《許怨遲》: 4-21:補償比大家嘅一堆字(上)

之前換左手機長期冇出文，真係sor9，所以，而家就要將我打到嘅進度公佈，希望大家睇得開心。
5.「我都估到㗎啦，估唔到係真嘅。」alan緊握拳頭同我講。「屌你，痛呀，做乜春姐你？你估到定估唔到呀，又話估到，之後又估唔到，仲要打我，你都好痴線下喎。」我㩒住左半邊面咁鬧佢。「你理得我丫，我估唔估到關你__事咩？我就知道你條pk係老林，如果你真係佢男朋友，你點可能唔知道去邊？如果你知道你一定唔會着便服。」佢係到懶係蟹咁推理。我心諗：你都弱智嘅，有邊q個估唔到做戲，去高級餐廳着便服我真係第一次，夠晒新奇刺激。「你知道左咁所以呢？你知道又點？你做到d乜？」我都懶係蟹咁問番佢轉頭，佢即刻比我收左皮。我繼續講：「你應該聽到mono話咩㗎啦？佢當你係好知己咋，咪搞佢啦好嗎？」男主角嘅氣場成功咁窒到佢口啞啞。「X你又打我，呢次又打面？唔抵得我靚仔呀？」突如其來嘅一拳又搞到我爆粗。「你靚仔？我係咩呀？」佢硬係要吐槽呢句。謎之聲：冇計啦tbb丫嘛，忍住先啦，咪打我住。「就算佢唔鐘意我咁又點？我呢d對佢死心塌地，總有一日會有收穫嘅。」我聽到呢句，即刻黎個上勾拳將佢打到5米咁高。「你咩年代丫？仲為女死為女亡？醒下啦，緣份呢d冇得強求㗎。」我心裏暗爽：機會黎啦飛雲，仲唔到我還拖？佢瞓左喺地下傻笑，然後我繼續講：「唔好再煩mono啦，仲有，下次挑我機唔好打我面，如果唔係我就比你試下男人至痛。」我一轉身佢就起身拍我膊頭，然後愚蠢嘅我又再一次比人右勾拳打中左邊面。我憤怒了。我隨手喺垃圾桶攞起碌黃傘，大叫一聲「打蛋棍法」，之後一野扑落佢粒蛋到，佢呢次痛到㩒住粒蛋，然後大叫「投降有冇得輸一半？我投降！」我冇理到佢，再扑多下先走，諗起佢個狗樣都爽。sor，抖s性格出左黎。
10點幾鐘，我番到歸沖涼。一入到沖涼房，嘩頂，好大呀。好大隻老鼠呀屌！你地係咪以為係mono呢？可惜這不是動漫～～。我即刻衝出廳攞我幅畫出黎比隻老鼠睇，嚇到佢跳窗走左。點解？因為呢個故係唔會科學㗎囉，連隻老鼠都驚左我隻米奇，我畫功真係好差咩？
沖完涼我又喺到諗「平行時空」，結論係—聽日去下圖書館先。一起身，見到個鐘顯示住8點鐘，唉，又唔記得熄鬧鐘，朝朝都係咁，最衰嘅係，今日星期日呀！！！！！！醒左瞓唔番呀！！！！！我只好無奈地同我張床say good bye。呆坐左幾廿分鐘，終於肚餓啦，好感動。之後我出左去食野，然後再去圖書館。tbb嘅劇情又出黎啦，我喺圖書館見到mono，估唔到咁有緣呀。「hi」我行過去打招呼，「mono？」我好好奇佢點解又咁cool，於是叫左佢個名。「我唔係mono，我係mona。」佢終於出聲啦。「雙重人格？」「嗯。」呢d咁簡單嘅回答，就係mona嘅溝通方法。「我叫命，係琴日朝早救左你果個人。」「我知。」「我介紹左我自己，你係咪應該做番相同嘅野？」「mona，莫娜，mono嘅第二人格，係佢個妹，12歲。」我呆左一呆⋯⋯12歲？？邊忽似呀？佢同我講「平行時空」佢同我講佢12歲？天才兒童？「你要唔要了解一下？」佢指嘅當然係平行時空。「好呀。」「咁聽日朝早9點喺公司等啦。」「下？點解要聽日先⋯⋯」「因為⋯⋯」佢嘅眼神突然變左，「比你知道左添⋯⋯」「你係mono？」我又黎問d多餘問題。「嗯。我係mono。mona係我嘅妹妹，佢每日只會喺早上9點至10點出黎。」呢d咁長嘅答案先係mono，同mona完全唔同。「哦。唔怪得知佢約我聽日9點啦。」「想唔想知點解我會有雙重人格？」「你講啦。」「轉個地方先。」
6.10點15分，我同mono去左樓下間cafe。「到底係咩一回事？」我打破左沈默。「買杯野飲先啦，好口渴呀。」佢呢句其實係話：請左我飲野先啦，唔比錢邊有故聽？之後我同佢都買左杯中等size嘅咖啡，兩杯加埋仲貴過我搭車，真係好撚貴。「2年前，mona佢比人發現到佢係天才，於是就直接比人叫左去幫手做研究。」「佢而家先得12歲咁2年前未⋯⋯」我呆左⋯⋯我10歲果陣仲喺到食緊屎，佢10歲就已經係研究生，咩境環丫？！？！？！「佢負責研究平行時空，至於研究左d咩，就等佢本人黎講啦，我並唔打算同你講有關呢d野。講番點解會變左雙重人格先，果年，mona嘅研究有少少成果，於是我就揸車過黎睇下佢點，順便讚下佢啦。」「估唔到你係個好家姐。」我打斷左佢。「咩估唔到丫？」佢睥左我一眼，之後繼續講：「去到之後佢啱啱好放飯，於是我就同佢一齊食飯，果邊冇乜野好食，所以我就揸車同佢去遠少少食。食完番黎之後，我送番佢入研究室，一入去我地見到有兩隻貓仔分別比人放左入兩個大玻璃瓶，用條繩綁住左喺入面，於是我地一人入一個玻璃瓶放貓，結果放走左兩隻貓，但係我同mona比人困住左喺入面，之後mona無端端慘叫，我一轉個頭埋去，見到有d白色氣體透過連接兩個玻璃瓶嘅管過左黎我呢邊，然後我就失去知覺。」佢飲左啖咖啡，繼續講：「一醒番就發現我喺醫院到，隔離就係我個妹，佢因為呢次嘅事而變左植物人，而家仲喺醫院比d醫生研究緊點解佢會變成植物人。我漸漸發現每日9-10點我都控制唔到個身體，之後喺腦海聽到mona把聲先明白原來mona嘅一部分入左我嘅身體，但係呢一少少嘅部分足以令到佢冇辦法話動，變成植物人，而研究所果幾條茂李到而家都下落不明。」我聽完即刻問：「點解要隱瞞呢件事？」拿，係咪中point先？我點都估唔到呢一切就係開端，佢攞左部手機出黎，之後播左條片。喺條片入面，我見到一樣好恐怖嘅野：我同如心嘈交分手果日變左結婚嘅吉日。「呢個係咩一回事？點解會咁？你係邊個？」一見到呢個畫面，我個精神狀態已經進入崩潰嘅地步。「你冷靜d先啦，我而家會同你坦白一切。」mono想我冷靜咁聽佢講。「我冷靜左啦你講啦點解會咁㗎」我呢句野係完全冇任何停頓位，可見得我有幾「冷靜」。mono見到我咁樣，佢又嘴左我一啖，我呆左一呆，然後真係冷靜左。「我就係唔想你咁樣⋯⋯點？好左d未？唔夠皮仲可以加碼㗎喎。」佢又再一次玩弄我，不過因為佢，我先降到一下溫，冷靜左好多。「其實我並唔屬於呢個世界。」mono講左句咁q嚇人嘅說話出黎。「唔好挽啦，認真啦。」我以為佢又想挽我，點知係真嘅。「X月X日，你同許如心喺一個外國神社喺一個許願池前面嘈大交分手。」「點解你會知道呢d野？」唔通佢一直偷望我跟蹤我？我心諗。「果一日係我第一日入黎呢個世界—二代目世界。你都有聽過啦，平行時空。」mono同我解釋，「平行時空又稱為平行宇宙，呢個係一個冇任何科學家證實到嘅理論，呢條理論想講嘅係呢個世界上可能存在好多唔同嘅宇宙，而呢d宇宙同我地所生活嘅宇宙大多數都差唔多，特別嘅係同一個時間可能經歷嘅野一樣，不過選擇完全唔同，所以引發出無限嘅可能性，令宇宙無限擴張。舉個例子：你食飯嘅時候有AB兩個餐可以簡，你可以簡『A餐』、『B餐』同埋『唔食』呢3個可能性，而A餐有『有毒』同『冇毒』呢兩個可能性，而呢兩個選項都有兩個『食』同『唔食』嘅可能性，所以有無限嘅選擇比你簡，平行時空呢個理論就係想講就算係一件小事都有可能存在於唔同嘅宇宙，而呢d宇宙所做出嘅決定係唔相同，所以帶出左唔同嘅結果，而呢d選擇，就係另外一個宇宙。」mono解釋得好清楚，比網上嘅資料仲更加詳細。頂！好撚亂丫！我心裏暗暗地爆粗。「哦⋯⋯我有個問題，咁你點黎我呢個宇宙？」「呢個問題又有排講，唉。」mono嘆左一下氣。「我仲有一個問題，咁呢個宇宙嘅你去左邊？」我再「幫」佢增加難度。「你真係想聽？」「嗯。」「咁你同我去一個地方先啦。」「下？又轉？是但啦。」我嘅直覺同我講：之後嘅事會越黎越複雜。
7.mono帶左我上佢屋企。「打擾了。」入黎巡例都要講句禮貌嘅說話。mono拉晒窗簾，搞到成間屋超暗。「之後落黎嘅野可能會好複雜，你準備好未？」「嗯。」mono喺雪櫃攞左兩支可樂出黎，嘆左口氣，之後就講：「一切都係以一個遊戲作為開端，一個絕對嘅遊戲，就係我黎呢個宇宙嘅原因。你⋯⋯相唔相信我？」「下？做咩咁問？不過我答左你先，雖然我識左你1日，但係唔知點解，我十分相信你。」個劇本當然係寫我相信佢啦，唔係嘅話仲撚有野睇咩？「多謝你對我嘅信任。」mono捉住左我隻手。「我變成雙重人格嘅半年後，我收到個wts，佢寫住：『恭喜你！你獲得左時空遊戲嘅資格。從而家開始你可以穿梭於平行宇宙之間，而你將會獲得一個能力，呢個能力會顯示喺你手上果隻錶到。』我一睇，手上唔之點解多左一隻粉藍色嘅錶，上寫住：『mono：瞬間移動、mona：隱形，次數：10，10。』錶嘅側面仲有粒掣，粒掣嘅作用係開啟平行宇宙嘅門。之後我收到個令我震撼嘅wts：『你唔係想幫你個妹㗎咩？只要你回到放貓果陣時嘅時間，阻止你個妹，咁未唔會發生d咁嘅事囉。不過，你而嘅等級係lv.1，最多只可以回到一個鐘頭前嘅世界。升級方法：做任務。做任務可以獲得經驗同技能次數。』之後佢比左一大堆嘅任務我，我亦好順利咁升到lv.25，可以回到1個月之前，於是就遇上左你同如心分手果日。之後果日，我收到個wts：『你嘅新任務：尋找1個同伴。溫馨小提示：玩家並不只一個，小心被殺掉哦。』我諗到你啱啱失戀呢一點，於是就想睇下你同我啱唔啱key。呢個遊戲嘅最終目的係要打敗所有玩家，成為王，之後就可以操控時間，所以我想有個適合嘅同伴可以同我堅持到最後，雖然最後你會變做我嘅敵人，但係我都想問番句你願唔願意做我嘅同伴。」「聽落好似好有趣，好啦，我做你嘅同伴啦。」我揸實個拳頭好中二咁答。突然手機響起：「恭喜你！你獲得左時空遊戲嘅資格。從而家開始你可以穿梭於平行宇宙之間，而你將會獲得一個能力，呢個能力會顯示喺你手上果隻錶到。」
8.我睇完個ms之後見到隻手出現左一隻黑色嘅錶：「楊命：時間掌控，次數：10」呢個就係我嘅能力？突然收到個ms：「你嘅任務：解放自己，從咀咒中。溫馨小提示：你嘅等級同你嘅伙伴係共享㗎，而任務都係共享嘅野。」我嘅咀咒？咩意思？「mono，你明唔明？」我想問下佢嘅意見。「唔明，我都唔明。要點做好呀？」佢問番我轉頭囉屌。「嗯⋯⋯可能係我呢世都黑仔嘅咀咒。」我突然諗到呢一點。「有機會係，我地就當係先啦，咁點解咀咒先？」mono問左個好問題。之後我地諗左超耐，結論係—「都夜啦，不如今晚喺到住一晚啦？」冇錯，我地諗到夜晚。我心諗：而家係tbb定動漫嘅劇情？「好呀，反正我地係partner，遲早都要習慣下嘅。」之後mono又問我：「咁我地食咩？」「你屋企有冇野可以煮？」「有公仔麵囉。」「你等我一陣，我去煮。」之後我就入左去廚房到煮，煮完之後發現⋯⋯得1對筷子同1隻匙羹，咁都啱嘅⋯⋯佢一個人住，冇理由有幾set餐具嘅。我攞住兩碗麵出廳，擺左喺mono前面。「係喎，我得1set餐具咋喎，咁你點食？」佢問我，我答：「我試過用匙羹食麵，所以冇問題嘅。」食完之後佢攞左d碗入廚房，之後同我講：「你要唔要沖涼？d水得㗎啦。」「咁⋯⋯好啦，我沖先啦。」呢一刻，我feel到有種夫妻嘅感覺出左黎。一入到沖涼房，嘩頂，好整齊，仲要有浴缸，大到好似日本果d沖涼房咁，咩境環？浴缸裏面有熱水，應該係mono喺我煮麵果陣搞㗎，於是我決定先洗一洗身再浸。一攞起舊番簡，就見到mono開門入黎，咩料丫！！！！！！！！！！佢用毛巾包住左個身入黎同我講：「我幫你擦背丫。」嚇到我跌左手上面舊番簡。「唔通你仲想⋯⋯」mono望住我講呢句，之後行過黎彎腰執起舊番簡，見到呢幕，我塊面紅到一個點。佢一執起舊番簡，又甩手跌番，之後佢行多兩步果陣，一野比地下攤水搞到跌，我即刻用手扶住佢，不過我都中招，一齊跌低左。各種掂到丫！！佢成個人瞓低左喺我身上，之後我就暈左。「你見點呀？」mono問我。「我見你啱啱沖左咁耐都未出黎，於是入去睇下，見到你暈左喺個浴缸到，真係嚇死我。」哦⋯⋯原來發夢啫，挑，仲以為可以⋯⋯咳咳，冇野。「我冇事啦，要你擔心真係唔好意思。」禮貌型玩家緊係要咁答啦。咪住，件衫⋯⋯點解變左睡衣？唔通係真嘅？個夢係真嘅？「點解⋯⋯我着住左呢件睡衣嘅？」
9.「哦⋯⋯件睡衣係我今日買嘅，我打算聽日攞比阿哥嘅。」mono同我解釋。「你仲有個阿哥？！」我驚訝咁問左一句。「嗯，佢叫莫朗，monon，30歲，佢已經成家立室左，而家佢同佢老婆仔女一齊住喺英國。」「所以你打算聽日去英國？」「唔係，佢喺兩日前番左黎香港睇我阿媽。」「係喎，點解你唔多提起你父母嘅？」我講完呢句之後喺到諗我有冇講錯野。「我老豆喺我出世嘅3年後死左⋯⋯果陣我啱啱學識行，喺街上行果陣行左出馬路，之後佢見到有㗎車要撞到我果陣佢奮不顧身咁沖出去救我，結果⋯⋯」mono開始抽泣，我都開始喺心入面屌鳩自己：你係咪on9㗎楊命？佢一直冇提未啫係唔想回憶囉，你仲要問，問你母親呀，仲唔諗辦法安慰人地？「sorry⋯⋯我唔應該問呢個問題⋯⋯對唔住⋯⋯」我帶有一點內疚感咁say sorry。佢搖左一下頭，「唔關你事，係我細個果陣嘅問題，我媽（抽泣聲）佢因為呢件事而覺得我殺左阿爸，佢到而家都唔肯原諒我⋯⋯」我比左張紙巾佢。「哭出黎啦，會舒服d㗎，我比個膊頭你啦。」之後佢伏左喺我膊頭到大喊，我摸左下佢個頭同佢講：「你好努力㗎啦，挨到做左老闆，之後唔好勉強啦，等我呢個partner幫你啦。」「多⋯⋯多謝你呀⋯⋯」我比佢喺到喊左陣，之後扶左佢入房瞓覺。由於得一間睡房，我只能夠瞓地下或者廳，陰公。我幫佢熄燈果秒，佢同我講：「命，你可唔可以再陪我傾多一陣？」「你唔攰咩？」佢搖頭，「咁好啦，我陪多你一陣，直到你瞓左先出廳瞓。」「咁你同我講下你自己啦，全程都係我講，我完全唔知你嘅事。」「好。先由父母開始講起。我媽同我爸都係黑社會嘅人，有一日佢地生左我出黎，之後因為覺得太煩所以就送左我去孤兒院，而佢地都比人斬死左。我細個果陣好內向，完全唔同其他人挽，而我嘅背景同埋阿爸遺傳比我嘅眼神令其他人怕左我，就連院長都唔例外。有一日，一個細我1年嘅女仔行左過黎我身邊。『你做咩唔去同佢地挽？』個女仔出聲問我。『你睇唔到咩？佢地個個都好似好驚我咁。』『咁我同你挽啦。我叫許如心，多多指教。』無錯，佢就係識左我咁多年嘅如心。佢係第一個唔懼怕我嘅人，亦都係識我識得最耐果個人。佢由果日開始日日搵我挽，改變左我內向嘅性格。突然有一日，有人願意收養如心，我地被迫分開。」我講到呢到見到mono已經瞓左。「mono？」我循例咁叫左一聲佢。「真係丫，成個細路咁，仲流口水。」仔細一睇其實佢都幾可愛丫，我忍唔住摸左一下佢塊面。「多謝你⋯⋯命⋯⋯」佢發開口夢都要多謝我。「我呢邊先要多謝你呀，幫我治療左我個心，多謝你，mono。早?啦。」我冇出到廳，可能係因為擔心佢啦，我坐左喺床邊瞓覺。究竟呢種咁甜美嘅生活可以去到幾時呢？
10. 2015年嘅11月20號早上8點，我喺mono嘅房果到醒左。一打開眼，我屌，點解我會同佢瞓埋同一張床㗎？！？！？！我唔係瞓左喺地下㗎咩？！？！mono仲未醒，應該走得到嘅。突然佢一野攬住左我，佢好細聲講：「mona你高左⋯⋯仲高喎家姐呀⋯⋯」哦，發夢啫，嚇死我。不過佢攬得咁實，點走丫⋯⋯我試下慢慢咁移個身左黎，不過佢叫左聲「mona唔好走呀」，之後就攬得更實，睇落我係走唔到㗎啦，咁不如學下享受算（誤）。半粒鐘後，mono終於醒左。「（呵欠）早晨呀，命。」我苦笑：「早晨呀。」「你琴晚夢遊呀，遊完之後你就瞓左喺張床到。」「哦⋯⋯原來係咁⋯⋯咁你肯比我走未？」「sorry呀唔記得左，以為你係mona。」佢放左手，之後同我講：「我去攞牙刷比你。」然後我同佢就起身出左房。
0840，我地梳洗完之後去左食早餐，唉，又啃老麥，攞命。「mona話佢想調查關於你嘅咀咒，平行時空遲d再講喎。」「你地可以喺個腦到溝通？」又一句廢話從我嘅口中出黎。「嗯。」「食完未？就夠鐘啦，我唔想第一日番工就遲到。」「唔洗驚啦，你佬細我仲喺到食緊早餐，你係我助手，唯一大粒過你嘅人就係我，所以遲到都冇所謂。」「又係喎可，哈哈。」我完全唔記得左佢係我boss，因為佢嘅氣場左boss果種感覺。食完野之後，佢就變左mona，我地完全靜左，一句聲都冇出過。「我可唔可以叫你阿哥？」mona帶有一點害羞嘅感覺打破沈默。「可以呀。你係咪好怕生？」佢點頭。「唔緊要啦，我地慢慢黎。係呢，關於咀咒嘅事有冇進展？」「冇資料好難搞，你有冇得罪過人？」「我都唔知，我估應該冇。」「咁我可以推測為其他宇宙嘅玩家比你嘅咀咒。」我嘅感覺同我講：係一個我識嘅人咀咒我，而且仲係個好重要嘅人。「假設佢嘅任務係要咁做先完成到，咁果個人可能對過去（一代目世界）嘅你有一定嘅仇恨，因為任務大多數都係建基於果個人嘅須要同願望。」「咁好簡單啦，去一代目世界睇下未知囉。」「都啱，可以去確認下。」「講真你個腦真係好使過mono個腦。」「多謝阿哥。」mona睇黎對我變得冇咁怕羞。「mono話你一陣間會好大劑。」「下？唔係下話？！」之後我地終於番到公司。搞呢樣搞果樣搞搞下就10點，mono終於出番黎。「我地幾時出發？」mono問我。「嗯⋯⋯做完d野先啦。」「好呀。」我地高速清晒所有工作，之後終於打開左通往一代目世界嘅門。


11.通往一代目世界嘅大門出現左喺我地嘅眼前。「咪住，一代目嘅我地會喺邊？」我問左個佢一直都冇答我嘅問題，「會保持而家嘅生活。」mono終於答我啦。「下？！咁我地點？」「唯有將自己個身分隱藏，直到搵到方法使開佢。我將呢個世界嘅自己送左去個未被開發嘅宇宙，所以先可以keep到而家咁。」「咁我地要點？偽裝？」「嗯。」之後我地一人一件黑衫笠住，再戴個口罩，行入個門到。一入到去見我到我同如心喺一條馬路到講88，又令我諗番起以前d野，屌，諗起都骨痹。個腦開始唔受我控制，浮現左好多同如心一齊畫面。「『如心！！』如心跌左落個海到，發緊燒嘅我奮不顧身咁跳左入個海到，將佢拉左番黎。『你病緊㗎傻佬！唔好攞自己條病黎挽呀！你知唔知你發燒火到好高溫，隨時會暈㗎！』如心喊住同我講。『我唔救你邊個救你呀⋯⋯傻婆。』我用盡氣力去講出呢句野，之後如心控左個頭埋黎，帶住眼淚同我熱吻。」夠啦⋯⋯「我醒番果陣見到唔識煮野嘅如心試緊煮粥比我食。」夠啦⋯⋯「如心喂完我食粥之後過分疲勞瞓左喺我身上，之後我同佢一齊繼續瞓。『最愛你，如心。』」「夠啦！！！！呢一切都係過去！！一切都係我嘅幻覺！！根本呢段感情冇真實過！！佢冇鐘意過我⋯⋯佢冇⋯⋯佢冇呀！！」我唔小心咁講晒出黎。「點解⋯⋯點解要比我記番呢d回憶⋯⋯點解⋯⋯點解唔可以比我忘記佢⋯⋯點解呀！！！！」我崩潰左，喺mono面前徹徹底底咁崩潰左。「你唔好再逃避啦，你根本冇打算忘記佢，同我一齊果陣你有時會露出絕望嘅表情，我知道，我知道㗎，你嘅悲傷，我都知道㗎。」mono想安慰我同幫我，不過⋯⋯「你唔知道，你乜春都唔知呀！！你識左我3日咋⋯⋯你有冇試過比你覺得可以貢獻性命嘅人玩弄感情？你知道d咩呀？我嘅痛苦，你知道d咩呀？！！」我好過份咁鬧左下佢，「我知道！！我有觀察你！無論過去、現在定未來，我都會繼續觀察你！！你嘅傷口，就等我黎填平啦。」「你鐘意點就點，我走啦！」「我會帶好消息番黎㗎，等我。」我轉身走左番去二代目世界，丟低左mono喺一代目世界。
二代目世界：我番左屋企，瞓左喺床果到諗：「我點做好⋯⋯講左d咁過份嘅說話⋯⋯應該被討厭左㗎啦⋯⋯」『無論過去、現在定未來，我都會繼續觀察你⋯⋯』等等，過去？mono究竟係咩人？？電話突然響起左。
一代目世界：mono去左搵如心，但係佢唔知道後面有人跟住佢。黑衣人攞左塊布，沖左上去整暈左mono，之後用mono部電話打左比命。「hi，命。」黑衣人使用了「變聲器」。「你係邊個？mono呢？」楊命使用了「質問」。「想知佢喺邊？入番去個門到先啦。」mono你一定唔可以有事呀，一定呀！
12.我再次入番去門入面。喺入面，我見到有個黑衣人。「mono呢？」我怒吼左一聲。「你想知佢喺邊？」「廢話，唔係我番黎做乜春？你好講啦喎，唔講嘅話⋯⋯」「唔講點撚樣話？？」我突然覺得把聲好熟。「我就比你試下我嘅厲害。」我使用了技能「虛張聲勢」。「好好好，冷靜d，mono佢喺果間屋入面。」佢指住左隔離果間屋，「不過，條鑰匙喺我到，你打贏左我我未比你囉，咁你想點？打定唔打？」頂，條友係咪on9㗎？定抑或是佢係挽開sm？叫我同佢挑機？？唔係真事下話？？又冇手掣又冇角色簡，連技能表都冇，打條毛？
「我入左黎呢個世界唔打贏你都冇得出番去㗎啦，你都膠嘅，我有得唔打咩？講啦，規矩、打法果d你快撚d講，唔好阻住我。」我覺得佢同我好相似，我唔識點講個感受，總之就係好撚似啦。「規矩就係⋯⋯冇規矩，打法就係打死對方。」WTF？！佢係咪痴線㗎？打死？！又咩境環？！不過我都走唔甩㗎啦，打左先算。「就係咁咋下？開波啦，仲等。」「呀⋯⋯係喎⋯⋯你嘅能力都用得㗎喎，果隻錶。」佢又係其中一個玩家呀？咁好大鑊啫⋯⋯我新手黎㗎喎⋯⋯打毛毛？突然我收到個wts，「任務追加：玩家擊敗，打敗你眼前嘅玩家。獎勵：咀咒記憶嘅碎片。」碎片？！好似幾有用喎，有趣，就試下啦。黑衣人跑過黎想用一個北斗神拳打落我個氣門位，好彩我反應快，用隻左手擋左，好痛呀屌你。「你真係有呢個餘力去㩒手機？」同某d動漫或者電影一樣意思，叫我打緊咪撚分心。「乜你咁想死咩？」我把口好寸咁問佢，接下來，the battle will begin，唔好問我點解轉左英文，因為感覺型d，因為感覺型d，因為感覺型d，重點講三次。
Round1.我沖上去一個突如其來嘅左勾拳，比佢擋左。
Round2.佢一腳踢落我條腰到，比我一個回旋踢擋左兼反擊，黑衣人hp-76。
Round3-10.佢用左自己嘅技能，令我跟唔上佢嘅速度，我hp-496。
Round11.我知到左我個技能係可以控制一切野嘅時間，反打左一下，黑衣人hp-302，防具「黑帽」耐久度歸0。
我真係估你唔到，個黑衣人竟然係我識嘅人，佢係未來嘅我、三代目世界嘅我丫！！！


「你⋯⋯係我？」「嗯，我係你呀。」「唔怪得知個說話方式咁似啦，原來你係我。」觀眾：屌你講乜勁？咩你係我我係你？好撚亂丫屌！「既然係咁我就唔洗再隱藏實力啦，受死啦契弟。」金翅仆街鳥???！佢等級一定高過我，我仲唔挽撚猿???？果然，我係唔L夠佢抽，比佢屈機左幾廿個round，再咁落去唔得，hp就歸0，點算？？唔通真係要死喺到？「我，你嘅遊戲就到呢到結束。Game over！⋯⋯」突然一道聖光喺我身上出現。
13.「你有冇信心逆轉命運？」一把謎之聲同我講。「下？乜春春？」「有定冇？」「屌你我都唔明你講乜9。」「有定冇呀？」「我有名你叫你問我有冇信心，想點？」「頂你我唔L理你啦，劇情需要，個能力就比左你先。」我再次回到現實，發現佢成個人停住左，唔係，係太慢感覺好似停左。「呢個係⋯⋯」我隻錶發緊光。上面出現左多1行嘅字：「控制，次數：10。」我係咪睇緊夏洛X？又瞬移又隱形又控制，仲唔係夏X特？？p.s.冇幫X洛特打廣告㗎。我控制左佢一野撞落塊牆到，之後，佢暈左，之後我將佢隻錶破壞左。觀眾：好雞丫，個battle廢到你⋯⋯我又收到個wts：「mission complete！」我攞起左條鎖匙，打開左果間屋嘅門。「mono！你點呀？」我大叫左下。「命⋯⋯sorry呀⋯⋯冇填平到你個傷口，反而仲帶左d麻煩比你，真係好對唔住。」mono好似又想喊咁，紅晒眼。「我都要講聲sorry先，我啱啱太過激動，講得過份左，sorry。點都好，你冇事⋯⋯」同未來嘅自己打消耗得太多體力啦，我撐唔住瞓低左。「命？命！你點丫？？」mono呼叫住我，但係我完全冇反應，因為我瞓着左。「我再一次比你救左啦，命。果然你就係你，無論點都好，都會保護我，以前係咁而家又係咁，真係好感謝你。」mono攬住我講。
「某個山崖嘅上面，如心同我喺到等緊日出。『你等等，我內急要小解。』我好成功咁破壞左個氣氛。『好，快d。』如心同我講。我一走左，就有個女人行左過去如心果到，同佢嘈左一下。我去完番黎果陣見到個女人推左如心落崖，之後跑走左。『如心！！！！』『一切已經太遲啦⋯⋯命⋯⋯一切都係你嘅錯⋯⋯點解要咁遲番⋯⋯我要咀咒你，永遠都唔會有好日子過！』我挑，又關我事，真係姓賴㗎喎。我轉身捉住左個女人，個女人突然一野攬住左我，『我地終於可以一齊啦，命。』果個人係⋯⋯mono？！」我突然醒左。「命，早晨。」mono又再一次攬左我瞓。「你你你你又又攬住左我我我瞓？？？？」我唔知做乜q口窒窒，「嗯，因為你好好攬呀嘛。」我又諗番起果個夢，唔係，係碎片嘅事。「mono，你鐘唔鐘意我？」我捉住左佢個膊頭，好認真咁近距離望住左佢。「你你你你你你喺到講講乜野呀？」佢第一次出現咁嘅反應，佢成塊面都紅晒，開始逃避我嘅視線。「我⋯⋯我⋯⋯」佢呑呑吐吐咁講野，「我⋯⋯鐘鐘鐘⋯⋯」「挽下你咋，成日挽我，仲唔到我還拖？」我扮蟹咁同佢講左呢句。「命你個百癡！！！」佢捏左我一下，痛到hihi。「mono，你究竟喺邊個世界黎㗎？」「我？喺四代目黎㗎囉。」「咁你有冇去過三代目？」「有呀，做咩咁問？」「冇，問下啫。」我開始覺得不安，我嘅90度同我講，mono好危險。「命⋯⋯其實⋯⋯」佢又黎啦，「其實我⋯⋯我⋯⋯我⋯⋯我一直都⋯⋯好鐘意⋯⋯好鐘意⋯⋯好鐘意你，同我一齊啦。」呢個突如其來嘅表白令我措手不及，我呆左勁耐。「果然係⋯⋯唔得呀⋯⋯就當我⋯⋯」「我呀，都好似鐘意左你呀，我地可以試下一齊。」我同佢雖然唔係識左好耐，不過，我對佢係認真㗎，我好似真係愛上左佢，比愛如心更強烈。「真係㗎？！」mono攬住左我。「假㗎。」雖然我咁講，但係我緊緊咁抱住左佢。「假嘅都走唔甩㗎啦，做我老婆啦。」「mono老公豬，我就?唔到氣啦，放手先啦不如。」佢控左個頭埋黎嘴我，熱吻左十幾秒。「?到氣未？」mono問我，「唔夠喎。」「咁再黎多次啦。」我地打算再整多劑，點知⋯⋯屌你電話響！！
14.「未呀⋯⋯哦⋯⋯哦⋯⋯好⋯⋯你等等⋯⋯」mono無端端問我去唔去佢屋企食飯，「唔係下話？咁快就見家長？？」「咁你想唔想去呀？」「好呀。」佢又繼續講電話：「我有個朋友要上黎一齊食飯呀⋯⋯係呀⋯⋯我一陣再介紹比你聽啦，好啦，88。」終於收左線啦，阻yo住晒我地做正經野。「我地都係時候走啦，行啦。」mono同我講。「我地之後點？」我真係問題青年，我d問題係無盡㗎。「我地之後未去食飯囉。」「唔係呀，我講緊我地野未來呀。」你地睇唔睇到，我就係一個會諗好遠嘅人。「哦⋯⋯唔知㗎，總之照住而家咁先啦。」但係其實我個腦喺到諗緊個碎片。究竟果個如心係點？件事又係點？？頂，乜q都唔知，諗條鐵呀。
晚上7點50分，我同mono到左佢老豆老母嘅屋企。「hi uncle，hi aun⋯⋯」我諗左一諗，「hello auntie。」佢地都hi左我一下，之後又審犯，「係呢，你係mono嘅男朋友下話？」「係呀伯母，我叫楊命，你可以叫我命或者joe。」「咁你未係遭殃？」佢老豆喺到搞gag，我苦笑。「你唔好攞人地個名黎講笑啦。命，你唔好放喺心到，佢成日都係咁㗎。」佢老母話。「唔緊要啦，都幾好笑呀。」我苦笑。「係呢，你住邊到㗎？」之後又係一堆問題。「媽呀，點解你又係咁㗎，同alan一模一樣。」mono又幫手解圍，同alan果時一樣。「alan？你地有見過咩？佢前日先同我地見過面。」「下？你地有見過面？！」mono超級驚訝咁講。「就係因為我地見過佢，佢同我地講你有男朋友，所以我先會問你果個朋友係咪男朋友。」「哦⋯⋯原來果陣同你傾緊電話果個係伯母。」食完飯之後，佢老母又黎d典型野。「呀女，不如今晚喺到瞓啦。」「唔啦，聽日要番工呀。」「咁呀⋯⋯命，你送佢番去喎，我地好開明㗎，記得去一轉seven先呀。」佢老豆真係好nice，感覺同佢老母完全唔同。「老豆呀，你又黎啦，又攞我地黎講笑啦，我地只⋯⋯」「係嘅係嘅，我會好好咁送佢番去，至於seven⋯⋯唔洗啦，佢屋企有。」我又跟埋一齊講笑。「命呀，點解連你都係咁，我要嬲㗎啦。」mono扁左下嘴，好治癒呀～～～～「都夜啦，咁我地走先啦。」mono開口道別。「後生仔，加油啦。」「好呀，我一定⋯⋯」「咳咳⋯⋯」mono唔比我繼續講，直接拉走左我。「吶，命，我而家係咪發緊夢？」mono無端端咁問。「唔係呀，係真㗎。」「我唔信，你有冇辦法證實係真㗎？」我突然諗到，「你有冇唇膏？」佢攞左支唇膏比我。我搽左一搽唇膏，又一個kiss，kiss落佢塊面到。「你聽朝起身照鏡見到隻咖哩雞就知道係真㗎啦。」「嗯，我都⋯⋯」佢都做番一樣嘅事。「88啦，傻佬～～」mono笑住咁同我講。「88啦傻婆。」之後，mono就上左樓，我都番左歸。觀眾：條，冇得%%%，失望。謎之聲：唔洗望啦，冇糖㗎，唔會加甜㗎。番到歸之後我就沖涼睡覺，又再次⋯⋯
「背景播緊結婚進行曲嘅音樂，我亦都着住左一套白色禮服。『接下來我地有請新娘出黎。』一個着住白色長裙嘅女人出左黎。如心？！」
15.「『楊命，你是否願意娶許如心為妻子，成為佢嘅合法丈夫？』有個光頭牧師喺到講例牌野。『我⋯⋯』『命！』我屌，又打斷我講野，個個都係咁，每次我一講野就打斷我，屌你老母。『mono？！』突然如心瞓跌左，佢用一把虛弱嘅聲音同我講：『命，救我⋯⋯』mono又同我講：『命，我地走啦，一齊遠走高飛啦。』頂，究竟發生咩事？？」
凌晨四點，我喺自己屋企醒左。啱啱果個係夢？定係碎片嘅pt2？完全搞唔明呀⋯⋯我見點都好似睡唔番，於是換衫出左去跑步。我沿住海邊跑步，跑左兩粒鐘，成個人醒晒。6點正，我去左沖涼，令自己更加清醒，因為我知道我需要諗下碎片嘅pt1同啱啱個夢。而家呢個感覺好怪，我feel到有一d好重要嘅野，但係一直都記唔起，好似比人set左個鎖咁。一沖完出黎就見到個wts，係mono sd比我㗎。「起左身未呀傻佬？」「起左好耐啦傻婆。」「咁早？7點未到就醒？」「我掛住你呀嘛。」根據我多年黎嘅經驗話比我知女人喺呢d時候一定好開心。「你用蜜糖刷牙呀？把口咁甜嘅？」「咁你鐘唔鐘意呀？」「你講咩我都鐘意。」「你都好甜下喎。」「係喎，你餓唔餓？」「啱啱做完運動梗係餓啦。」謎之聲：屌你凌晨1點46分打文好撚餓。「咁你15分鐘後黎我屋企啦，我比d野你食。」mono又約我食野，又係食野，係咪冇晒idea先咁作？都on88嘅。「好啦，我閉目養神15分鐘先。」謎之聲：我都想閉目養神10粒鐘，好眼瞓。
15分鐘後，我去左mono屋企。「命～～我比d野你食丫～～」mono打開門同我講野。「咪住⋯⋯你呢身打扮⋯⋯」mono真係超級開放，佢好似淨係着左條圍裙，冇着其他衫，唔通呢d就係傳說中嘅裸圍？！「哦⋯⋯係呀，我聽講大多數男人都鐘意自己嘅女人咁着，你覺得點？」「我覺得⋯⋯我已經一飽眼福。」「你個咸濕仔。」「明明就係你色誘我。係呢，我地食咩呀？好肚餓呀～」「食我囉。好啦唔挽啦，你睇下。」佢指住左枱面果碟英式早餐。謎之聲：頂，我好肚餓呀，點解要寫食早餐（淚）⋯⋯「嗯？仲有蛋包飯？」我更在意個蛋包飯，因為我食得太多英式早餐啦。「係呀，你試下呀。」個賣相睇落好似好好咁，一食入口，屌，甜到hihi。「覺得點呀？」「嗯⋯⋯o⋯⋯ok啦⋯⋯」佢見到我個樣之後佢食左一啖，「我落得太多糖啦。」「你落左幾多糖？」「好似⋯⋯5-6羹左右啦。」唔能係呀？5、6羹？？睇黎我有必要教佢煮野食，如果唔係我就pk啦。「不如咁啦，我教你煮啦。」「真係㗎？！」佢控到超埋。「喂⋯⋯就睇到啦⋯⋯」我遮住半邊面提佢。「嗯？哦，你仲唔係咸濕仔？」佢用雙手遮住左自己嘅胸前，用個好似好尷尬但係其實一睇就知係扮嘅眼神望住我。「係呀，我係呀，你仲叫我上黎，你唔驚我叉叉左你咩？」「唔好講咁多啦，教我先啦。」之後我就起身行過去廚房，點知比d野整跌左，又一個典型劇情，推倒左mono。「太近啦。」佢面紅左。「唔好喺呢d位怕羞呀，我要⋯⋯」「要點呀？」「硬⋯⋯」我勁細聲咁講呢個字。「下？」「上堂啦，下d咩？」我企番起身先，再咁落去真係要硬了，我嘅意思係腰。之後煮左下飯仔，然後就去左番工。
p.s.寫到2點半好眼瞓瞓先


16.為左方便諗下個咀咒，我搬左去mono到住。我地每日嘅生活就係番工-放工-諗下咀咒-睡覺，日日如是，不過有時會休息一兩日嘅。做d咩？每次唔同㗎，你懂的。
「啪啪啪！」我落左樓下買野，上番去一開門就聽到啪啪聲，嚇q死我。「命，happy birthday。」係喎，我連自己嘅生日都唔L記得左，不過正常嘅，我4年先一次生日，唔記得係好正常嘅。你話我係咪黑到hihi？連生日都4年先有一次。我閂番門果陣先察覺到⋯⋯mono淨係用絲帶圍住左個身！我想問下呢到係咪二次元世界？？三次元係冇可能發生㗎喎⋯⋯「呢個就係我送比你嘅生日禮物，拆禮物啦。」「⋯⋯⋯」我係完全沈默左，我呆左喺到諗緊點做好。推到佢？咁好似快左少少喎，同埋佢可能係想挽下我啫⋯⋯同佢講「凍呀」或者「着番件衫先」？咁好冷淡，佢可能會以為我唔鐘意佢，唔得。乜都唔做？又好似好尷尬咁，點算呀屌你。「命？做咩唔拆禮物？咁我幫手拆㗎啦喎。」佢拉開左條絲帶，我即刻遮住左對眼，然後講：「我覺得太快啦，所以⋯⋯你着番見衫先啦⋯⋯」「下？咩呀？情侶頸鏈都太快啦咩？同埋我有着㗎喎。」我一望過去，我屌，原來佢有着住件紅色背心嘅，保護色睇唔到啫。「你⋯⋯你一定係有心挽我嘅。」「咁你生日呀嘛，冇驚喜點得㗎？講真我有少少失望，你居然冇反應。」佢帶住少少失望嘅眼神望住我。「我比你嚇左同挽左咁多次，已經習慣左⋯⋯唔show反應住。」「仲以為你習慣左我比驚喜添～」「食蛋糕啦。」「我喂你食啦。」之後我地互喂，食⋯⋯蛋糕呀，唔好諗歪啦hentai。食完之後我就坐底睇真d條頸鏈，一睇，上面用超級細嘅字刻住「mono&命」。handmade嘅？！what the⋯⋯再望一下mono，佢已經攰到瞌着左，我抱左佢番房，放低左佢落張床到。「多謝你呀，mono。」我第一次主動kiss佢。就係咁樣，度過左4年先得一次嘅生日。
呢種風和日麗風平浪靜風生水起之好似唔係咁關風生水起事嘅日子只係持續左一段日子，好快就收到任務。「協助任務2：七原罪，去咁多個唔同嘅世界到搵七種罪嘅房間，所有嘅房都有一樣特別嘅物品，收集到7個之後任務就完成㗎啦。溫馨小提示：到過去尋找7個房間。傲慢、嫉妒、憤怒、懶惰、貪婪、暴食同色慾。分別喺1、5、2、7、3、4、6個鐘之前嘅世界到。任務獎勵：碎片2。」點解要我地去搵七原罪嘅房？任務應該係由我同mono嘅需要而出現，冇可能會出現d九唔搭八嘅任務，好奇怪。「mono，你覺唔覺得好奇怪？」我問佢。「我我我都都都都覺呀，不如唔好做啦。」「mono？」佢口窒窒咁顯得佢係有d奇怪。「我地唔做仲點有頭緒？冇理由停步不前㗎嘛。」「咁又係嘅⋯⋯當我冇講過啦。」mono佢出緊汗。「你係咪唔舒服？」「我覺得我需要??，你比我休息一下就ok。」「唔好勉強呀，?啦。」「好溫柔呀，我好鐘意咁樣嘅命。」「瞓啦仲挽。」我驚佢瞓瞓下好唔舒服，於是我坐左喺床邊睇住佢。點解mono會咁？佢好少咁㗎喎，點解？唔通係七原罪嘅事？呢個任務係針對mono？諗下諗下，我又唔小心瞌着左。「『命⋯⋯對唔住⋯⋯』」又係夢？？「mono冇端端同我道歉。我一睇，發現背景係崖邊。『我做得太多錯事啦，我冇面再見你，永別啦，我愛你，命。』佢一野跳落無底深淵到。『mono！！』」
17.「『mono！！』我叫唔切佢。正當我跪左喺地下果陣，我見到仲有封信。上面寫住：『命，真係好對唔住，本來我只係想默默咁留意你，但係愛意實在太強大啦，我控制唔到自己，想用盡辦法佔有你，結果做出咁多嘅壞事⋯⋯sorry⋯⋯』壞事？咩壞事？？突然有道強光喺谷底射左上黎，唔通⋯⋯係升仙？！」我比拉窗簾嘅聲嘈醒左。「我係咪嘈醒左你？」我os：係呀屌你，我想知道後面發生咩事，你就阻撚住晒，我挑。「係呀，所以我要代替聖光懲罰你。」我行過去佢果到，然後⋯⋯「啊⋯⋯好舒服⋯⋯大⋯⋯大力d⋯⋯」mono喺到表達感受。「我冇力啦⋯⋯真係估唔到你咁勁抽。」我雙手從佢嘅膊頭到移開。咪諗歪呀，我幫佢按摩咋。「你咁廢㗎⋯⋯到我黎啦。」佢張對手放上我膊頭，用力幫我按摩。「一起身就要你幫我按摩好似有少少過份，停下先啦，你遲d再幫我按。」我覺得好自悲，因為我覺得好L痛，所以先叫佢停。「係喎，今日星期日，我地應該快快手手咁做左個任務先。」我想快d解決個咀咒，因為我驚再拖遲少少會連累到mono。「嗯⋯⋯哦⋯⋯」佢好似好唔願意咁，但係，果陣嘅我冇察覺到呢點，如果有嘅話就唔會發生d咁嘅事⋯⋯
我同mono去左感覺最容易搞掂嘅世界，懶惰嘅世界。一入到去，就比人困左喺間房入面，禁室培育？？手機有ms出現：「歡迎黎到懶惰嘅世界，呢個世界有3間房，只要pass左1間就可以攞到物品1，但係，fail左會有懲罰㗎，不過放心，唔會死㗎，rooms of acedia，game start！」我問左個問題：「咩叫acedia？」mono居然知道：「呢個係拉丁文，意思係怠惰。」我心諗：作者好貼心，居然冇叫d讀者去goxgle。我地去左第一間房，房門個牌寫住：「怯懦之房，目標：走到房間的盡頭。提示：勇往直前。」
唔能係呀？咁簡單？一定有「警棍」。anyway，入左去先。一入到去，頂，沉默之X直線版？一條勁L長嘅走廊出現左喺我地眼前。「行啦。」我做好心理準備之後同mono講。「嗯⋯⋯真係咁簡單？」「唔知㗎，行左先啦。」我地開始行。頭兩步都冇事嘅，之後就仆街啦。「命，地板！」我腳底嘅地板崩壞左，腳下出現左個無底洞，嚇到我停左喺到。「嗯？」我冇向下跌，浮左喺半空。手機又震左下：「room1 fail，準備接受懲罰啦！」下？點解fail左㗎？？我完全唔明究竟做乜春。「懲罰：痛楚雙倍，喺呢個世界所受到嘅痛楚喺正常嘅雙倍。提示：下次睇清楚個提示啦，好重要㗎。」「我都係唔明，fail嘅原因。」mono果然唔善長推理，佢果然係唔明。「我明，因為我停左步，冇跟住提示『勇往直前』。」「哦。」mono終於明啦。「下間啦。」我地去左第二間。「責任之房，目標：張雞蛋送去房嘅盡頭。提示：責任感很重要。」屌，廢話，「責任之房」呢個名都解釋左啦，洗你提？我無奈咁打開左房門。
18.入到第二間房，我地乜春都睇唔到，間房實在太暗。我喺褲袋到攞左部手機出黎，「大鑊（仆街），手機冇晒電，你果部有冇電？」「我都冇喎⋯⋯咁點算？」mono都望左下佢部機。我一直喺到搵有冇d啱洗嘅野，mono突然話：「等等，我地有錶㗎喎。」之後佢㩒左粒掣，成間房即刻光晒。條你早d講丫嘛，咁就搞左咁多時間。我地開始行第一步，即刻就中招。一支箭從遠處射過黎，一支穿雲箭，射爆左粒蛋同埋擦過左我隻手。唔能係呀？又比間房秒殺？！「呀！！！！」我苦叫左一下。「明明⋯⋯只係⋯⋯擦過一下⋯⋯點解⋯⋯咁痛⋯⋯」我痛到就黎?唔到氣，mono超級擔心咁望住我，然後我地最後決定休息一下。休息左一陣，「我地⋯⋯係咪又fail左？」我問。「但係冇ms喎，啫係未啦。」mono理性解答。「咁我地去搵d野裝住粒碎蛋啦。」之後我地喺間房到行左一行，第二單野黎啦。一堆螞蟻喺我地腳下爬黎爬去，有一隻咬左我一下。「屌！！！！！」我第一次喺mono面前爆粗。我會爆粗係因為個痛楚同踩到lego一樣咁痛，估唔到痛楚雙倍之後叫L痛。「你冇野呀嘛？」「未死得住。」「你望下！」mono指住左個蟻堆。有個碗喺堆蟻中間，擺明係叫我地去攞。「我去攞丫。」我突然諗到d野：我有技㗎嘛，驚條鐵咩？mono呆左咁望住我，「你唔覺得痛咩？」「痛呀，不過我有辦法。」「咁你小⋯⋯」我已經攞完啦，我將自己嘅「時間」較快左，快到連d蟻都反應唔到。「咩料？！點解你咁快手？」mono似乎冇見過我嘅能力，所以唔知道都係好正常嘅。「我嘅能力係控制所有野嘅時間。」我解釋比佢聽。「哦⋯⋯咁我地快d番去放雞蛋啦。」之後我地就好成功咁到左盡頭放低左粒蛋，即刻就收到ms：「congratulation！恭喜你完成左rooms of acedia嘅mission，你已經收集到七罪之物嘅第一樣物品—恐懼之刃。」突然有把刀仔出現左喺我嘅手上，mono一睇到，成個人喺到震。「mono？你好涷呀？」我以為佢只係單純地覺得涷所以先會震。「嗯。」我除左件外套比佢，佢好痴漢叫索左一下。「命嘅衫，好香。」「唔好聞啦，好變態。」「我地不如休息下先啦。」「ok嘅，休息15分鐘啦。」
15分鐘後，我地去左第二個世界—暴食嘅世界。「歡迎黎到暴食嘅世界，呢個世界要做嘅野好簡單，就係瞓。如果你可以喺3粒鐘之內醒番，暴食之瓶就係屬於你㗎啦，但係醒唔番就可能永遠沉睡㗎啦，所以，努力掙扎啦。dream of gula，game start！」我即刻又諗到個問題：「點解暴食係要瞓覺？」「因為暴食有沉迷嘅意思。」「哦，原來係咁，咁我大概知到個劇本係點啦，一定係⋯⋯」我比一陣香氣催眠左。頭兩粒鐘都係廢嘅，佢淨係用d物品黎利誘我，完全冇用。一到第三粒鐘，即刻唔同晒。佢拉左我番去之前再之前個夢到，要我簡mono定如心。「『命，救我呀。』如心呼叫我。『命，我地走啦。』mono又一齊吹我簡。『mono，對唔住，我唔可以跟你走，我放唔低佢。』之後個畫面就自動轉左做我同如心嘅美好生活。」
19.我完全唔記得關於任務嘅野，只係想keep住同如心嘅美好生活。我同如心坐左喺間木屋嘅出面，佢瞓左喺我膊頭上面，我地一齊望住左個夕陽。「如果咁嘅生活可以一直hold住咁就好啦，你話係咪？命？」我突然覺得好似有d好重要嘅野唔記得左，但係又冇乜印象。「命？做咩唔講野？」「吶，如心，我好似有d好重要嘅野未做，不過我完全諗唔起係咩。」「諗唔起咪算囉，唔好勉強自己。」之後我地沉默左一段時間，太陽落左山之後，如心問左一個問題。「命，你⋯⋯鐘唔鐘意我？」「傻嘅，你係我女朋友黎㗎嘛，我點可能唔鐘意你？我個心入面只要你一個⋯⋯一個⋯⋯一個？」我感覺到我唔記得左一個好重要嘅人，所以我冇講晒我想講嘅野。「有咩問題？」如心問我。「我好似諗到d野，我係唔記得左一個人。」「男定女㗎？」「我唔記得⋯⋯」「係喎，差唔多夠鐘食晚餐啦，我入去煮個公仔麵比你食丫。」「公仔麵⋯⋯」我feel到我對果樣嘅越黎越有印象。過左一陣，如心行左出黎。「得番一隻羹同一隻叉，你想用咩食？」「我試過用羹食，比羹我得㗎啦。羹？」我突然有少少頭痛。「係喎，d熱水得啦喎，你要唔要沖涼先？」「沖涼⋯⋯我⋯⋯果個人⋯⋯公仔麵⋯⋯羹⋯⋯」個頭越黎越痛，痛到我企唔穩，瞓低左喺地下。「命！你點呀？唔好嚇我呀，快d醒呀！」如心突然變左做另一個女人。「你係⋯⋯mono！」我嘅頭痛無端端停左，所有野我都記得番晒。「邊個係mono？」佢又變番如心。「如心，我諗我要走啦。」「你要去邊呀？」「你會支持我㗎可？」我迴避左佢嘅問題。「嗯，我會。」「多謝你，88」我即刻跑落山。「mono，對唔住呀！我居然唔記得左你！」我成個傻佬咁一路跑一路鳩叫。「我點可以⋯⋯唔記得你！我想見番你，果個可愛活潑又鐘意挽我嘅你，我愛你呀！」突然四週嘅畫面變黑左，之後我聽到mono叫我嘅聲同佢嘅喊聲。我一打開眼，就見到mono攬住我喺到喊。「mono？」「命⋯⋯你捨得醒啦咩？你瞓左5粒鐘啦！我好驚你一直都沉睡，一直都唔醒，我好驚呀！（大喊）」「傻婆，只要你喺到，我都唔會一睡不醒，唔好喊啦。」「你嚇死我啦衰人，我唔會原諒你㗎！（抽泣）」mono攬得勁實，我開始feel到有d痛。「咁你點先肯原諒我呀？」「咁樣啦⋯⋯」佢高速控個頭埋黎，一睇就知係想嘴嘴，我都好合作咁同佢深吻16秒。「再⋯⋯再黎多次。」mono帶有一點害羞嘅感覺要求我再黎一次。我二話不說直接再黎多次，呢次錫左廿秒，點都夠啦掛。「點？夠未？」「嗯，大概夠掛。」mono終於停左喊啦。觀眾：屌，又係kiss，你條仆街廿秒都唔斷氣？謎之聲：呢d位都唔kiss咁唔通啪啪啪咩？話左冇糖㗎啦。手機震左一下：「congratulation！恭喜你完成左dream of gula嘅mission，你已經收集到七罪之物嘅第二樣物品—夢之藥瓶。」mono又顯得有d唔對勁。「命，不如唔好繼續啦，第二個都咁啦，再落去我真係唔知點，我唔想見唔到你呀。」「你唔係想救番個妹咩？我仲頂得住，繼續啦。」「但係⋯⋯」mono好似諗唔到講乜啦。「放心啦，我唔會死，喺你死之前我都唔會死，為左你。」「真係？」「真㗎。」「咁我地?下再繼續啦。」「嗯。」我地番番去二代目世界，下氣再繼續。
20.?夠左之後，我地去左第三個世界—憤怒嘅世界。「歡迎黎到憤怒嘅世界，呢個世界嘅任務係選擇題，只要能夠簡完最後一關就完成任務㗎啦，choice of ira，game start！」前面有兩間房，一間寫住「憎恨」，另一間寫住「復仇」。「你點睇？復仇定憎恨？」我問mono。「嗯⋯⋯我覺得兩個都得，第一間房啦。」之後我地入左去「憎恨」嘅房。入到去，又有兩個選項。第一個係一張我同如心嘅相，而第二個就係我同mono嘅相。我心諗：屌你又要我簡女，兩個都簡唔落去呀頂你。「mono，如果你係我你會點簡？」「我會⋯⋯簡如心。」呢句野對於我黎講係一個test。我簡如心，佢就會覺得我認為如心比佢更重要，不過我簡佢，佢又話我唔信佢，點撚算？「好啦，我聽你講。」經過內心嘅掙扎後我決定聽住佢講先，等佢見到我放低如心。我明白左呢個遊戲嘅意義—令到mono憎恨我，然後再復仇，所以一開始點都一樣，「復仇」同「憎恨」一定係互相關聯。再到下一個選擇—「保留」同「捨棄」。我一睇就知道係「捨棄」，所以我即刻撕爛左張相。之後個指示叫我攞番起mono同我果張相，張相後面寫住：「『擁抱』/『熱吻』？請行動。」我同mono對望左一眼，我決定「擁抱」，因為慳時間同埋之前都嘴左好多次，點知⋯⋯佢簡「熱吻」。仆街，佢一定以為我唔係太愛佢，不過，好彩我醒目，先「擁抱」後「熱吻」，咁咪冇問題囉。下一個選擇又黎啦：「『結婚』/『分手』？」頂，又黎，兩個不可能嘅選擇選出一個，明顯係挽野啦。好，我就同你挽。「mono，我地簡分手啦，之後下一條問題再復合。」之後我地簡左分手。「最後一個問題：『你死』/『我亡』？請用筆圈出。」答左好L多題，終於黎到最後一題。「你死」？「我亡」？啫係mono死定我死嘅意思？如果係咁，我地大家一定想自己死，之後就會兩個都死，咁唔掂，必須要諗辦法令佢簡我。「mono～～」我打算令佢討厭我。「不如我地⋯⋯」（淫笑）我行過去放隻手喺佢膊頭，之後一直落、一直落，就黎落到xx嘅時候，佢望住我講：「你覺得你咁樣會令我討厭你咩？」「原來你一早就知。」「雖然我識左你唔係太耐，但係我肯定，你唔會係果d人。」佢突然攬住我，之後繼續講：「不能同年同月同日生，但願同年同月同日死。我已經好滿足啦，識到你，係我人生最幸福嘅事。」眼淚？我feel到有d水喺我塊面到滑左落黎。「我⋯⋯」我好想講自己嘅心底話，不過我出唔到聲，淨係企左喺到滴淚。「傻佬，喊咩喎，我地可以一齊死喎，唔係（抽泣）⋯⋯唔係個個都得㗎。」mono亦都好似開左水喉咁，眼淚暴走左出黎。「我地⋯⋯圈啦。」佢微笑住同我講。「嗯。我⋯⋯有d野想同你講，由我第一次見到你笑，我就覺得你嘅笑容係世上最美，好多謝你改變左我嘅一生，多謝你，我愛你。」我攞起左枝筆，準備圈嘅時候諗到d野。「等等，我諗到啦！！」
21.我個腦黎左個魯芬急轉彎，喺張紙到做左d手腳。「你記唔記得遊戲規則？唔係，我應該問，你記唔記得取勝方法？」我問mono。「我冇記錯嘅話應該係要回答最終嘅一題⋯⋯嗯？係喎，冇規則！啫係話⋯⋯」「冇錯，我地唔一定要簡佢提供比我地嘅ans，我地寫一個出黎再圈就得。」我都開始佩服自己嘅頭腦，我真係太聰明啦！我喺張紙到寫左「兩者並存」，然後再圈起佢。「congratulation！恭喜你完成左choice of ira嘅mission，你已經收集到七罪之物嘅第三樣物品—怒之相片。」睇黎我嘅推測係啱㗎。「我地得左啦！！命！」mono撲左過黎我身上。我冇做d咩，只係摟住左佢。「我⋯⋯一定會保護你，無論拼上性命，定抑或係比死更難受，我都會保護你，所以，安心啦。」「就係因為咁我先唔安心！唔好下下都為左我先好唔好呀！！冇左你我生存仲有d咩意義喎！」佢摟我摟得更緊。「sorry⋯⋯我又⋯⋯我又⋯⋯整喊左你⋯⋯」佢面上嘅眼淚終於忍唔住，滴左落我隻手到。「你個衰人（吸）！成⋯⋯（吸）成日整喊我，我唔會（吸）⋯⋯（吸）唔會原諒你！」佢嘅喊聲有d催淚，搞到我都唔小心咁流左一條眼淚出黎。「我⋯⋯」我比mono打斷左。「我唔聽呀！！你淨係識講保護我！你自己呢！我唔想再聽你講咩一定唔會比我死，我唔聽呀！」「我⋯⋯」「我唔聽我唔聽我唔聽⋯⋯我唔聽呀！！！！」佢㩒住左對耳。「你比我講三個字得唔得呀！我想講我愛你呀！」佢聽完之後放低左對手，強行迫出左一個笑容。「我都，我都好愛你呀！」之後嘅事大概就係一個傻婆同一個傻佬喺到鳩