肥宅 點溝女神啊: 第五章 第二節 過後
放完假個日，唔好話講野，連眼神接觸佢都要迴避，睇黎大家對個晚發生既事有所介懷。搞到我成日都無心機上堂，所以我想同佢道歉，想同佢講我一時用氣，所以我決定試下wts佢。返到屋企，我第一時間就攞起電話，「sorry，我想同你道歉，你得陣得唔得閒？」我將句野打左係傳送框，係我諗緊ｓｄ唔ｓｄ個時，我見到左上個既icon，再唔係佢既自拍，因為好撚細，我放大左黎睇，「我不想再離開你＜３」個張相中間打左呢句，而張相係佢同一個男仔既自拍．我想知咩事，我上左去佢ig，佢既頭一張相．都係個張同個男仔既自拍，下面寫住：「唔好 再離開我，平安夜沒了你，你可嘗知我多麼想你！」我個下真係嬲到仆街，仲嬲過個晚，我望住部電話講，「你竟然當我係水泡，唔怪得個晚你無啦啦找我啦！！！」我真係好想對住佢咁講，但係，我有咩資格嬲啊？
跟住個幾個月，都係過住每日同啊怡訴苦，聽下啊銘佢同佢條女幾甜蜜，有時聽下啊軒同佢條女嘈架個啲野，上英文堂就......以前我一直都係到諗，可以同佢同班就好啦，唔洗等英文堂。但係現實永遠都唔係同幻想既一樣，點都係有啲差距。
好快就大考啦，我個幾日都無溫書，只係掛住打機，同埋......諗住啊言。個幾日都唔敢踏入圖書館，好怕一開門就見到啊言同第二個男仔坐埋一齊，好怕見到一個比我好多多聲既男仔......個幾日，開始想忘記佢，但日日都係忍唔住走去偷偷咁窺望佢，上ig cap低佢啲扭相，真係好似個變態。我無辦法唔咁做，我真係接觸唔到佢，我只係一個肥宅，仲要比人當水泡......
成個大考，我根本就專心唔到，考得好差，當我以為我要留級，估唔到學校比我重考，而同我重考既當然有掛住溝女既啊軒同啊銘啦，仲有重讀一年都仲要重考既怡姐。重考係一個曬你時間既地方，所以無咩特別，重考完就放暑假。
日日係屋企都無野做，過下一日，過下又一日，過暑假唔係就係咁嫁咩?暑假日日都碌電話，碌完fb碌ig，碌完ig再碌fb，得閒咪睇下啊言有無新仔囉。我開始唔敢去幻想可以同佢開始，我就好似一個小粉絲，我識佢，佢唔識我，雖然咁樣唔係我奢望，但總好過我追佢，然後食左個大檸檬。「你個死肥宅，三分顏色上大紅，你stop la，我永遠都唔會鍾意啲死肥宅啊！」佢都講埋出黎，咁我有得點姐。只好做一個苦戀者......
咁就一個無聊既暑假，咁就ｆ３啦，咁姐係又要開學啦，但係唔同上年，今年見唔到佢條小路到。我真係好希望番番去一年前，同佢邂逅......但係過左去就過左去，邊有得番轉頭，人生總有幾樣遺憾既事，係無take two。