我去左間 Cafe 打工 , 想溝入面個 Mk 妹女同事: 咩女都比你條仆街食晒啦！

「佢 …… 佢咪係馬醫生囉 …… 」牛奶妹回過神來說，「你搵佢做咩啊？
 
佢係睇婦科架喎，」
 
「我 …… 」我仍是難以啟齒。
 
「唔緊要啊，你過黎，睇下我有咩幫到你？」


馬醫生說起話來很紳士，我聽來對他感覺也不壞。


 
我輕輕在他耳邊大約說過自己的狀況，他點了點頭，
 
「你自己去藥房買D膏藥自己止住痕先，
 
如果都係再唔得既，先去搵醫生啦，」他說。
 
我聽著有理，怎麼我沒有想過呢，
 
「係啊，竹生你如果唔舒服既，就快D去買藥膏啦，」牛奶妹說，


 
「嗯，係啊，咁我走先啦，你地食得開心D啦，」我說，
 
然後便匆匆找了間藥店，買了藥膏，就搽在患處，果然舒緩了不少。
 
可塗後，卻又即覺不妥，
 
哎唷，糟了，這樣我可沒了個找馬醫生的藉口啊，小草給的任務是要失敗了。
 
 


 
我想著知道自己是要辜負小草所託，心裡不好過，
 
但也沒法子，總不能對馬醫生死纏爛打，於是我失意地又回到咖啡店。
 
「咦，做咩返左黎既？小草又話你請假？」Kay媽見是我很出奇。
 
「我 …… 」這下真難解釋。
 
「點啊，有咩消息啊？」小草很著緊地問。
 
我看店內沒有客人，
 
「我地入去先慢慢講啦，」便對小草說。
 


「點姐點姐，你發現到D咩啊？」小草對馬臣的事仍是很著緊，
 
可我看到她的臉，不其然又想起昨夜的事，登時羞得說不出話來。
 
「你做咩啊？講啦 …… 佢係咪真係有第二個啊？」小草問。
 
「我 ……. 琴晚 …… 對唔住啊 …… 」我說，
 
總覺得對小草不住，我此生是非娶她不可了。
 
「好平常姐，無野啊，不過係你快 …… 」她說著往我下身一看，
 
我又被她看得害臊，
 
「唔好講啦唔好講啦，」我忙道，怕再說尷尬，


 
但心裡已拿定主意，這生就只有小草一個女人。
 
「咁你講啦，你有咩發現啊？」她心裡關心的就只有馬醫生的事。
 
「拿，」我從口袋裡拿出那枚戒指，「我今朝係佢屋企搵到呢隻戒指啊，」
 
 
 
小草拿起來一看，見是寫著DK，
 
「原來佢唔只得一個女人添？」小草淚道，
 
我卻想起牛奶妹說馬醫生是她男友，這樣算起來，馬醫生便有四個女友啊，
 


但牛奶妹的事，自然是不好跟小草說。
 
「佢 …… 你 …… 唉 …… 總之佢唔係好人啦 …… 」我說。
 
「佢唔好 …… 但係我鍾意啊 …… 」小草對馬臣的情感很特殊，
 
其實就是馬臣，也專選年輕的女孩，這就夠特別了。
 
「我 …… 其實我都對你好啊 …… 何況我地 …… 」
 
想起昨夜的事，也不知是甜蜜還是尷尬。
 
「我地逢場作興咋，如果你當左認真，以後都無啦，」小草說，
 
這話像是一個霹靂打在我的心頭上。


 
「唔 …… 唔係認真 …… ？」我驚問，「但係 …… 我地 ……. 」
 
「總之你幫我去搵佢D野啦，無其他發現啦？」小草又問。
 
「Er …… 」牛奶妹的事實在很難明言，「暫時係無啦 …… 」
 
「無用架你，」小草嘆一口氣，「我今晚自己去問清楚佢算啦，」
 
我想這是再好不過了，只是我和小草現在又到底是甚麼關係？
 
小草說著便又走回店面工作去，
 
這夜她走得很早，想真的是約了馬醫生，
 
我心裡卻始終思考著我和她的關係，
 
我想要找人傾訴，但跟文靜鬧翻了，小月又跟了那警察Don走，
 
和阿Jude也難說起小草的事，於是也只得獨個憔悴，自己找著解決的法子。
 
這夜回家以後，輾轉反側，總是睡不著，
 
能與小草相親，是甜蜜的事，可不知怎麼，這夜我的心裡就只有愁苦，
 
長這麼大以來未有過這樣的感覺，其實有些事啊，
 
得不到時，你總會渴望，可得到了麼，又非那回事，
 
其實像早半個月，我跟文靜二人打打鬧鬧倒是快活得多，
 
每天聽著小草訴苦，說她男友的事，我心裡早就不是滋味，
 
只是文靜用心既壞，我跟她疏遠，也是無可奈何。
 
唉，竹生啊竹生，俱往矣了啊，
 
事到如今，你就只有小草了啊，你還是不要多想好了。
 
正想著，電話卻突然響起，
 
「竹生啊，你可唔可以出一出黎啊？」是小草的來電。