（適量甜）是咁的，我竟然響公園執到本Sex note: 31
我緊張到手心都滴曬汗，一言不發。
佢：「沒收。」
我：「部電話唔係我架miss，一係你收我個部啦。」
我修正少少，宜家已經唔係部電話屬於邊個既問題。
佢：「NO way。」
佢gum着部電話。好彩肥輝有較鎖mon，所以未至於當場斷正。
佢：「密碼係咩？」
我：「我唔知..部電話都唔係我既。」
佢：「唔講呀嘛？」
放學經過走廊既學生同老師都被我地兩個吸引，企定定響到食花生。
佢尷尬咁講：「我聽日先同你算帳。」
於是，佢響眾人既目光下光明正大咁挾持住部電話離開現場。
肥輝放學不斷追問我部手機既下落，但我亦只可以表示無能為力。
肥輝痛苦咁用對手掩住頭：「我好多珍藏響入面架…今次一定一鋪清袋..」
我：「藏你老母咩！我分分鐘比人記大過都似啦仆街。」
我同肥輝因為呢件事嘈到拆天，可憐既阿信更加左右做人難，被逼夾響我地兩個之間。
本身諗住用sex note解決事件，但拉開個背囊先發覺唔記得帶本note出門口。
最後，我抱住既擔心又無奈既心情死死氣咁翻屋企。
屋企一個人都無，淨係見到雪櫃上痴左張memo。
「
浩仔，我宜家出去買菜。如果你肚餓既話可以去雪櫃搵野食，我整左布丁！仲有，雅琳岩岩去左個friend屋企拎校服，所以未翻黎住。
莉莉絲」
神果然係神。
莉莉絲既字真係靚到你唔信，唔講仲以為佢係d咩大書法家。
只不過整布丁既技巧仍然有待改進，因為食落真係太甜，食兩啖就起曬痰。
望下個鐘，搭正四點。
還掂有排都未夠鐘食晚飯，訓個靚教都未遲。
我拋開memo紙，連衫都未換就跳上sofa訓教。
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
「浩仔，起身食野啦。」我feel到有人細細力咁拍我塊面。
我張開眼，見到着住圍裙既莉莉絲響我隔離烏低身。
放眼圍裙既領口位，原本應該露出既pink lin竟然被一個白色bra遮住左，唔洗審都知係阿妹逼佢帶。
我：「我訓左幾耐？」
佢：「大概三四個鐘啦。」
我起身，見到王雅琳同阿妹已經坐響飯台夾緊野食。
佢地兩個全程無交流，係連一d眼神接觸都無，雙方好之間好似隔住堵牆咁。
我：「食野先。」
佢：「嗯。」
莉莉絲主動坐到阿妹側邊，而我就坐王雅琳側邊。
我：「開飯！」
阿妹：「一早開左啦，等你呀。」
佢夾左舊魚比莉莉絲，連望都無望過我，大概仲嬲緊我無啦啦帶左個女人翻屋企。
「er..今日d雞好似唔錯wor..哈哈..」我夾左舊雞比阿妹，再夾左舊比王雅琳。
我見佢地兩個都無反應，淨係掛住爬飯，整個飯局又再陷入一片dead air。
我只好向莉莉絲打個眼色。
莉莉絲：「係..係呀…雞檔個老闆同我講d雞好新鮮…大家食多d啦，哈哈。」
屌，哈乜春。
之後我同莉莉絲都有不斷咁挑起話題，但佢地兩個都係得三種回應方式：「嗯」，「喔」，沉默。
搞到成個飯局好似變左我同莉莉絲既talk show咁，我講完就將個波拋比佢，佢講完又拋翻比我。
「我飽啦，翻房先。」
過左十分鐘到，阿妹食完飯，西口西面咁入翻房。
我對王雅琳講：「你唔好介意..佢細細個已經咁人性。」
佢無回答，繼續默默咁食埋淨低個幾啖飯。
「雅琳，你食完自己拎入黎比我洗啦。」莉莉絲企起身執緊d碗同碟。
王雅琳：「等陣！」
莉莉絲：「嗯？」
王雅琳：「以後既碗碟由我黎洗…」
「你洗？」對唔住，我真係好難想像呢句野會出自一個mk妹口中。
王雅琳：「你個妹都係唔妥我響到白食白住姐。我王雅琳要證明比佢睇，我都可以做到野。」
莉莉絲揮揮手：「呢d我做慣，都係等我黎啦。」
「啪。」
「妖，放低等我洗。」王雅琳將手上既筷子輕拍落飯台。
莉莉絲見法官大人下左判決，亦無謂堅持咁多，於是將d碗筷推到佢面前。
「咁..唔該曬你先。」莉莉絲除低圍裙，入左阿妹間房。
我：「睇唔出你都幾有骨氣wo。」
雅琳：「哼，我畢嬲唔鍾意欠人地野，遲d屋企既家務由我一手包辦！」
講就威水，但佢根本連碗筷都唔識執，將大碟放響細碟上面，細碟再放響飯碗
上面。
屌你老母，疊羅漢咩宜家？
為左避免打爛碗碟而激嬲阿妹，我只好出手相助幫佢搬翻d碗碟入廚房。
我：「我打陣機先，你慢慢洗。」
雅琳：「屌，洗碗咋嘛，輕鬆啦。」
「係至好講。」我擰轉身。
「梁永浩。」行左半步，佢突然扯住我既衫袖。
「嗯？」
「邊..邊個先係..」佢面上一紅，縮開隻手，再指下洗手盤個位。
「做咩姐你？」 望住佢面紅個樣，我忍唔住奸笑。
佢啤左我一眼，一野拍落我膊頭： 「妖！我問你邊支先係洗潔精呀！」