原諒你啊？」
 
她問，始終不肯接過我手上的衣衫。
 
「我 …… 我 …… 」我真是苦無半點頭緒。


 
「你 …… 你 …… 」文靜學著我，「你根本都唔知錯，點叫人原諒你啊？」
 
「我 …… 唉 …… 」我想著感慨，
 
怎麼自己讀那麼多書，說起話來還是會口吃，
 
可隨即又記得文靜教過我討人歡喜的妙法，這時可派得上用場。
 
「你諗好自己有咩錯先黎搵我啦，」她說。
 
「我 …… 我諗好啦 …… 」我想文靜的法子雖妙，可卻又有點冒犯。
 
「你諗好？」她將信將疑的。
 


「嗯，得罪啦，」說著我大起膽子，輕輕摟著文靜的腰，與她臉貼著臉。
 
「喂，你做咩啊？」她吃了一大驚，想要掙開，我卻始終摟著不放。
 
「哎 …… 呀 …… 文 …… 文 ……. 靜 …… 娘娘啊，」我學著那日文靜的語氣，
 
可此時摟著她只覺渾身不自在，說起來吞吞吐吐的，「我 …… 我 …… 知 ……
 
知你嬲我 …… 嬲我唔落架 …… 係咪 …… ？嗯 …… ？
 
你 …… 你嬲左我以後 …… 以後啊 …… 」
 
糟了，那日我沒留心聽文靜說，以後甚麼我卻記不起來。
 
「以後無人同你打打鬧鬧，悶都悶死你啊！無記性！」


 
原來文靜還記得那日在診所裡頭的對話，「放手啦鹹濕仔，當我怕左你就係啦，
 
你呢D叫做畫虎不成反類犬啊，人地聽落唔單只唔冧啊，仲會當埋你係變態佬，
 
你唔好話係我教出黎添啊，」她說話仍是不饒人，可已沒了先前的惡意。
 

「係既係既，」我知文靜不再生我的氣，心裡甜甜的，「咁所以要你教我啊，
 
你唔教我，我以後講野都係疾下疾下啦，」我說。
 
「哼，都唔知你真定假既，而家講野又唔見你疾？」文靜說。
 
「唔 …… 唔係啊，有時 …… 我會緊張啊 …… 」我答。


 
「緊你個頭，我未原諒你架，你都未知自己衰咩，」文靜又說。
 
「我 …… 」我實在不明白文靜何以生氣，「總之係我唔岩啦，」
 
「點可以咁馬虎啊，你唔知自己錯乜，以後就會重犯啦，
 
你重犯我就唔會再原諒你啦，」她說。
 
「啊 …… 咁即係你今次原諒左我啦，」我笑說。
 
「淨係得D小聰明，自己有咩錯又唔知，」文靜白了一眼。
 
「哎呀，好啦好啦，我文靜師傅你人好，你話比徒兒知徒兒錯咩啦，
 
最多徒兒以後聽教聽話，唔敢激你老人家啦，」我求懇。
 
「哼，仲兜個圈話我老，你好耶啊你，」文靜嬌嗔道。
 
「咁 …… 咁 …… 我意思即係你德高望重啊 …… 」我忙道。
 
「鬼先要德高望重，讚下我靚都唔得，咪話我唔教你啦，
 
女仔鍾意人讚佢靚啊，你快D讚我啦，」她笑說。
 
「咁 …… 」這樣也太厚顏了，「你 …… 你好靚囉 …… 」
 
「無D誠意，不過好過無啦，」文靜又說，「好啦，話你知啦，
 
你記唔記得左你個日送我返屋企，你應承左我D咩啊？」
 
「應 …… 應承左D咩 …… ？」我說著極力回想那日文靜說過的話。
 
「點啊，唔記得啊？」文靜鼓起兩邊腮，卻也可愛得很。
 
「嗯 …… 」我搔搔後腦，傻傻的笑了一下，「我無心架 …… 」
 


「無心，你梗係無心啦，你係無良心又無心肝啊，
 
枉我咁關心你要你返到屋企打個電話比我，你就當無左回事，
 
你知唔知有人會擔 …… 你知唔知我等住你比車撞死等到好無耐性啊，
 
今日仲要遲到，我已經準備慶祝你死左啦，你又死返返黎，你話點叫我唔嬲啊？」
 
文靜說話前後矛盾，我聽著也胡里胡塗的，
 
總之她就是惱我沒有給她打電話就是了。
 
「好啦，我以後打電話比你啦，咁樣我地和好啦？」我說，終於能息事寧人。
 
「邊個要你打電話比我啊，你死你事啦，你咁鍾意打，打比你個小月打到夠啦，
 
又話要追小草，而家又搵個小月，男人都係三心兩意架，
 
你咪洗旨意我再教你添啊，」
 
「我同小月清清白白架，我由始至終都係想追小草，」
 
我忙道，可說起小草卻想起一件事來。
 
「我唔知你咁多喎，都無興趣知喎，」文靜說。
 
「喂，文靜，」我輕輕喚她的名字。
 
「咩啊，你點講我都唔會幫你去追女仔架喎，除非你比錢咋喎，」
 
她撅撅嘴，又想敲詐我一大筆。

「唔係啊，我有野要問你啊，」我說，光是想想心裡也不好受。
 
「睇下你問咩啦，我唔一定要答你喎。」文靜說。
 
「點解 …… 點解個日 …… 個日係酒吧 …… 」我想起文靜的所為，
 
心裡愈益激動，一口氣把要說的話說完，「點解小草比人帶走你理都唔理佢，
 
但係你個牛奶妹比人帶走你就捉返佢返黎，你覺唔覺得自己好過份啊？
 
你究竟有冇當小草係你朋友架？！！！」
 
文靜聽著一楞，說不出半話話來，
 
「對唔住，我語氣重左，」我趕忙補充一句，怕她又乘機要敲詐我。