《完美犯罪手冊》 - 為了上進而失去一切的故事: 《終章》 - 參
趙政祺繼續開住跑車，載著阿dee於東區走廊道路上高速行駛，
此時阿dee十分緊張，亦不知趙政祺在打什麼如意算盤，
於是，趙政祺很快便察覺到阿dee內心的不安，便開口問道。
『我看還有一段時間才到，』趙政祺看著路面道：『不如你說你在擔心些甚麼吧。』
阿dee對趙政祺忽然開口感到十分意外，不由主地呆左一下。
因為，趙政祺一直都係以高高在上既姿態示人，阿dee自己某程度上係佢手下，
所以從來都未見過趙政祺用呢個關心既語氣問候自己，一時不知所措。
『我…我…』阿dee支支吾吾道：『仲有三日就要行動…同埋而家咁夜…唔會被人懷疑咩？』
『嗯，你的擔心也是很合理的。』趙說。
『咁…』阿dee頓了頓：『趙小姐點解仲要…？』
『是預習。』
『預習？』
『對。』趙解釋：『做每一件事之前，為確保成功都會預習幾次，不過我們這次的行動可不是那麼隨心就可以完成，所以要預習一次。』
『下…？』阿dee滿臉猶豫的表情：『但…點預習呀？我地又唔係銀行既人…點預習當日既事？』
『你說的沒錯，我們今天只是預習所有時間的準確性。』
『時間…？』
『對，』趙政祺點頭：『當天有百分之九十的事情都在阿dee你身上，除了那百分之九十，還有時間的重要性一定的非常準確。』
『咁…即係……』
『行，到了。』
說時遲來時快，趙政祺既跑車不出三十分鐘便到達位於筲箕灣的金庫；為免引起門口守衛的懷疑，趙政祺把車子停定在附近的海防博物館門口。
阿dee回過神來，打量了一下四周便說道：『趙小姐？你頭先既意思係…？』
『……』趙政祺沒有即時回話，只係拿出手機。
阿dee視線從趙政祺轉到手機屏幕之上，定晴一看，只見屏幕上顯示一堆數字。
[00:29:18]
『呢個……』阿dee呆滯地張開口：『計時器？』
『沒錯。』趙政祺冷冷的回答。
『趙小姐係…幾時開始計時既？』
趙政祺不屑地笑了一下：『從剛剛長沙灣開始。』
『下？』
『我趁著你剛發呆的時候早已經從出發點駛到你公司的總部，然後開始計時，以路面上限制最高速的速度行駛，用了半個小時就到達了。』
『原來係咁……』阿dee恍然大悟：『但趙小姐點解要咁做…？』
『我說過，時間是很重要。』趙政祺又說：『假如你當天的行動晚了幾分鐘，所有的行動將會付之一炬。更影響到我在股票市場上的買賣，你懂嗎？』
『呃……』阿dee縐一縐眉：『趙小姐你連呢啲都同我講…？』
『哼，我說過相信你，更何況我是合法的從股票獲利，沒有什麼好怕的。』趙一臉沒在怕的樣子。
阿dee想了一想，但仍在擔心：『但…趙小姐…而家係夜晚，就算你確定到行車既時間，你點知當日會唔會塞車？』
趙政祺早料阿dee會有此一問：『你有沒有聽過日夜時間的對立論？』
『呃……』阿dee一頭霧水：『無聽過…』
『其實很簡單，』趙政祺徐徐解釋：『阿dee你知道馬路早上最繁忙、最多人的時段是幾點嗎？』
阿dee想了一想：『大概…八至九點左右…返工時間…』
『沒錯，』趙續問：『那下午呢？』
『放工時間…五至六點……』
趙政祺滿意的笑著：『對，這就是時間對立。』
『咁即係…？』阿dee仍未明白。
『你看看現在時間是幾點。』
『而家…』阿dee望一望電話：『夜晚…九點五十分…』
『沒錯，我們現在的時間，就是在下午下班時間的３－４小時過後。』
『哦！』阿dee思考了一下，終於明白箇中奧妙：『即係話，而家既時間，係同早上最繁忙時段既３－４個鐘後一樣！而家大概晚上十點…即係而家路面既情況就等如中午既情況？！』
『孺子可教。』
原來趙政祺既意思，係打算係晚上實測當日既行車時間。
馬路上每日既行車情況雖然都有唔同，亦可能有突發意外，但其實大致上都大同小異。
中午12:00到13:00，其實同晚上21:00到22:00一樣。
因為兩個時段，都係食飯既時段，路面上既車不算多，但亦不少。
再加上，呢日12月20號係星期六，星期六既晚上，對比起平安夜既＂早＂上車流可謂幾乎一樣，當然，平安夜晚上會比較多，但行動只在早上進行。
趙政祺得到解款公司既行車路線地圖後，揀係呢一晚去實測。
除左係因為比較接近當日既路面情況外，更重要係晚上行動被懷疑既機會會大大減低。
『趙小姐…』阿dee十分佩服：『你果然好小心…』
『這叫做謹慎行事。』趙又說：『你記著，我預計當日你們的行車時間，大概30-35分鐘，所以你們應該會在正午12時出發，12:30到達金庫，15分鐘保安審查，30分鐘搬錢箱，下午1時15分左右回程。』
『…好仔細…』阿dee喃喃讚歎。
『如果從筲箕灣金庫到達灣仔告士打道…大概需要20到25分鐘吧。』
『即係…一點半到一點四十分左右？』阿dee問道。
『對。』趙政祺取出香煙：『要嗎？』
『唔…唔洗喇…戒左…』阿dee淡然拒絕。
『喔？』趙政祺笑言：『為了阿螢嗎？』
『……嗯…』阿dee尷尬地笑著。
『其實今天也差不多了，往後那幾天我們都不會再見面，免得人懷疑。』
『我明白。』阿dee鬆了一口氣：『係呢趙小姐…』
『嗯？』
『其實…你點解會留係香港既？』阿dee隨意的問。
『什麼？』趙嚴厲的橫了阿dee一眼。
『呃…唔好意思！』阿dee急忙耍手擰頭：『我只係諗住傾下計…冇其他意思…』
『算了，沒事。』趙政祺看著窗外吞雲吐霧。
『………』
『嗯…也快三年了吧…』趙政祺歎息著：『你知道為什麼我不回台灣嗎。』
『唔…唔知…』
『那是因為跟我結婚的跟本不是我愛的人。』
『唔係…趙小姐你愛既人…？咁點解仲要同佢結婚？』
『沒辦法，』趙合上眼回首：『那是我父親的主意。』
『你…爸爸…？』
『嗯。』趙政祺點點頭：『那時候…我有一個從國中開始就交往了十多年的男朋友…已經到了談婚論嫁的階段。』
『十幾年……』阿dee亦概嘆著。
『那十幾年來，我爸都不是很喜歡他，嫌他做快遞公司，沒有錢…沒有前途。』
『下……』
『可是那又怎麼樣？相愛不是兩個人喜歡就行了嗎？你說。』
阿dee急忙回應：『係…係既。』
『可是那個該死的老頭子卻要我嫁給一個幫會裡德高望重、年青有為的男人。』
『……』
『因為當時我媽身體已經很差了，我萬分不情願聽我爸的話，不過我媽開口…就只能順從著她。』
『下？』阿dee心抱不平：『咁點得呀？終身幸福喎！』
『雖然我跟我爸的感情不是很好，從小就對他這種娶兩個老婆的人沒什麼好感，不過我媽可是很疼我的…所以…我才聽她的話。』
『咁…之後呢？』
『之後……』趙政祺憂傷地吸了一口煙：『到我結婚當天，有大批傳媒…政商人士…演藝圈的人…還有警察在門外戒備。我爸是個要面子的人，所以席開了250桌，宴會上每個人都興高采烈，就只有我一個人不開心。』
『哦…我明白既…』
『不止這樣，』趙政祺續道：『更過分的，是我爸跟傳媒說新郎是…我那交往了十幾年的平凡男友！』
『下！？』
『那個新郎，對我來說只是幫會中的一個小混混，要我嫁給他也就算了！居然還要取締我愛的人的名聲！』
『咁…點解你爸爸要咁做呢？』
『面子！全都是面子！』趙政祺憤懣而道：『我爸這樣做是因為要羸得別人的稱讚，說自己不會看別人的財勢，凡事以自己女兒的意願為重，其實事實根本不是那樣！他只是一個看幫會的未來比看自己女兒的幸福還重的人而已！』
『原來……』
『可惜，到最後原來只是一場計謀。』
『計謀？』
『沒錯，是那新郎的計謀。』
『下…？』
趙政祺又籲出一口長長的煙：『那小混混在幫中本是無名小卒，可是卻很努力的不斷的打拼，到後來成為了我爸的左右手，更擁有自己的勢力，在幫中除了我爸，人人都在怕他。』
阿Dee目瞪口呆：『咁…勁…』
『於是，我爸就怕他退位後會把整個幫會據為己有，所以就想我嫁給他，一邊扶助他，另一邊可以確保竹聯幫的擁有權。可是…我根本不喜歡他呀！』
『趙小姐…原來你都會受人威脅…』阿Dee望住趙政祺，原來佢都有脆弱既一面。
『但可惜，我爸正要退位之時，就被他派人暗殺了。』
『下？！』
『雖然沒有證據，但我爸當時身體已經抱恙，長期躺臥在病床。正當我爸立遺囑，還有宣佈下一任幫主時，就在醫院突然身亡。』
『唔係嘛…』阿dee不敢相信：『會唔會係意外咋？果條友明明都就黎做幫主啦，點解仲要殺左你爸爸？』
『因為他想把整個幫會據為己有。』
『據為…己有？』
『對，』趙政祺解釋：『假如是我爸要他就任的話，幫會中有很多元老都不會服他，因為他是被選中的，甚至有人說他是為了幫主之位才娶我。所以，他就行刺了我的爸，目的就是為了整個幫會團結，上下一心。』
『咁…有咩唔好…？』
『對他來說是好…但對我爸來說，他這樣做，就等於鵲巢鳩占，完全沒人記得竹聯幫的元配幫主是誰了…。』
『原來…』
『所以，我恨我爸。那個愚蠢至極的老頭。』
『………』
『他為了一個出賣他的人，卻用了我愛人的名聲，更犧牲了我的幸福去幫他掩飾其小混混的身分，到最後更被出賣，令自己的幫會一無所有。所以，我只能保護剩下來的東西。』
『即係…』阿dee猶豫著。
『你之前在我打工的那家環球時裝公司。』
『哦……』
『而且我跟他沒有感情，早已經分居了，再加上我爸還有一部份的股分在他手中，所以我要大量的資金去把那股分搶回來！』趙政祺咬牙切齒道。
『咁趙小姐你咁多手段…點解唔對付佢呢？』
『別傻了，』趙政祺續道：『現在他是幫中的老大，對付你們的方法對他可是行不了。再加上我跟他還有夫妻之名，要正式跟他離婚後我才能明正言順的收購他手中的股分。』
『哦…』
『呼…』趙政祺歎一口氣：『可能我傍晚喝了一點酒，說多了。』
『唔會唔會…我都好樂於聽人傾訴既！』阿dee拍著馬屁。
『那，』趙政祺扔掉手中的煙蒂：『咱們回去吧。』
語畢，趙政祺就載住阿dee係大路上揚長而去。
呢一刻既阿dee自知道自己既重要性。對趙政祺而言，自己一開始無疑只係一隻棋子，有必要時即使消滅自己都冇所謂，呢一點阿dee一早就估算得到。
但到左幾個月後既呢一刻，俗語有話，人會變月會圓。
阿dee心底確切地感受到趙政祺對自己既信任，乃至好似剛剛既情況咁會同自己傾吐心事。
睇黎趙政祺確有一種「用人不疑、疑人不用」既心態存在。
同樣地，趙政祺亦留意到阿dee所潛在既辦事能力，應變能力都要比起阿沁為高。
再加上趙政祺認為阿dee已經完全放棄左阿沁呢一個包袱，因為從洗手間監視到阿dee對阿沁既死訊所作出既反應，大概已起殺雞儆猴之效。
當車程駛到一半之時。
『dee。』趙政祺冷冷的道。
『係？』
『完成這次的事後……』趙續道：『你有沒有興趣來當我的左右手。』
『下？！』阿dee大感困窘。
趙政祺見到阿dee既反應後忍俊不禁，便竊笑起來：『當然，我不是強迫你，不過我看你是個聰明人，無論是計劃，語言，應變能力都相當不錯，如果就這樣埋沒未免太可惜了？』
『但…』阿dee卻表現得有口難言。
『放心，你不用現在回答我，你可以回去考慮。』
阿dee亦不敢斷言拒絕：『好…多謝你既賞識…趙小姐…』
『成事後我依舊會履行承諾給你一千萬，到時候你要跟你的阿螢去哪都可以。』
『係，多謝趙小姐！』阿dee急忙道。
『不過……』
『下？』
趙政祺控制著呔盤：『你覺得得到一千萬後，你會怎麼用？』
『我……』阿dee驀地思考了一下：『我應該會比一半屋企人…然後搞啲小生意……』
『哦～？』趙政祺含笑道：『那房子呢？你不會像那些普通的香港人一樣，每天想中彩票然後買房子嗎？』
阿dee苦笑地搖頭：『趙小姐…香港幾百萬就算買到層樓，都唔會靚得去邊啦…又要交管理費、差餉、水電煤…支出仲大過我住係阿媽屋企…呃…』
阿dee講下講下講到一半，忽然想起原來仲要將果一半分畀自己屋企人。
咁剩低既，就只有大概五百萬既金錢…
講真，以今時今日既香港黎講，五百萬真係話多唔多話少唔少，當你擁有五百萬後，
打算點用時，你就會覺得係一個莫大既難題黎。
想買樓咩？又可能未試過搬出黎而入不敷支；
想做生意？又唔知點開始好；
想吃喝玩樂用哂佢咩？你又擔心會唔會白白浪費左呢筆錢，怕自己呢一世都再搵唔到；
好喇，到你想擺係度唔郁佢，又怕蝕底，又怕物價上漲。
結果…有又煩，冇又煩。
趙政祺見阿dee面露難色，便開口道：『我猜你已經想到了吧。』
『……』阿dee沒有回話，只係默默地點頭。
『嗯，』趙政祺滿意道：『看來你已經明白為什麼我們這些所謂的富豪，有那麼多錢卻每日都把自己弄得那麼累了。』
『哈…』阿dee苦笑了一下：『原來有錢都有有錢既煩惱…』
『怎麼樣？』趙續言：『如果你來幫我，我可以保証你不單止有金錢，還有權力，地位，更有數之不盡的好處在等著你。』
阿dee眼神間露出著了迷的神態：『數之不盡既…好處……』
『對。』趙政祺打開手機，開出一張又一張與社會上流人士的合照：『你看。』
『呢張相……』
趙政祺把車駛向路旁停泊：『這張是我在上流社會一個晚宴上所拍的照片。裡面每一個都是擔當市值上十億的董事，每一個在社會上都有舉足輕重的權力。』
『權力……』
『對！』趙政祺又說：『這群人比起中國古代的皇帝擁有更多的下屬，皇帝只有一個中國；但你看看這群人，業務遍佈世界各地，每一個員工見到他們都要俯首稱臣，是真正的一人之下萬人之上。』
『一人之下…萬人之上？』
『沒錯，』趙政祺目不斜視的看著阿dee：『你在我身邊除了幫助我，更可以學到更多的營商技巧，到時候就算你要自立門戶，也無不可。』
『呃……』阿dee十分猶豫。
『阿dee，你絕對有能力成為他們其中一員。』趙政祺把車門敞開：『你到了，先回家吧，往後再答覆我。』
『好……』
阿dee落車後，就一邊發呆，一邊思考地行返屋企。
頭先趙政祺講既每一字一句，都係由心而發，係想自己幫助佢去辦事，成為佢既左右手。
而且…權力對一個男人黎講，比起金錢可謂更大誘惑，趙政祺唔單止睇得起自己，仲肯畀機會自己去跟佢學習，呢一個絕對係千載難逢既好機會！
令到阿dee本來想拎到錢後同阿螢相宿相棲既念頭開始慢慢打消……
而另一邊廂於車上既趙政祺…
『嚏，看來最後一個隱憂已經消失了。』
趙政祺善於心計，能夠睇清阿dee內心深處…唔係，係男人內心深處既慾望，再加以利用。
引誘阿dee，不單止係睇中佢既才能，更重要係背後既目的。
阿dee現時係整個計劃中最重要既一隻棋子，對於趙政祺黎講，阿dee而家做啲咩趙政祺實情都耐佢唔何，所以趙政祺一直都好擔心阿dee仍有謀反之心。
於是硬攻不果，就決定用軟攻。
每一個人都渴望權力，每一個人都想出人頭地，更何況阿dee係一個有家庭，有目標，有心儀對像既男人？對於「錢」呢樣野，阿dee比任何人都渴求，即使係一千萬對阿dee黎講，第一次聽到可能會好驚訝，但冷靜落黎想深一層，其實一千萬都唔係好多，因為人類既慾望係無窮無盡。
當你擁有一千萬，你就會係一千萬身家既立場去思考，
當你有一億，你就會想到要權力，想控制別人，想名成利就，
然而去到最後…到死一刻，仍未追求到有止境一日。
趙政祺睇通呢一點，亦認為阿dee已經有九成想幫助自己，消除隱憂之餘，更可吸納多一個能幹之士，何樂而不為？
禍患已除，行動之事，亦蓄勢待發。