如果你既人生好似打機一樣……: 1.2, 爆機之魔眼

「唔……」我張開雙眼，然後本能地打開電腦。

眼前既景象有啲朦朧於事我再去廁所洗面。
果然係夢？
我望住塊鏡，我望唔透。琴晚既紅字亦都無再出現。

睇黎一切都只係我作為毒男既最終幻想……
我洗完面之後將水龍頭關掉，忽然之間腦海之中出現左一個景象。

【清醒度＋３】




WTF？
如果要描述依個景象的話，就好似你坐車時望向窗外一樣。

向近聚焦會看見自己被反射在玻璃上的影象，向外聚焦就會看見外面的景色。
當我仔細的看著那對話框果陣，我的視野會變得朦朧；而當我把焦點放係其他事物時，對話框便會消失不見。
「喂，捨得起身喇咩？」我老母一定係聽到水聲所以黎搵我。

「有無早餐？」我懶理佢既問題。
「你條廢柴剩係識得食同埋打機，琴晚你係廁所到暈左要我抬你番床，仲係到嗌住皮卡超皮卡超；你估你仲讀緊小學，日日帶Gameboy番學，同睇COCO玩召喚王既年代？」





我老母其實都係半個機民，不過佢無我咁沉迷咁解。
上次呀方上黎我屋企見到我老母玩緊最高難度既Biohazard果陣已經睇到佢呆左。

亦因為佢自己都係機民，所以其實佢一路都無理過我沉迷打機；把口雖然係鬧我，但係佢一路都相信到一日我就會改變，撚到陰唇自然直，唔洗擔心我咁多。

「我趕住番工呀，你自己整營多啦。」講完之後佢就拎齊野番工。
如果要自己煮的話，咁都係等我上陣FB，開MSN吹陣水，去論壇睇下最新消息醒醒神先……

我望住桌面右下角既時鐘，原來仲係七點；今日我要番學，但係由於學校同我屋企係同一條屋邨入面，所以唔需要太急。
我將每朝既例行工事做完之後就準備出門口，抬上面放住左老母留低既零用錢。





咁多張廿蚊…究竟有幾多呢？
【獲得了港幣二百元正。】

腦海又出現左對話框。
頭先掛住同老母傾都唔記得左依個能力，睇黎我琴晚並唔係發夢……
我出門之後要鎖門，於事我係我果個毒男專用既Nike斜孭袋入面搵鎖匙。

「屌，放撚左去邊？」忽然間我個腦又黎料。
我眼前所有事物都停頓了，除而代之出現既係一個背包選項。

背包裡面所有物件都非常整齊地排係張清單上面，非常容易就搵到條鎖匙。
睇黎個能力都唔錯。

坐完笠之後我落到樓下大堂，個看更伯伯同我打招呼。




但係眼前景象又變左，看更伯伯既近照於我腦海正中間出現，而下面出現左個對話框，莫非……係gal-game？

屌你老母，點解打個招呼都會變左做gal-game event先？點解個對象仲要係個呀伯先？我唔想同呀伯既好感度提升然後比佢屌屎忽喎！
「喂波仔早晨呀。」係腦海入面張大頭照既景象係佢將雙手放後面，上半身向前傾冷係親切咁。

我好努力咁將今朝食左既營多忍住唔嘔出黎，然後回番句：「早晨呀福伯……」
住屋邨既人都知道看更係唔可以得罪，一黎佢係屋企入面既天文台，如果你想知道上星期十四樓個何太屋企開台既結果，問一問福伯就知道。
除此之外，如果你同福伯關係差，佢就算見到你係住係到既都唔會主動開門比你，要你自己禁密碼鎖。

最差既情況之下，佢仲會同其他師奶講你壞話添。
「要番學喇喎，慣唔慣早起呀？」

「我假期都係咁上下作息時間……我走先啦，掰掰。」我唔知我忍得幾耐，所以都係盡快逃離戰場比較好。
「掰掰。」福伯既近照終於消失，得番對話框係到，而框入面出現既文字係：





【福伯好感度＋１】

Oh----Nooooooooooooo！莫非我逃唔過係公屋後樓梯比福伯屌屎忽既命運？