（適量甜）是咁的，我竟然響公園執到本Sex note: 30

Miss：「企起身。」
 
「喔..」我搏命響枱底將部電話隊比肥輝。
 
但佢條仆街竟然係關鍵時刻出賣兄弟，扒低響張枱到，擰轉頭扮睇我唔到。
 
眼見Miss就快埋黎，我將電話收到背脊，再急急腳企起。
 
我：「sorry..係我一時口快，講錯野。」
 


Miss擰轉身同班上既同學講：「你無講錯。有耳先聽到聲架，係咪？」
 
大家沉默不語。
 
Miss：「但你錯既係響唔適當既時候講呢句說話，understand？」
 
「講乜春英文啊八婆！I don’t fucking understand啊！」
 
都係個句，講就凶狠，做就似碌撚。
 


我死死氣咁講：「Yes。」
 
Miss一邊行翻教師台，一邊講：「明白就坐翻低，唔好阻住大家做test。」
 
「嗯..」
 
仆你個街啊，咁撚臭串？信唔信我用sex note屌到你上天花板啊拿？
 
當我想坐翻低既時候，佢突然擰轉身。
 


Miss：「等陣。」
 
我：「下？」
 
Miss：「你背脊收埋d乜？」
 
大獲！我無助咁望向隔離。阿信微微恰低頭，對我做左個懷念爺爺既表情，肥輝條仆街直頭連望都敢望我。

Miss向我伸出手：「我叫你擰出黎，聽唔聽到？」
 
屌你咩，比你睇到自己家姐去左日本拍av都仲得了既？
 
我幫你地相認唔係問題，最怕係你以怨報得，記我小過咋。
 
Miss：「你到底收埋d乜？」


 
我：「無啊..」
 
Miss：「我數三聲你好即刻交出黎！」
 
「三！」
 
「二！」
 
「一！」
 
Miss見我不為所動，於是格硬將我收響背脊既手拉出黎。
 
望到我空無一物既手掌，佢眼神中閃過左一剎那既驚訝。
 


佢唔奮氣咁問：「你係咪收埋響褲袋？」
 
「無啊。」我施施然咁反開曬所有褲袋，再原地轉一圈。
 
佢：「我明明見你隻手郁左少少..」
 
我奸笑講：「咁你搵唔搵到野？」
 
眼見自己一無所獲，想搵人祭下旗都唔得。佢嬲到渣實拳頭，然後氣沖冲咁行翻教師枱。
 
全班都以不可思議既目光望住我。
 
又唔怪得佢地既，平時睇David Copperfield變魔術都要隔住個mon，今日竟然有機會親眼目睹一個比佢所有魔術更屈機既魔術。
 
相信大家都會問：「到底部電話去左邊呢？」


 
答案好簡單。
 
所謂人急生智，響千鈞一發之間，我將部手機zip左入條褲後面。
 
手機受到重力影響，以9.81既acceleration向下跌。
 
而呢個時候，我既大腦早已用精密既計算法秒速完成左F=ma，v=u+at等等既複雜運算，並且得出手機向下掉落既速度同力量。
 
當手機滑落到我兩塊屎忽肌肉之間既時候，我果斷咁收緊肌肉
 
就是咁，部手機比我個屎忽夾住，做成不翼而飛既景象。
 
高登仔玩腳趾夾野就玩得多，大波妹用對巨乳夾電話都見唔少，屎忽夾野你又聽過未？
 


為左唔坐爛肥輝部電話，我吹水話自己肚痛，要企響到做卷。
 
Miss見自己岩岩先柒左一獲，亦唔敢再問咁多，毫不猶豫就批准左。
 
然而，人體既力量同專注力有限。
 
為左控制住兩舊屎忽肌肉，我根本無可能專心做卷。呢頭諗緊條mc點計，個頭又怕一分神會跌左部電話。
 
就好似玩jungle咁，幫上路就爆下路，幫下路就爆中路，幫中路就爆jungle..
 
再加上我有段幾長既時間無做運動，兩隻腳都比以前廢左三，四成，更加唔好講根本無練過既pat pat肌。
 
點都好，最後我都費盡九牛二虎之力捱到落堂，但份form test就起碼炒左七成咁上下。
 
又係肥輝條仆街累事..都唔知我前世係咪欠左佢。
 
「Time's up，pens down.」Miss張宣布噩夢既終結。

放學既鐘聲亦同時響起。
 
我連goodbye都未講就秒速衝左出班房。
 
「去邊啊你！」Miss跟住追上黎。
 
「廁所！」我一邊跑，一邊回應。
 
可能係我跑得太急既關係，悲劇終於發生了..
 
我屎忽一鬆，大腿之間突然有種輕飄飄既感覺。
 
「呯。」
 
下一秒，部電話已經由我褲管跌左落地下。
 
我秒速轉身諗住執翻，但一切都太遲啦。
 
MIss一早跑到我身後，再比我快一步執起部電話。
 

Miss：「咁急，趕住去邊呀？」