肥宅 點溝女神啊: 第八章 第三節　投降？

啊銘走番埋位果時同我講左句，「歌都幫你簡埋啦，就''投降吧''啦。」其實唱咩歌真係無所謂，主要係同邊個唱嫁姐。我當時好似虛脫咁，我就唯有好賴死唔撚出，佢地都吹我唔漲。正當我以為啊言佢都諗住賴死唔出個時，佢好型咁除低左件樓，企左出去。仆街，佢咁撚勇我咁撚縮沙，容咩易比人睇少啊。所以我抱住打死擺就既精神衝左出去，我回頭一望，種種隊友對我既支持，我就舉起手指公，但額頭上卻流出一滴冷汗，而已腳仲震緊，震到就黎仆街咁濟。 　　　

「咁開始啦！」主席大叫。佢地就好開心啦，個個笑騎騎既對住我，難為我掙扎左幾耐。歌聲響起，前奏一聽就知係情歌，好祥和，但係都醫唔到我既腳震。真係嫁，係你暗戀既女仔面前，所有都變都大膽，變得唔知醜，但係我睇得出雙方都好尷尬，大家都有啲不愉快既回憶。我終於能夠光明正大咁望佢，佢每一絲頭髮，笑容都刻係我心中，我諗呢一刻，我會沒齒難忘。其實首歌我真係未聽過，何況係唱呢，我用我既睇歌詞神技，再配合番個ｂｇｍ，突然唱得好順，我都估唔到自己可以唱得咁好。唱到’’別要害怕，望我的雙眼。’’個仆街銘突然大叫：「望人雙眼啦啦啦啦！」唉．我平時偷望都要好小心，仲叫我點望人雙眼啊！不過我真係唔知點解進入左’’唔知醜’’狀態，我真係走去望佢雙眼，個一刻，四目對望，我隻腳震得仲勁左。我平時只靠相去觀察相中既佢，我真係唔覺當我去面對面咁去望佢既時候，佢真係可以咁靚。我見佢都無咩出聲，諗住遞個咪比佢，佢一聲拒絕，明明只係個咁簡單既拒絕，我都當左係食檸檬咁，自卑心作祟。我聽親既歌都入心入肺既。 

共我度假 為何這樣難
從前是我沒有時間 但今天竟說麻煩
別要害怕 望我的雙眼
誰人在那日約會你 能說嗎

並沒太多 過問的資格


已沉淪到 見面亦難
亦沒信心 去面對你的想法
情形壞到 遲鈍似我 都明白

投降吧 我沒有辦法 為你開滿天花瓣
有什麼可以替代你 然而愛更加可怕
陪著你 彷似背後有一千個他
這懸崖何時會墮下 難盛載到三個吧

投降吧 我沒有辦法 無能力讓你歡顏


如為你 我就退下去 別再拖好嗎
明日我 一個去面對 風吹雨打
縱使枯萎也不牽掛

 不過呢首歌既歌詞，係內有玄機。投降吧，係啊，我真係無能力去令你開心，我無能力去係你朋加面前比你威，我無能力去改變現況......佢一開始就企左出黎，睇佢係幾明白首歌唱緊既係咩，我諗佢好想同我講清楚。我眼淚已經不自覺咁係眼眶邊邊，差唔多流出黎，我即刻轉頭，扮打個呵欠，扮下野，唔想比啊言見到。只係一個苦戀者既時常遇到既問題。

唱完之後，我急急腳走番埋位，順便打左仆街銘一下。都算係幾好既回憶黎既，雖然只係得一分鐘都唔夠既時間。跟住我就請左啊怡姐同求其一個男同學，其實條仔真係９找，主要都係想睇怡姐出醜，但係佢唱得異常地好聽，柔和既聲線，令全班都聽得入神，可以話係繞樑三日，揮之不盡，大家都拍案叫絕。活動時間過後就係走人既時間，其實年年我都覺得聖聯真係好悶，番黎唔夠三個鐘就走人，活動係例行公事，hea下就算，最後自己一個毒自過聖誕。係我走緊既時侯．無再好似上年咁好彩撞到啊言，反而見到個ｍｋ黎接佢，見到如此慘劇，我頭也不回就走左。再次回到回家小路，電話傳出三星既聲，望望一個what's app，「你已加入到小學毒撚部」，咩黎嫁，再望一望成員名單，全部都係小學既男同學。
 肥偉：聖誕無人約就出黎，去既留低，唔去既走

安哥：女已約，先走


＋８５２xxxxxxxx已離開群組

帶子：套都準備好，唔黎啦
＋８５２xxxxxxxx已離開群組

胸圍俊：要練球．８８　
＋８５２xxxxxxxx已離開群組

傻仔朗：唔撚得閒，係咁
＋８５２xxxxxxxx已離開群組

個個人都擺低一句就走左去，睇黎大家都無再諗番起小學既日子，都適應中學既生活，無咩留戀。最後連我都退埋，因為唔通得個兩友去hehe咩？番到屋企，我就上youxube聽多左陣’’投降吧’’，再次諗番起岩岩既事，我紅都面曬，從來都未試過咁有feel，不過毒撚最忌有自信，所以都甜在心頭算，反正首歌本身寓意都唔係講甜密戀。