《完美犯罪手冊》 - 為了上進而失去一切的故事: 序
是咁的，我同好多香港人一樣，係一個生於草根階層既公屋仔。
從小到大無父幹、無運氣、無後台、更無任何成功人士既幫助，僅有既就只有自己一雙手。
我憑住呢一雙手去打拼、去奮鬥、為既就係將來可以過上美好既生活。
去到今時今日，或者我已經得到成功，但回首望返轉頭…原來我失去既野遠比我所得到既多。
呢個故事唔係奉勸大家去以身試法，更加唔係勸導你唔好行差踏錯既文章；
而係希望你為將來奮鬥既同時，唔好忽略左身邊既最重要既人。
無論你係偷呃拐騙又好，定係默默耕耘上進都好，希望你係打拼既時候千祈唔好用「籍口」去虧待身邊重視你既人。
因為到有一日佢地離開你既時候，你就會發現…寧願無錢，都唔想失去佢地。