4.同mono傾完之後,我又繼續搵有關平行時空嘅野。「Mono sends a voice message to you」我突然收到mono嘅語音「命,而家你方唔方便出黎」佢超級細聲咁講。「下,咩事呀?」「你答左我先啦。」「嗯⋯⋯我呢邊係冇乜野做,應該ok嘅。」「係公司樓下等啦。」「好。」其實果陣我係想講「屌你咩我又要搭車番公司,車費唔洗錢呀?」不過我諗佢想我去嘅地方可能喺公司附近,於是就極速換衫出去搭車。
7點半,我到左公司樓下。「我到左啦。」我wts佢,「你望下你後面。」佢覆我。
果然,又係呢d劇情,約你嘅人永遠都會喺你後面出現,真係超老套。佢着住一條火紅色嘅連身裙,從佢塊面到可以睇得出佢化左個好淡嘅妝同埋搽左d唇膏。「你好靚呀。」我忍唔住讚佢。「係咩?」mono好謙虛咁答番我。「咁急叫我出黎到底有咩事?」「我呢⋯⋯想你幫我一個忙⋯⋯可唔可以扮住我男朋友?」我當堂嚇左一跳,心諗:導演你係咪比錯劇本?tbb劇情黎㗎喎⋯⋯就算冇比錯,個劇情都唔洗跳得咁L快下話?「有咩要做先?」「好少野啫,你同我一齊去食餐飯啫。」「哦,咁ok啦,冇咩問題嘅。」「Thank you晒你啦,男~~朋~~友~~」佢笑得真係好甜,講真我好似中左招咁,塊面真係超紅。之後我地去左一間幾high class嘅餐廳,一入到去見到個個都着西裝,而我就着便服,感覺超尷尬。「Hi」有個西裝靚仔企起身同mono打招呼,「Hello,Alan」不出我所料,西裝靚仔九成九都係叫alan。「呢位係⋯⋯?」佢終於發現到我嘅存在,「我係⋯⋯」我想自我介紹果陣比mono打斷左,「佢係我嘅男朋友,佢叫命。」alan顯得一臉驚訝同錯愕,之後先同我講:「我叫alan,nice to meet you。」「nice to meet you too」跟住就開始食飯啦。嚴格d講,我覺得我唔係食緊飯,似比人審緊多d。「係呢mono,點解我冇聽過你有男朋友嘅?」佢終於忍唔住問。「我都係最近先同佢一齊,你梗係唔知啦。」之後alan開始審我,問我又呢樣又果樣,我個飯食完佢都仲問緊我,mono見到咁,於是就幫手解圍。「alan你一直喺到問佢,又唔知自己食得慢,搞到你自己食唔到飯,我地有野做唔等你啦。」「好呀咁你⋯⋯唔係,係你地走先。」之後我同mono就離開左間餐廳。「今日真係唔該晒你。」「係呢,果個alan好似好着緊你咁喎。」「係呀,佢呢個樣擺明係鐘意我。」「你唔鍾意佢?」我再一次問左個好膠嘅問題。「明顯啦,我當佢係好知己咋,如果唔係洗鬼搵你扮我男朋友咩?」「又係喎,哈哈。」「佢係我嘅中學朋友黎嘅,之前我都好依賴佢,感覺有佢喺到好多野都做到。之後佢去左外國留學,我開始變得獨立。然後而家佢喺外國讀完U番黎搵我囉。」「哦⋯⋯我仲有個問題,點解要搵我做你男朋友呢?你身邊應該有好多靚仔願意仆心仆命幫你㗎喎。」我再次發現盲腸。「其實我冇乜異性朋友,因為佢地都係想溝我先至識我,之後佢地又覺得應該有好多人鐘意我於是個個淆晒底走晒。」「咁我算唔算係你第一個真正朋友?」我下意識吐出呢句,「算㗎,所以你要做好比我煩嘅心理準備呀。」佢再二次會心一笑。「今次真係唔知點報答你好。」「唔洗啦。」「嗯⋯⋯不如以身相許?」「唔好挽啦,同一招挽唔到我兩次㗎。」「呢次我係認真㗎。」佢突然變到超正經。我心諗:oh my fucking god what the hell?冷靜,冷靜呀楊命,冷靜呀屌你。我塊再次變到勁L紅。「噗⋯⋯你真係好好挽」佢忍唔住笑左出黎。「乜挽我真係咁好挽咩!!」我大叫左一句。「你嬲丫?好打耳呀你。」「我⋯⋯我⋯⋯我先冇嬲。」「你在傲嬌甚麼啦,kawai~~」之後佢一啖錫左落我塊面到,講左句「多謝你~」然後mono就走左。由於件事太突然,我完全反應唔到發生咩事呆左喺到幾分鐘先反應到。春天一走又番黎,爽歪歪,不過件事有d唔科學,一日發展到呢到,可能係我嘅魅力令人沒法擋啦。突然我聽到有人踢到個錫鑵,之後我比人打左一拳。WTF?!?!?!
待續⋯⋯
已有 0 人追稿