「係啊,乜唔係咁用咩?」我問,「我早就聽過時興呢款機啦,
 
果然一試之下係會上癮,唔怪得你地女仔都咁鍾意用啦 ……. 」
 
「你 …… 你 …… 」文靜語塞,脹紅了臉。
 
「嗯?好啦,我私自拎左黎用係唔岩,
 
但係我都道左歉啦,你會原諒我既,係咪?」我笑問。
 


「你 …… 死竹生!你 …… 你係真傻定假蠢啊?!」文靜嬌嗔。
 
「我 …… ?」我聽著好笑,「我唔傻又唔蠢啊,」
 
「呢個 …… 呢個 …… 呢個唔係咩瘦面機啊!」
 
文靜氣得眼淚直流,我看著卻不明所以。
 
「啊?」我聽著一奇,「唔係瘦面機係咩啊咁?」
 


「佢 …… 佢 …… 我都唔知有咩用啊,」文靜氣道。
 
「但係碌野係你架喎,你又會唔知有咩用既?」我反問。
 
「你 …… 你理得我姐 …… !係 …… 係牛奶妹架,
 
支野都唔係我既!」文靜又說。
 
「但係個日係更衣室我明明 …… 」我想起那日的情況,仍有餘悸。
 


「唔好講啦!」文靜羞得雙手掩面,很難為情。
 
「好啦,唔講就唔講啦,講返正經野先啦,你個橙係咩黎啊?」我問。
 
「嗯,」文靜鬆了一口氣,「係啦,講返呢D先岩嘛,
 
我要幫你既方法呢,就係要你睇 ……. 」
 
文靜說著一張臉又羞得紅紅,我看著奇怪,怎麼她這夜如此大反常態?
 
「睇咩啊?」我期待著甚麼有趣的事物。
 
「你 …… 你有心既 …… 」文靜說著又一臉嬌羞,真不知她又想到那裡去。
 
「咩啊?」我仍是不明所以。


 
「總 …… 總之套戲入面就係用厭惡療法,逼個壞人對作惡厭惡啦,
 
我反其道而行,你個人迂腐,食古不化,你對呢種人厭惡就得啦,」
 
文靜說,極力顯得鎮定,然後拿出一部平板電腦來,
 
「你訓係度等我一陣先啦,你今晚有排忙啦,」她說。
 
「哦,好啦,」我想文靜也不會加害我,
 
便躺在她的睡床之上,只覺那枕頭上還留著她髮上餘香,叫人心神蕩漾。
 
過了好一會,文靜把那電腦向我遞來,
 


「拿,你拎住,今晚睇晒佢就叫我啦,我訓先啦,」
 
文靜說著把燈一滅,也躺到睡床了來。
 
我嚇了一跳,
 
「你 …… 你做咩啊?」我驚問。
 
「訓覺囉,」她說,「張床係我架,我點都唔會讓比你,
 
一係你可以坐去梳化仔度睇既,」
 
「我 …… 我出廳睇啦 …… 唔阻住你 …… 」
 
我說著想要跳下床去,卻被文靜一手拉住。


 
「唔得!」她說,「阿翔同牛奶妹都好夜訓架,你出去做電燈膽點得啊?
 
比你係度訓住睇已經益左你啦,唔准再咁多聲氣啊!」
 
「咁 …… 咁 …… 咁 …… 」我總覺得與文靜睡在一起不是太好。
 
「咁你個頭,去小月屋企你就肯陪佢訓?陪下我訓就唔得?」她說,「嘻嘻,
 
況且啊,你睇完呢D片,你都唔會有心機對我點,
 
總之你就睇啦,拿,耳筒係度,我訓覺啦,」
 
文靜說著果真再無聲息,合眼便睡,
 


我見她執意,也不敢違拗,便坐在她的床上,開始看她給我的影片。
 
 
 
我開始放著文靜給的影片,見是幾個穿著古裝的文官,心裡稍定,
 
知道她不是要給我甚麼色情暴力影帶,歷史片集我就最愛看了啊,
 
有時看到古時懷才不遇的文人,我還真有感觸,仿佛就是看到自己一樣。
 
那知我越看下去,發覺越是不妥,
 
「哎呀!」我不禁驚呼一聲,
 
片集裡頭的秦始皇在焚書坑儒,
 
「好殘忍啊 …… 」我看著不禁打了個顫,
 
但文靜說要我把影片看畢,我也只有勉強忍下去,
 
想過了此一情節,一切就好了。
 
豈料接著又換了另一段影片,這次走了個曹操出來,演上一段楊修之死,
 
我看著只個殘忍,但想要關機,卻又不敢,
 
一直由甚麼方孝孺誅十族,清初文字獄,看到文化大革命,
 
「哎呀,無陰公囉,」我心想,「其實好好一個讀書人啊,都做唔到咩啊,
 
又唔會同個皇帝爭天下既,點解要趕盡殺絕喎,」
 
我想起自己也是讀書人,越看越是心慌,
 
只覺中國歷史都是一部奸臣當道,文人當災的血腥電影,
 
「唔睇啦,唔睇啦,」畫面實在叫我不忍卒睹,
 
我想要把電影關上,卻又不熟這些先進電子器材的操作,
 
胡里胡塗的按著,血腥的屠殺場景是沒了,但卻又換上了另一段影片,
 
「咦,文靜?」我看影片裡頭是文靜和阿希的影像,
 
定然是我不小心按到她們的生活影片過去了。
 
我想這是文靜的私人生活,我也不好多看,
 
但偏偏又不懂得如何把影片關上,正當我還努力試著之時,
 
卻見影片裡的文靜和阿希竟爾在床上接吻起來,
 
我看著一驚,想怎麼看得下去啊?但又不懂把播放器關掉,
 
我想要把文靜叫醒,但又怕她知道我沒有把那些血腥屠殺全看進去,
 
唉,這下怎麼是好?
 
已有 0 人追稿