離開Kay媽所住的大廈後,大哥始終悶悶不樂,
 
妹子雖是嫌她醜樣,但見他這般的可憐,還是說了幾個笑話給他聽,
 
只可惜大哥心中都想著Kay媽的事,又那裡聽得進去?
 
「乜關心一個人就係多管閒事咩?」
 
平時硬朗的大哥也有感性的一面,我看他那表情,
 


想若不是我和妹子在場,他早已哭了出來,
 
他對Kay媽倒是一片真心,我也真是錯怪他了,
 
只是他早早死心,別了痴戀,也總比泥足深陷好,
 
拆散人家夫妻可是很大的罪孽。
 
「你唔好咁啦肥仔叔叔,」妹子開解道,「你對人地好,人地唔領情,
 


咁就算啦,係佢走寶先岩啊,雖然你個人係肥D肉酸D,
 
但係我諗你用真誠對人,總有一日會搵到個鍾意你既女仔架,」
 
大哥聽著更是傷心,妹子也真是不知趣,在此關頭竟還說他是「肉酸」,
 
雖然這是實情,但又何必這樣雪上加霜呢,
 
「其實啊,咁樣仲好啦,」我說,「至少大哥你唔洗做人第三者啊,」
 


「我唔係做第三者啊!」大哥一聽之下,竟又大叫起來,
 
我聽著心驚,怎麼妹子那丫頭罵她醜,他也不怨言半句,
 
我不過勸說一句,他就發作起來了啊,唉,算是我倒霉好了,
 
「如果佢老公唔係咁樣打佢,虐待佢,拎晒D錢去賭去玩女人,
 
我發誓,我係唔會對阿Kay佢有半點唔規矩!」
 
大哥說得斬釘截鐵,似乎不是胡亂吹噓,
 
「咁 …… 咁 …… 」我怕又說錯話,惹得大哥他氣惱,
 
「唉 …… 」他長長嘆了一口氣,「細佬你唔會明架啦,你對人好,


 
總諗到世界上既都係好人,大哥又何嘗唔明你點諗啊?
 
只不過啊,世界唔係咁架,你睇阿Kay佢比人打到咁,
 
你估真係三言兩語可以解決到咩?我地無人幫佢,無人理佢,
 
佢就只有啞忍,就最衰 …… 最衰 …… 最衰佢覺得我多管閒事 …… 」
 
大哥說起來真是聞者也為之傷心,
 
我心裡雖想Kay媽也不要大哥他多管閒事,他又何必苦苦痴戀,再添傷感?
 
只是我怕說出口大哥又要不喜歡,於是便忍下不說,
 


走著走著,大哥不自覺的又帶了我們去喝酒。
 
 
 
「唔好飲咁多啦,無益啊,何況 …… 何況酒入愁腸 …… 愁更愁嘛 ……
 
我地都係返去咖啡店飲咖啡啦 …… 」我說,
 
「飲咖啡?」大哥冷笑一聲,似是不飲自醉,「我都想永永遠遠留係Café,
 
有阿Kay係側邊服侍我 …… 但係世界就係一杯苦酒啊,
 
你地間Café開出黎不過就係比人幻想下,咳,其實世界又邊有童話故事,
 
又邊會有一班女人心甘命抵咁去服侍你,你唔好諗多左,唔好咁多管閒事啦!」


 
大哥似在罵自己的情癡,其實做兄弟的,我只要在旁陪他喝就是了,
 
想當年曹操也說甚麼「何以解憂,唯有杜康,」,就是不開心就要喝酒的意思啊,
 
我還是不要勸阻好了,於是便陪大哥乾了幾杯酒,
 
妹子見我們只顧喝酒,話也不說多句,沒甚興頭,便伏在我的大腿上睡著了,
 
「佢要錢我都有比錢佢,我就係唔明佢唔鍾意我D咩,佢老公又有咩好!」
 
大哥多喝兩杯後開始胡言亂語,
 
「錢 …… ?」我想起以前確曾見過大哥暗地把錢交給Kay媽,
 


「係啊,」大哥說得粗豪,「佢地一家三口,逼埋係棟工業大廈既劏房,
 
係住人架咩?我不過就係想佢生活好D,但係我比佢既錢,
 
佢都拎晒比佢個無鬼用老公,唉,我都唔怪佢,最錯都係個賤男人 …… 」
 
大哥說著替Kay媽不值,我卻覺得Kay媽既是心甘情願時,也是有責任的,
 
「賤男人?」妹子聽著有趣,便跳了起來,「我唔訓你地就唔講野,
 
我訓左你地先講,好衰啊,咩賤男人啊,係啊,你地D男人都好賤啊!」
 
「傻女黎既,」我笑說,想妹子她年紀少少,就盡會學文靜的語氣說男人是壞人,
 
「你又當我係細路女!」妹子氣道,「總之男人男人男人,全部男人都係衰人!!」
 
「但係你有一日都要嫁人啊,」我笑說,
 
想妹子也不會學起文靜玩同性戀,
 
現時雖然嘴硬,他日找到個能調治她的人,她就知好歹了,
 
「我唔嫁我唔嫁!」妹子說,「我就係男人都唔鍾意啊,
 
如果我第日鍾意個男人既話,佢一定三妻四妾,永世都唔娶我,我做死老姑婆!」
 
「咁 …… 咁又唔洗發咁毒既誓 ……. 」我忙道,
 
有些事寧可信其有,萬一妹子當真永世不嫁,她姊姊要替她擔心了,
 
不過妹子她不過就跟文靜相處了半天不到,怎麼便如此惱狠男人?
 
 
 
「你做咩咁憎男人啊?」我禁不住要問,
 
「我 …… 關你咩事喎 …… !」妹子似藏著甚麼秘密,
 
「你講出黎我可以幫你解決啊,」我說,
 
有些價值觀若是錯了,沒來得及及時改正,便這輩子也難改了,
 
「肥仔叔叔,你繼續講啦,」妹子扯開話題,有心避而不談,
 
「我?」大哥聽著大笑,「我要講咩啊?」
 
「你繼續講你同Kay媽D野啊,總之唔好講我就係啦,」妹子說,
 
「哦 …… 」大哥說著又喝了幾杯,「個賤男人搞大左人個肚,
 
自己又唔係有能力養起人,工又唔願做,每日就攤大手問阿Kay要錢,
 
但係留係屋企就連自己個仔都唔理,你話咁既男人係咪賤?」
 
妹子聽著點點頭,
 
「賤!」她說,
 
「就係囉,」大哥跟妹子很合得來,「佢唔理自己,都要為個仔諗啊,」
 
我卻想原來Kay媽也是年少懷孕,倒與牛奶妹相像,
 
不同的就是牛奶妹狠心得把孩子都不要,這樣算起來,其實Kay媽是好得多了,
 
唉,只是她們兩個也是一般的傻,
 
牛奶妹她明知道馬醫生有外遇,也仍對他如此眷戀,
 
Kay媽麼,則是任丈夫百般打罵,也是不離不棄,
 
其實女人都是一個樣子的,都是愛壞男人啊,
 
嗯,對了,竹生你也要學壞一點才有人愛你啊。
 
「係啊,最慘就係個BB啦 …… 」妹子說起來滿是感觸,
 
「咁其實 …… 其實有Kay媽鍚佢,佢都好幸福啦,」我說,
 
「你根本唔明!」我似是觸到妹子的心事,她的反應很奇怪,
 
「我 …… Er …… 」我想起妹子她說過自己無父無母,「對唔住啦 …… 」
 
「對唔住?」她嘆一口氣,「做咩對唔住啊?我不過係想話,
 
爸爸媽媽對一個小朋友黎講係好重要架,少左一個就係少左一個啦,」
 
我聽著憶起那日在樓梯仆倒,妹子在我身上找出戒指後,
 
跟我說甚麼媽媽被男人搶走了,我聽得莫明其妙,此時定要好好搞清楚,
 
「係 …… 係呢 …… 咁你屋企人呢 …… ?
 
我記得你之前同我講過話你媽媽比人搶走左啊,又係咩一回事啊?」
 
已有 0 人追稿