我去左間 Cafe 打工 , 想溝入面個 Mk 妹女同事: 男人老狗約婦科，真係咩霸氣都無晒。

「嘩，乜咁痕既，」我只覺下身其癢難當，
 
不禁便伸手要去找，可越找又變得越是痕癢，
 
「正常既正常既，」我心想，「我琴晚同小草佢 …… 佢 ……
 
咁樣肌膚相親，自然係唔衛生啊，返去沖個涼無事啦，」
 
但下身實在癢得像有千隻螞蟻在上邊爬著一樣，
 


我咬著牙，好不容易按下電梯，
 
「二二一十二，四四一十六，三七二十一，」
 
我隨意的唸著乘數表，想只要分散注意力就好，
 
說也不信，原來默背乘數表確有神效，
 
下身痕癢雖爾未止，卻大大的舒緩了，
 


「岩啦竹生，岩啦竹生，你唔好諗住佢，就無野架啦，」我心道，
 
一邊拿出小草給我的卡片，
 
我想了想，又怕馬醫生他人客多，便先打個電話去預約，
 
「喂，你好，馬臣婦科診所，」姑娘說。
 
「我 …… 我 …… 啊 …… ！！」下身一陣劇癢，
 


「先生？先生？請問有咩幫到你？」電話裡的姑娘又問。
 
「我 …… 我 …… 」我掩著下身，「我要約時間睇醫生啊！！啊！！」
 
「下？」那姑娘頓了一頓，「但係我地呢度係婦產科喎先生，」她又說。
 
「我 …… 我幫人約 ……. 」我勉力道。
 
「哦 …… 無問題啊，咁你想約幾多點啊？」姑娘又問。
 
「最快 …… 最快 …… 」我拼命的呼出最後幾口氣。
 
「而家馬醫生出左去食飯喎，最快都要三點，你有冇問題？
 
啊，唔係，先生你朋友呢個時間OK？」她笑問。


 
「Ok …… 無 …… 無問題 …… 」我答，想馬臣是醫生，
 
雖然他是婦產科的專家，但止止癢的膏藥他還是有的。
 
想到此處，知道即將有救，放下了大半心來，
 
「好啦 …… 拜拜姑娘 …… 」我把資料留過後說。
 
掛線後，我看看錶，見時間尚早，
 
便到馬臣診所附近，隨便找個地方吃午飯，
 
我下身實在癢得難受，一路走來，腳步蹣跚，雙手掩著下身，
 


旁人看來都當我是怪人，可我也顧不得那麼多，
 
那麻癢已佔掉了我全副的精神，別的事情就別的去了。
 
終於我走到一間餐廳之中，正打算可以好好歇上一歇，
 
卻在遠處見到一個熟悉的臉龐，
 
「牛奶妹？」說來也巧，她也在這間餐廳吃午飯，「咦，
 
佢對面有個男仔喎，」她對面坐著一個背向我的男人，
 
「阿翔又會咁岩帶佢黎呢度食飯既？」我心想，
 
我跟阿翔也很久未見，既是有緣在街上碰到，上去打個招呼也不壞。


 
「Hi , 」我走上前去跟牛奶妹打了個招呼，
 
「Hi , 竹生，咁岩既，」牛奶妹笑說，
 
我此時走近前去，見原來一直背對我的男人，並非阿翔。
 
「我 …… 我有冇阻住你地啊？」我問。
 
「無啊，同你介紹丫，呢個係我男朋友，佢 …… 」牛奶妹說到此處，頓了一頓，
 
我回過頭向那男的看了一眼，見他在連打眼色，似乎不想牛奶妹提起他的名字。
 
那男的身份很神秘的嗎？
 


我看他比牛奶妹也長出一段年紀，可他穿得端莊，也不見十分老態，
 
至少看來不會有種老牛吃嫩草的感覺，
 
但怎麼牛奶會喜歡比她出長這麼多的男人？
 
再說，阿翔呢？此人是牛奶妹的男友，阿翔知道是要失望了啊。
 
「你好啊，我係竹生，」我向他點了點頭，他也禮貌回禮，
 
「你做咩又會行開呢頭既？」牛奶妹笑問，「黎搵文靜呢？」
 
「我 …… 」其實近來我跟文靜也生疏得很了，
 
看來文靜沒有跟牛奶妹說起，「無啊，其實我係黎睇醫生架，」
 
我說著想起那癢感，即覺下身其癢難當。
 
「啊？你唔舒服啊？」牛奶妹很關心，「你邊度唔舒服啊，
 
睇下我男朋友幫唔幫到你，佢做醫生架，」
 
「我 …… 」我想牛奶妹是女孩，這麼尷尬的事也很難跟她明言，
 
只是又想她的男友是醫生，說不定他能替我止止癢，
 
「我 …… 我 …… 我 …… 」我說著看了一看下身，一張臉脹紅，
 
牛奶妹似是會意，便不加追問，
 
「哦，咁你約左邊個醫生啊，快D去睇啦，」她仍是大為著緊。
 
「我 …… ？」我很想伸手往下身搔兩搔，「我約左上次你 ……
 
你睇個個馬醫生囉 …… 」
 
那知我此言一出，即見牛奶妹和她的男友都嚇得呆了。