我去左間 Cafe 打工 , 想溝入面個 Mk 妹女同事: 我屋企唔係收容所！

「點 …… 點解 …… 」我看著也是一驚，她不是說要到留下買啤酒嗎？
 
「我想去買啤酒，但係唔記得帶銀包，咪諗住返轉頭囉，
 
點知 …… 點知 …… 你地講既野我都聽到晒啦 …… 」牛奶妹說得激動，
 
馬醫生此時聽到她的聲音才猛然驚覺過來，
 
「唔係你諗咁架！」他忙道，
 


「原來竹生你頭先講個個負心男人就係佢？」
 
牛奶妹淚道，「而我就係個個傻傻女主角，」
 
「我 …… 我頭先想同你講架啦 …… 不過 …… 不過 …… 」
 
我說著看了馬醫生一看。
 
「我地走啦竹生，呢度我永遠都唔返黎啦，」牛奶妹說著緊緊握著我的臂，
 


就挽著我走下樓去，馬醫生想追，卻始終沒有追來，
 
「你會返黎，我知你會自動走返返黎，」臨行前我隱若聽他說。
 
我跟牛奶妹離開了馬醫生的住處後，她帶著我在街上四處浪蕩著，
 
她不說半句話，我卻知她是傷心欲絕了，
 
「不 …… 不如我地搵個地方坐下先啦 …… 」
 


我體能甚差，走這麼久的路，實是累透了。
 
「竹生 …… 我 …… 」牛奶妹一說話就嘩的一聲哭了起來，然後緊緊的抱實我，
 
我只覺她髮上一陣清香，整個身子抱起來輕飄飄的，叫我心中十分喜愛，
 
「你唔好咁啦 …… 」我安慰道，「最多我請你飲啤酒啦，你唔好喊啦，
 
仔死仔還在，下個更可愛啊，」這是從小草身上學到的話，其實也是押韻得很。
 
「我 …… 我係擔心緊以後無家可歸啊 …… 」她說。
 
 
 
「無家可歸 …… ？」對了，牛奶妹此前一直也搬到文靜處居住，


 
也不過是這幾天才遷到馬醫生的家去，
 
只是啊，好好的有父母可見，怎麼又要到朋友家中寄住？
 
「你個BB都落左啦，唔洗再驚返屋企啦 …… 」我說。
 
「我講過唔會再返去，」牛奶妹還真是個叛逆女孩，我要好好勸她才是。
 
「天下無不是之父母，佢地就係對你做咩啊，都一定係為左你好先咁做，
 
你應該感激佢地先係啊，」我說。
 
「為我好 …… ？」牛奶妹冷笑一聲，
 


我卻想她這樣實在太也不孝了。
 
「血濃於水啊，我唔知你地發生左咩事，但係啊，始終都係一家人啊，
 
有得相見既時候就應該多見啊，所謂『事父母自知不足者，其舜乎？
 
不可得而久者，事親之謂也。孝子愛日。』，你應該好好珍惜相處既時光先係啊，
 
唔係到一日，到一日 …… 」我想起一天母親不在，自己將來無依，
 
就單是想想，已覺孤苦無比。
 
「我都聽唔明你講咩，總之我唔返去就係啦，」牛奶妹說，
 
「嗯 …… 」忠告善道我都做過了，


 
她不聽我就不勉強了，「咁你都仲可以返文靜到啊，」我又說。
 
「唔，」她搖搖頭，「我同佢鬧左交，應該以後都唔會再見啦，」牛奶妹說。
 
「鬧左交？」我聽著驚訝，「點解既點解既？做咩事啊？」
 
「唔好提啦，」牛奶妹嘆了一口氣，「竹生啊，我今晚上你屋企訓得唔得啊？」
 
「我 …… 我屋企唔係收容所喎 …… 」我說，家中可沒有多餘的房呢，
 
上次小月上來給母親發覺，實在已夠丟臉了，
 
此時牛奶妹要登堂入室，卻是萬萬不可啊。
 


「你唔收留我，我今晚就無地方去啦，」牛奶妹說得可憐，
 
我想她一個孤苦伶仃，說不定會出甚麼意外，
 
「咁 …… 咁 …… 咁啊 …… 你 …… 你都總無可能長住啊 …… 」我說。
 
「我會出去自己返工，租地方住啦，你就收留我一排先啦，」牛奶妹說，
 
我卻想找一份工作談何容易，
 
像我一個大學畢業生就淪落得要做一個碗碟清潔員。
 
但朋友有難，豈可不幫，暗暗把她藏在家中一天半日，也無不可的。
 
「咁 …… 咁係先好講啊 …… 」我算是答應了，
 
牛奶妹聽著大喜，挽著我的手，就要與我一起回家去，
 
正行間，我想起咖啡店人手不足，Kay媽正自煩惱，
 
要牛奶妹來幫忙分擔也是好的，
 
「我唔鍾意返D對住咁多男人既工，」她輕輕帶過，似乎不願當女僕，
 
她既說如此，我就不勉強了。
 
如此一路走著，每每看到店舖裡貼出招聘告示的，牛奶妹也入去填了一下表格，
 
我見她誠意滿滿，知她確是想要學會獨立，找個地方自己生活，
 
於是也就更決意要把她收留在家。