3.一般老闆嘅工作室應該係好大,不過我一入mono間房,第一下嘅感覺係:好有女仔房間嘅特點,同埋!有一陣好香好香嘅花香味(事先聲明我唔係hentai)mono坐左喺張粉藍色嘅櫈「你鐘意粉藍色?」我好硬膠咁問佢。「你真係搞笑,唔鐘意做咩要買」
佢答我。「好囉我膠左,係呢,你仲鐘意d咩顏色?」「有好多喎⋯⋯紅色啦、黃色啦、橘黃色啦⋯⋯」「咁你唔鍾意d咩顏色?」「偏暗嘅顏色。」之後就同常規一樣面試。主角光環又發動啦,我好成功咁做左mono嘅助手,嗯,係助手,呢個意味住我要比人屌。「就lunch time啦喎,如果你今日冇野做嘅話⋯⋯不如⋯⋯一齊食lunch?」mono再一次充滿陽光咁對我笑「嗯⋯⋯好啦,一齊食啦。」我見佢咁我都唔好意思推,只好同佢一齊食飯。一出房門搭lift就比人用各種眼神睥,我心諗:mono咁靚,又係老闆,我咁樣實比人插爆,不過算啦,都避唔到㗎啦。於是我同佢食左個lunch,亦都好成功咁跟住tbb個劇本咁,我地交換左電話。我同佢傾左勁耐,失戀嘅感覺已經被沖淡。唔好問我點解,我都唔知,我地食完飯之後就睇戲食飯調情啪啪啪結婚生仔happyending,完。好啦唔挽啦,之後我地當然係講88啦,唔係仲有咩做?你估做老闆唔忙呀?我喺附近行左一行,買左個杯麵之後我就番歸。
番到歸發現時間好似有d多,仲有半日唔知做乜q好,我唯有整理一下自己嘅思緒,再諗下今日發生過咩事。我諗下諗下終於圖破左個盲腸,「你信唔信平行時空」呢句野狂喺我個腦到loop左n咁多次。「話時話,點解佢今朝咁冷淡同無厘頭,突然又咁熱情,咩境環?」我同其他主角一樣,被設定左諗野一定會自言自語嘅setting。「平行時空⋯⋯又係點?」於是我上網查左一查,再wtsapp佢。以下係個對話內容:
我:Mono你得唔得閒?
M:係,咩事??
我:??冇咩野嘅,我想搵你吹下水啫。
(心諗:秒覆究竟係想點,唔通真係咁得閒?)
M:好呀,我呢邊d野都做得7788。
我:今朝你講果個平行時空⋯⋯
M:哦哦哦,冇乜野嘅,你當我冇講過啦。?????


我:你咁樣令我更在意。??
M:哈哈,我就係唔想比你知。??
我:真係細路仔氣。『嘆氣』
M:?
我:-_-#-_-#
M:有電話call我啦,我做野先~??88?
我:886
待續⋯⋯
已有 0 人追稿