《完美犯罪手冊》去到呢度暫時同大家告一段落喇。

至於阿沁最後既結果係點…而個故事到底係咩意思,大家只要搜尋《男孩與水草》就可以得到答案。

係呢三個月以黎,呢個故事唔單止陪伴住大家,更加陪伴我渡過呢段愉快既寫作時光。

曾經,我都寫過兩個故事,但好可惜當時我仍未熟識寫作,遺憾地兩個故事都無疾而終…

到左今日,我終於明白"寫一個故事難;但要完結一個故事更難"呢個道理。



如果唔係有大家既支持,恐怕我都冇動力寫落去。


所以,真係衷心多謝大家!



故事雖然唔完美,入面所犯既罪行亦有好多漏洞,不過,就好似狡猾既犯罪者一樣,即使有錯處都可以係世界上逍遙法外。

學電影對白所講:『呢個世界根本無完美,亦正因為無完美,世界才會變得漂亮。』



呢點,希望透過故事既結局可以話到比大家知道。


到最後再一次多謝大家!後會有期!


「再見。」