肥宅 點溝女神啊: 第九章 第一節 師奶是你？！
跟住落黎都係直落打機打通宵，同下ＦＤ傾下計，咁就一晚。去到朝頭早先訓
平安夜，重新番到黎呢日，心卻不是味兒。我個日訓到四點幾先起身，起身就見到啊媽張紙仔放在係電腦檯，都係個啲咩今晚出街，我無人約就叫我６點落黎。一向都無約人既我，唔想再留係屋企倒數聖誕，於是就逼於無奈同班師拉聯歡一下。
我一於就睡到６點先醒。我衫都無換，求其著件毛樓，踢對拖就出門口。對於班師拉我就無咩興趣，我只係在意個日韓放題。行出門口，只係感覺到陣陣寒風迎面以黎，路上只有數人，有公公婆婆，有工人帶住，感覺好溫暖，佢地就坐曬石膊，圍埋一堆。就連一班公公婆婆都比我呢個後生仔係聖誕都要開心，再望一望自己一身既造形，先發覺自己係有幾咁柒，不過算啦，我都係著比啲師拉睇姐，唔通玩’’師拉ＰＬＡＹ’’咩，淨係諗下鳩都縮埋。
行到出大街，好多鋪頭都關左門，除左飲食業。我頂住寒風既攻勢，行到去放題門口，好彩都唔算遠，唔係未到就變左雪條啦。一開門，我一眼掃過去，張張檯都坐滿一對對既情侶，此境令我心入面徒增傷感。
「啊仔，呢到啊！」聽到一把熟識既聲音，正是我媽子。本來因為太多人，我見唔到佢地係邊，但係佢地一身閃閃亮既造形卻令佢地份外耀眼，一望就望到佢地。我一步一步行過去，只見佢地一身８０年代既服飾，衰啲講句就係老土。我坐低左，啊媽就求其攞左幾張點菜單我，我都好求其點左啲壽司。我主要都係想熱鬧，唔好得我一個人咁冷清，所以點咩都無所謂。
「好耐無見啦，咁大個仔啦，靚仔左啵！」黃師奶講
「讀成點啊？想簡咩科啊 ？」陳師奶都一同逗我傾計
一句句耍客套既說話真係聽到厭，明明上幾日先見過黃師奶，佢都可以講得出話好耐無見，我同佢既關係都未去到一日不見如隔三秋，仲要次次見親我都你同一句，「好耐無見啦，咁大個仔啦，靚仔左啵！」陳師奶仲離譜，問埋啲咁既問題，叫我點答啊？宜家都唔知有無科簡，呢年都好hea讀，就連留過三次既怡姐成績都好過我。我用番啲客套既答覆答佢地「嗯...幾好啊.....嗯嗯嗯...唔錯啊...」
其實同佢地都無咩野傾，正當我想碌下手機果時，見到對面位有個靚女，睇落有啲眼熟，眼睛水汪汪，烏黑長髮，加上佢著緊緊身衫，完美既３３c都展現出黎，仲有白毛披肩，得幾折既百折群，仲有少少謝安琦feel，同女神feel，佢仲有好多特點，根本令人目不暇接。當我以為佢係隔離唔識既時候，陳師奶拍左一拍佢既膊頭，「啊女，食番多少啦。」「嗯。」佢呢下嗯帶出佢乖乖女既feel，笑既時候兩粒酒窩表露無遺，女神分數爆錶，令我望得入神。等陣先，啊女！陳師奶係佢啊媽！估唔到陳師奶咁既容貌，可以生得出如此標緻既女。啊媽突然拍拍我膊頭，「望到咁入神，做咩啊，青春期發作啊？」啊媽報以一個奸笑比我，「人地陳師奶個女就住係我地附近，同一個屋苑，你未見過佢咩，仲要係同你同一間學校添。」「吓，唔係啊，找啲咁既野黎搞。」我每次番學都係望下有無啊言，睇下撞唔撞到佢，點都估唔到有個咁靚既女神降臨係我地屋苑同我地學校，唔怪得有丁點眼熟。「安琦，仲有無野想食啊？」「無啦！」佢個樣就好似食少少就好滿足，同我一樣。啲人成日肥仔胃口大，根本就唔關事，所以到宜家我都唔知點解我會咁肥。「安琦........」我突然靈機一觸，屌，我記得啦，佢咪就係上年開學啊軒比我睇個個校花！一向對女性好敏感既我竟然會唔記得佢，比起上年，佢靚女左好多，所以搞到我差啲唔認得佢，果然係女大十八變。
「你係咪啊雞？」除左啊言，我呢世人聽到既第二把極溫柔聲。
「你識我？我都唔係好出名。」我笑左一笑，佢竟然識我，令我有啲感動。
「你識啊言，我咪識你囉。」佢一講啊言，我就打左個冷震。果然同屬校花係熟啲既。
「你........」我個時諗緊係咪啊言將我啲野爆曬比佢聽，所以佢先識我呢？咁我啲柒野佢咪知道曬！
跟住係大家無野傾既時候，我突然肚好痛，一向唔係社會但唔知點解有社會病既我，係有便秘，當啲shit積到差唔多既時候，就會開始有腸氣，跟手就好多屁放，不過放完會舒服啲。但係今次有小小唔同，我咁次肚痛得黎仲帶作嘔作悶，唔講以為我生得。 「媽，我番去先啦，你地慢慢啦」對面位既安琦都有啲愕然，跟住我就一枝箭跑走左。唔知係咪人流太多，導致我有啲作嘔作悶，一行番出店出面，就醒神番。睇黎做慣宅男既我，都唔太方便長期係多人地方逗留。突然有人拍我膊頭........
「雞哥，唔好走住先啦，等等我啦。」我回頭一望，原來係謝......唔係，係安琦。
「你跟住我做咩啊？」我好疑惑
「你啊媽話擔心你，叫我睇下你點啵。」媽子會唔會有啲過分擔心我呢？佢真係當左我係細路，不特只，仲要找個細我一年既女仔’’照顧’’我，我顏面何存啊！
「我無咩事啦，你番去先啦。」
「我理得你死得未，反正我都唔想入去陪班師奶。」我竟然有知心人。
「咁你想點啊？」我扮曬低ｂ，用把ｂｂ聲同佢講
「等姐姐帶你睇金魚啦！」佢都扮曬金魚佬咁我地隨即大笑起黎，佢突然比到一種好想同佢做朋友既feel我。
我地開始並肩而行，一齊番屋企。