肥宅 點溝女神啊: 第五章 第一節 平安夜
平安夜，個日係我最靜既一日。一齊食野，一齊倒數，一齊黎一個深情既kiss，我只敢去想像，「啊言唔知約左邊個呢？」「佢出左門口未呢？」一個個問題出現係我腦海，我一直攤係床上，攤到夜晚六點幾鐘，啊媽同班師奶食飯，家姐就同啲fd出街，成間屋都無人。突然床邊既電話傳黎一陣陣三星既電話鈴聲，個時我諗一定啊媽叫我落去一齊食飯，「喂，啊媽呀，我唔落黎啦，你同班師奶玩得開心啲啦！」我好順口就講左出黎，「喂，係咪啊雞呀？」我當堂嚇一跳，但唔係得淡笑，「你...係....？」我開始口窒窒，雖然我感覺到係邊個把聲，但我卻想確認一次，大家都沉默左一陣，佢開始講第一句野：「我係啊言呀，想問你...可唔可以落一落黎？」佢把聲一如既往咁溫柔但帶點口窒。因為我同佢住同一個屋苑，所以平時好易見到。「好啊，五分鐘，樓下會所見啦。」講完我就收左線。今次我無拒絕，反而想知佢有咩同我講。
因為天寒地凍，我隨手攞件褸，轉身就出去。由出門口到會所，每秒都諗緊佢要同我講咩，第一句應該講咩。明明同佢唔熟，佢偏偏就要黎找我，明明就想忘記佢，但係就心入面就未能完全令佢消失。打開會所對門，人流冷清，只見有一兩個職員係櫃台，但未見到啊言，我就去買左支水，諗住邊坐邊等，「啊雞？」我係攞水個時聽到有人叫我，「HI，洗...唔洗買支...比你啊。」我係佢面清永遠都口窒窒，「唔洗啦！拿拿聲過黎啦。」佢一手拖住左我隻手，嘩，媽啊，我成世人第一次比女仔掂我隻手，佢隻手係幾咁白滑，好軟好暖，但係我隻手真係好震，佢好似FEEL到我好震，「咁震既你隻手，洗唔洗暖包啊？」佢對我微笑，係幾咁甜同殺死人，淨係望住佢都夠啦，我直頭望到呆左，無理到佢。「做咩係咁望住我啊？」佢繼續佢既笑容攻勢，「你太......」頂，個下我無心嫁，我唔小心講自己既心聲，「我太咩啊？」佢個種明知故問既語氣，令我個心融曬，天啊，呢啲同女神講野既feel令我太幸福啦！「你找...我落黎...做咩啊..？」「今日無人同我過平安夜，我就諗起你啦！」「諗起我？我同你都唔熟。」我好似適應左個環境，慢慢就再無口窒窒，「但係我對你印象好深刻。」嘩，我竟然比起其他ｍｋ仔做咁多，我咩都無做就引到女神注意。「其實......」啊言睇黎有野想同我講。「點解你每次見到我都要避我啊？」呢個問題就好似一支箭咁插埋黎，我心諗「仆街啦！」，正當我係到諗緊點答佢個時，「係咪因為我呀......」佢低一低頭，個樣尷尷尬尬咁，塊面紅扑扑咁，個下我差啲想飛撲埋去抱住佢搬番屋企，係差啲，但係無。我突然個心好似加速左咁，好有衝動想表白，「係，我有心避開你，因為我鐘意左你！」屌，講完個下我真係好後悔，我唔知會唔會因為今次表白搞到以後都無同女神獨處既機會。佢咩都無講，我見個場面咁尷尬，就求其找左個藉口諗住走，「我上面煲左湯，我番去睇火先。」唔瀨係呀，我成日係屋企視電視，睇埋啲on9 tbb戲，搞到用埋曬啲on9藉口，中二邊到找湯煲啊，柒到好想即刻自殺。佢突然拖住我隻手，「唔好走......」「做...做咩呀..？」
佢咁突然，我真估唔到，「唔好留低我...」佢眼眶有啲紅，一向都綿花糖心既我，可以抵受唔住佢既攻勢，「但係......」比佢拖住真係有啲唔好意思，「你...唔係..話..鐘意我咩...？」「......」我成個人呆左，我唔知點答佢好。唔知邊到黎既自卑感唔比我再講落去，「唔係，我...講笑姐，haha，唔洗咁認真啵。」我情不願咁講左出黎，佢突然性情大變：「你攞我黎玩？我知唔知我鼓起左幾大既勇氣先敢打電話比你呀！」佢眼淚不斷流出黎，就連偷緊懶既櫃台職員都望過黎。「你個死肥宅，三分顏色上大紅，你stop la，我永遠都唔會鍾意啲死肥宅啊！」我聽完佢咁講，我啲火直頭可以燒野食，加上本來就因為佢我先有咁龐大既自卑感，我個下直頭爆出黎，「死臭閪，你講咩撚野呀百婆，我係你叫我落黎，叫完我落黎就想玩９我，你咩新鮮蘿蔔皮啊？照下你個死人樣先啦！貧乳臭閪！」明明岩岩好好既氣氛，一下就無左。我開始為自己講既野後悔，我次次講野都唔經大腦，想講就講，直腸直肚。
就係咁，我講完就頭也不回直接跑返屋企，沖完個涼就直接訓。由個日開始，我同佢直頭零接觸，我一直後悔個日既狂言，「明明就差少少就可以同女神拉近距離，明明氣氛咁好，明明都表埋白，點解我咁撚豬閪？點解？」我開始不斷自責。