如果你既人生好似打機一樣……: 6.7, 比男人更MAN既女人
水牛講低左句好似係秘訣既秘訣，然後我就OFF左去訓教。
年初五一起身我就打開電腦電視，電視播緊既係睇到厭既黎耀祥賀年廣告。
好好地一個黎耀祥，點解無線要搞到佢令人生厭？
睇完一堆紅噹噹既廣告之後，我打消左睇香港早晨J啲主播既念頭，番左去電腦枱前面。
水牛再次傳來訊息：「一點M記等。」
佢無交代到係做乜事，但係反正今日我無堂上，所以我都無拒絕。
係遊戲中晨運完一輪之後，已經十二點，開始梳洗出門口。
於M記準時出現既，唔止得水牛，仲有水牛親衛隊。
一堆親衛隊見到我，即刻投以不歡迎既眼光。
大佬，我約水牛咋喎，你地班狗乸做乜跟埋黎？
「哈佬……」我好低聲咁同所有人打招呼，得水牛理我。
「我地今日去打羽毛球。」
「吓？」我以為剩係食中飯，原來係打波咁健康既活動。
「我BOOK左兩點，食完野就去。」
水牛無比我發問既餘地，就走左去買野食，下一秒收到msg。
「今日你既目標係同全部女仔有對話。」
你老尾，你都見到頭先佢地既態度幾敵意啦，點同佢講野呀？
對話既定義，仲要係有來有往，即係我講完佢地仲要應我先得……
不過好彩，一齊打波都算係比較容易有話題，加上身為最大變數既毒撚方無係到搞屎棍，今日既我應該做到！
在場共有6個女同學，除左上次溫書出現過既果幾個之外，仲有另外兩個。
一個係朱純真，一個係另一個我連名都唔知既女同學。
而「大婆」呀飯就無出現到，我唔知道係水牛唔約定係呀飯唔黎。
「食乜野好呢……」女同學甲望住個餐牌係到猶豫，我就乘機搭嘴。
「食魚柳包啦不如。」佢望住我上下打量，然後行開左幾步。
O FUCK，水牛你係唔係嫌啲女同學對我既好感度唔夠低？
我地叫晒野食之後就搵個位低左，我坐係最埋邊，隔離既係水牛，對面既係朱純真。
依家既我就好似比人隔離左咁？
就好似有啲毒撚朋友死纏爛打跟你去玩，到最後要毒到自己係角落頭到玩電話，就好似無出現過咁。
更加仆街既係，水牛依家剩係掛住理啲女仔，一舊屎都無比到我。
依家即係由我自生自滅？
我望住坐對面既朱純真，佢買番黎既麥樂雞餐一啖都無食過。
「做乜唔食野？」
「我其實唔餓……」
《任務：與出席的六名女生談話 1/6》
我地兩個好似搭枱咁比其他六個人隔離左，依一刻既同病相憐終於令我踏出第一步！
「咁你又食？」雖然任務交左，但係我係到坐都無所事事，所以搵佢吹多兩嘴。
「你地買我唔買好似好怪咁。」依啲心態真係非常之病態。
「一係我幫你食埋，之後比番錢你啦。」
「唔係幾好既，陣間我地打波你食咁多野會肚痛。」
其實水牛明知啲女個個都冧自己，但係又一次過約晒出黎，咁樣算係乜野？
佛祖收兵？
在場所有人食完野之後，就開始出發去體育館。
啲女仔一字排開咁樣霸住條路黎行，所有路人都避之則吉。
其實我就唔明點解行路都要繞住手，好似連體嬰咁樣，最戇尻既係有人行埋黎你都唔識讓，要人地就你。
我就行係依個世界杯射點球既人牆後面，隔離既仲有朱純真。
如果你唔識我地的話，你會以為前面六個同我地後面兩個係兩班人黎。
係涼風之下行左十零分鐘，我地到左體育館。
我企係遠方，睇住比緊按金借球拍既佢地。
有四個女仔上次見過 － 即係包括比我坐爆左處女膜果個。
仲有一個係佢地其他班既FD，亦都係佢地之中小數黎唔係為左睇水牛既人。
今次任務，我要由依個人入手，而比我破左處果個女同學，應該係最終大佬！
入到去我地卜左既場，又再次有機會見証上天唔公平既一刻。
「邊個想同我一組？」
連唔係好出聲既朱純真在內，有五個女仔都舉起手，得隔離班果個無乜所謂。
「你唔同水牛一組？」我問。
「我對男人無興趣。我黎純粹係陪呀Joe.」原來係les既。
《任務：與出席的六名女生談話 2/6》
點解我KO左既全部都係攻略不能既角色？
結果我、Lesbian、Joe同果晚遞紙巾比爆處女果個女同學同一組，以下簡稱紙巾。
水牛、爆處女、女同學甲同埋朱純真就另一組。
點解打友誼波都要分組？因為輸左果面要請飲野加交波鐘錢。
我地放低啲野就開波。時間唔多，要點先可以係限定時間之內插晒旗呢？
發球權係我依面，同隊既仲有Lesbian.
對面首發既有女同學甲同埋水牛。
「知唔知拿度既師父係邊個？」我係發球前出言挑釁。
「拿度打網球架，開波啦，講咁多廢話！」女同學甲回應。
《任務：與出席的六名女生談話 3/6》
雖然做左假膠，但係佢都算係應左我。
雖然對手係水牛，但係我依然諗住hea打，畢竟我既目的係同所有女性有對話，而唔係打嬴場波。
當個波飛過去既時侯，水牛比女同學甲接左，然後打左個高遠球。
我企係網前面，所以趕唔切番去後面守，我一檸轉頭準備目送個波落地既時侯，Lesbian即刻跳起殺番個球番去！
佢跳起既時侯，心口波濤洶湧，雖然濃裝左小小，但係我都不禁覺得眼前既人竟然對男性無興趣而可惜。
依個殺球水牛竟然接唔到，應聲落地；至此，水牛離場換入爆處女。
「A屎唔洗咁禮讓喎！」啲女仔即時有反應。
「一時失手。」水牛紳士式回應。
「挑，真係睇條友唔順眼。」Lesbian係我旁邊講出依句，佢可能唔知道我同水牛係Best friend先咁講。
Anyway，第二局開始，由爆處女發球。
爆處女上場一刻，氣氛即時凝結。
佢開左一個同佢個樣咁上下行貨既波，而我就向後跳截擊個波，女同學再打左個高遠波，而Lesbian亦都接得番。
如是者個波來來回回左一陣，爆處女忽然間打左個好弱雞既球，我心諗：好機會！
於事我一跳起，用力殺球，雖然個波無angry bird咁快，但係我依球都唔算差。
而依個波直飛番去對面場，爆處女諗住跳起接住，點知佢就錯位，個波擊中左佢下腹。
佢又企係到聲都唔聲，你個處女膜上次比我坐爆左架喇喎？你唔係有第二個處女膜比我打爆下話？
女同學A即時拎出紙巾，其他人亦都上前問侯。
喂！羽毛球黎咋喎，唔係浮遊飛翔炮黎架喎！
「搞錯呀你，打波定打人呀？」紙巾即時嘴炮，其他人都用好卑視既眼光望住我。
《女同學A、紙巾、Joe、爆處女好感度下降》
我望住水牛，水牛佢迴避緊我視線。
你係唔係有心搞到我得罪晒全班女仔呀水牛哥？
我都放低左支球拍想上前問侯，但係其他女仔將我同爆處女隔住。
「Sorry呀，我廢，唔識控球……」
紙巾：「唔識玩就咪學人玩啦！」咁係唔係唔踢英超就無資格踢波先？
「我估唔到佢接唔到……」但係我無將心入面果句講出黎。
「你果球打到咁大力，你打波定打人呀？」羽毛球打人會打得痛？咁樣癲狗扔蕉都扔得死當奴曾啦！
「Sorry囉……」
「你加個囉字做乜？好委屈你咩？」班八婆真係有風使盡��，我道歉唔係因為我做錯，而係禮貌咋！
「…………」
水牛出招了。
「你無事？」
爆處女無出聲搖搖頭，啲女望住水牛王子既英姿留意唔到，但係我好清楚咁見到佢垂低左既平陰之下，係有一個代表「計劃成功！」既奸笑。
仆你個街，莫非上次果單野佢都係陰尻我？
《任務：與出席的六名女生談話 4/6》
點解我又係要比人屌住咁解任務？
「依條女正狗乸黎。」Lesbian係我隔離，望住條女細聲搖頭道。
知音！知音呀！我估唔到依個世界上竟然仲有人係明白我！
擾攘左一陣，場波繼續開始，因為頭先果單野，我比人換左去場外面。
依家場上既係爆處女，朱純真對Lesbian同呀Joe。
換句話講，頭先大大力屌尻我既紙巾就坐係我隔離。
條港女殺氣衝衝咁樣，我都廢事理佢，於事我專心睇比賽。
係Lesbian既威能之下，爆處女好快就比人趕左落場。開球既係朱純真，但係依球真係好馬虎。
呀Joe將個球打番番對面場，水牛即刻一個球殺番轉頭，不愧係水牛，依個波真係好似費達拿開既咁。
而且仲打中呀Joe心口。
「你無事？」
「無……無……
「佢就好啦，A屎主動問侯佢…」對面既女同學甲話。
「我都想比個波打中呀！」本身坐係我隔離既紙巾已經去左對面隊到坐。
我觀察呀Joe，佢塊面紅晒，好似潮吹完咁，唔洗審一定成地水。
屌你老母，比水牛打中就得，比我打中就屌鬼！
然後我地隊換入紙巾條港女，Lesbian離場坐左係我隔離。
「成班狗乸雙重標準。」佢唔係Les架咩？做乜係咁屌尻啲女？
「都見怪不怪……」sad but true.
「係喎你叫乜名？」佢伸出手。
「劉驚波。」我都同佢握手，估唔到竟然有女仔係明白做男仔既苦處！
「我叫李茉，你可以叫我做茉莉。」