我去左間 Cafe 打工 , 想溝入面個 Mk 妹女同事: 其實食得最多女係馬醫生：﹝
妹子聽著瞪了我一瞪，然後撅撅小嘴，就低下頭去，垂頭不語，
「我 …… 我 …… 我講錯野啊 …… ？」
我想自己突然問起她母親的事，確實是唐突了一點，
「唉 …… 」妹子只是嘆一口氣，「反正你唔問我，你去問我家姐，
佢咩都會同你講晒啦，講你知就講你知啦 …… 」
「你唔想講可以唔洗講啊，」我說，
總要推推讓讓裝一下，但心裡卻是好奇很想要知道，
「其實又唔係話咩大件事 …… 」她說著似是很有感觸，
「個年老豆走左 …… 」走了即是死了的意思麼？但這叫我怎麼開口去問，
死亡是大忌諱啊，不吉利的不要提好了，
「跟住有個有錢佬醫生佢就帶走左我媽媽，
之後從此就得返我同家姊兩個相依為命啦，」她續說，
我卻聽得莫名其妙，怎麼她的話都扣不起來，
爸爸死了媽媽就會被人帶走麼？
「其實你唔好睇我家姐個樣咁成熟啊，佢同我係孖生姊妹黎，
不過係佢生得比我高，所以我先咁唔鍾意你話我係小朋友咋！」
她微微岔開了話題，隨即又說：「總之我家姐係全世界最鍚我架啦，
呢段日子都係佢照顧我既，如果唔係我就餓死街頭啦！」
我想她也說得太誇張了，但小孩子還是難免，
「咁你可以去搵返你媽媽啊 …… 」我提議，
想她們媽媽也定當很想念她們姊妹二人，這也總比她們繼續流落街頭要好，
「咳，」大哥忽然打斷，我差點也忘了他也同場，「你咁都聽唔明，
一聽就知係，佢阿媽為左錢，跟個醫生走左，撇低佢兩姊妹啦，
你叫佢返去搵佢阿媽，人地嫁得好，仲得閒拖住兩件細？啊！！！！」
大哥說到最後，突然尖叫了一聲。
我見大哥突然呼叫，嚇了一驚，莫不是他喝得多了，竟爾心藏病發？
我還在暗暗著急之際，忽聽妹子罵道：
「我唔准你咁樣話我媽媽啊！」
大哥表情痛苦，手掩下體，我猜到了個大概，
妹子這淘氣鬼就知道男人下體最為脆弱，有甚麼不滿就狠狠一腳踢去，
這可真苦了大哥。
「我媽媽係唔會掉低我地兩個，係個男人搶走佢，係個男人搶走佢！
最衰都係個醫生啊！！」妹子似乎不願接受被遺棄的事實，
但細想來，確是只有大哥猜想的版本才是最合情理，
「嗯，個醫生係衰人，」我點點頭，想職業也相乎時，
她母親再嫁的對象自然就是馬醫生啊，但還是先問個明白好，「咁個兩隻戒指呢？
係你媽媽送比你架？」我又問，
「哼，算你今次明白事理，知個醫生係壞人，」妹子說道，「隻戒指呢，
就係細個個陣媽媽買黎送比我同家姐兩個既，
但係媽媽走左之後，兩隻戒指就唔見左啦，我同家姐想搵返好耐啦，」
「咁入面刻住既咩SKDK，又係乜野黎啊？」這堆英文字可像密碼一般難解，
「係我同家姐個名啊，你問咁多黎做咩喎，」她說，
我卻越想越不合理，她自稱自己是甚麼劉阿水，姊姊就叫甚麼馬清清，
但又說自己是孖生姊妹，此時甚麼SKDK更是與她們的名字扯不上半點關係，
我越聽就是越胡塗了，但想她們大抵是改名換姓了，這也難怪，
「原來係咁 …… 」我說，「個兩隻戒指睇落去都好名貴咁啊，你地無好好保管咩？」
「有啊，所以我同家姐都唔捨得帶，點知會整唔見喎，
你都仲未講你係邊度搵到添啊！」妹子說，
「我問你啊，」大哥忽又搭嘴，「隻戒指係你媽媽買定你爸爸比錢買架？」
「邊個 …… 」妹子咬咬唇，「以前一路都係老豆出去搵錢，
媽媽就淨係係屋企啊，佢地兩個D錢又點會分得咁細喎，」
「咁就係啦，」大哥拍拍手，「計我話個兩隻戒指咁名貴，
你又咁肯定擺左係屋企，肯定係你個貪錢老母跟佬走既時候順手拎埋啊，」
大哥這次有所防範，說著一隻手立即護住下體，
妹子咬牙切齒，卻偏偏奈何他半點不得。
「好啦，唔好咁話佢啦，大哥，」我勸道，
心中已肯定妹子她母親不如她口中所說的良善，也不是甚麼被男人搶走，
但怕妹子她傷心，也不好讓大哥說下去，
「我都係講真話姐，」大哥說，一邊乾了一杯，「女人應該係咁先岩啊，
應該貪錢，應該灑脫，點解要癡住個廢柴老公，日日比人呼呼喝喝咁犯賤 …… 」
大哥他定是又想到Kay媽去了，唉，我說啊，
Kay媽才是好女人啊，妹子的母親如此拋棄自己的骨肉，還真是狠心，
我以後定當要好好照顧她們姊妹二人，不要再讓她們受苦了，
「你都未講啊廢竹！」妹子忽道，
「廢 …… 廢竹 …… ？！」我心想這不是叫我吧，
「係啊，我岩岩諗架，好唔好聽啊廢竹，」她說，
我卻想定是大哥剛剛惹怒了她，她報仇不果，此時遷怒於我，
但想廢竹比起文靜叫我淫蟲已好得多了，也就由她罷了，
「我 …… 我有咩未講啊 …… 」我問，
「你隻戒指點得黎囉？」
「隻戒指呢 …… 」我想起是馬醫生轉贈給小草，從而流落到我手中，
但若我把真相和盤托出，定要傷到妹子的心了，
於是便隨便支吾了幾句，又扯開話題，
妹子再三追問無果，心裡雖然不服氣，但也只得放棄了，
餘下的時間，我都和大哥兩個喝酒，
妹子貪口喝了一杯，說是其味甚苦，伸伸舌頭，便點了杯果汁喝。
大哥他盡罵著Kay媽如何犯賤，但他心裡是愛著Kay媽的，這些我都知道，
但若天下情人都能成眷屬，世間就少很多愛情故事了啊，
我想要安慰大哥，但自知拙於辭令，便只陪他喝得一杯就是一杯了。
數杯入肚，我便覺全身發熱，但看到大哥如此不快，也只有捨命陪君子是了，
喝著喝著，我都想起這數個月來所經歷的，
其實啊，有時候要在人世安身也不是容易的事，
就看看文靜、小草、牛奶妹她們，就知道要好好談一場戀愛也不是容易的，
戀愛之中定然就是苦多過甜啊，要找個對的人已是極難，
但找到以後麼，又會像糖果她一般，為了置業成婚而萬般煩惱，
好了，婚是結成了，又不一定如意，
若像Kay媽一般嫁了個對自己不好的人，日子也是難過的，
生了孩子以後就更不容易，多了一重負擔，
妹子的母親就是怕了這重擔而拋下兩女，
到頭來日子怎麼也是難過的，戀愛還是不談好了，反正怎麼也是苦，
倒不如剃頭出家，當個和尚反而落得清靜，
就可惜我是獨子，總不能讓我們竹家的血脈斷絕 …….
不 …… 我已經身患性病，竹家是要無後的了 …….
我越想越是心灰，又多喝了數杯，
大哥見我臉色不對，要妹子先送我回家，他自己卻留下了。