我去左間 Cafe 打工 , 想溝入面個 Mk 妹女同事: 乜唔係瘦面機黎咩？！！

文靜房裡仍是掛著她的內衣褲，她打開門後羞得兩頰都紅了起來，
 
「擰轉面，邊個比你睇啊！」她急道。
 
「啊？」其實上次乘文靜不在時，我早就在裡頭都看過了，
 
但我又怎麼可以如此不攻自破？讓她知道我偷偷潛進她的房間去？
 
於是我便背對著她，待她慢慢把內衣褲收拾好。
 


「得啦，擰過黎啦，」文靜說。
 
我見那日在地上絆到我的背包，此時放在床邊的小梳化上，
 
我心中始終念念不忘裡頭那些全家福與那張一千元紙幣，
 
「咦，你個書包咁得意既 …… ？」我試著打開話題。
 
「個個？」文靜看了一看，「個書包唔係我架，係牛奶妹既，
 


佢同我同一間房訓架嘛，做咩咁問啊？」
 
「哦 …… 」我裝作若無其事，「我都係隨口問下咋 …… 」
 
也難怪相內的女孩與文靜看來不太相像，
 
原來牛奶妹雖然離家出走，但也把父母的照片帶在身邊，
 
其實啊，她要是惦記著她的父母，就不該出走啊，
 


本來有一個好好的家不要，一個人在社會流離，才是苦日子。
 
「真係無野？」文靜又問，想我演技真的遜得很。
 
「真係無野啊，」我裝得自若，
 
但做了虧心事，又那能掩飾過去？「你又話過黎有野要教我既？
 
係要點做啊？」我把話題轉過，希望文靜不要察覺。
 
「嗯，」文靜雖起了疑心，但也沒有追問，
 
然後只見她從房中的小几上，拿起一個橙。
 
「橙？」我看著不解，不知文靜又要怎麼裝神弄鬼。


 
「無錯，不過唔係一般既橙，」文靜說著又從口袋中拿出鑰匙，
 
用力一戳，插進了那個橙之中，「我要幫你改造既方法，係發條橙療法！」
 
「發 …… 發條橙 …… ？」一個橙能裝上發條麼？
 
「有冇睇戲架？發條橙都唔知？」文靜笑說，一邊把那個香橙放在床前，
 
我的目光很自然的順著她走，卻正好見到她床頭那個棍棒狀的瘦面機。
 
「唔知啊，我都好少睇戲既，」我答，「不過話時話啊，你個瘦面機又幾好用喎，
 
震下震下咁，而家諗返都好舒服啊，得閒多D借黎用啊，」
 


我說罷即覺後悔，糟了，我這不是鬼拍後尾枕？把不該說的都說了？
 
「咩 …… 咩瘦面機啊？」文靜問。
 
「Um …… 」我想要找個藉口，但腦袋不靈，只知目不轉睛的看著那棍棒。
 
文靜隨著我的目光一看，見到那白色棍棒，嚇得立時伸手拿到身後，
 
「咪就係呢個囉 …… 你手上拎住個個啊 …… 」
 
我想再也瞞不下去了，倒不如坦白從寬，「好啦，係啦，對唔住啦，
 
個日我偷偷入左你房，拎左你個瘦面機黎震左兩下，
 
但係我都無搞你其他野啊，你唔好怪我啦，我同你道歉啦，」


 
我說得誠懇，想文靜會原諒，
 
那知她卻拿出拿支棍棒，端在我面前，
 
「你 …… 你話呢個係瘦面機 …… ？！」文靜反應很大。
 
「嗯，唔係係咩啊？」我問。
 
「你 …… 你 …… 你唔好同我講你擺左上面啊 …… ？」
 
文靜初是震驚，可說到最後，不知怎的，一張臉都羞得紅紅。