狼人遊戲第五章:吹笛者 

眾人此時都感到無助,恐懼.到極點.阿誠抱著頭一個人坐在地上,粟子則痛哭在小君的懷裡…此時久不出聲的人也開始說話了,第一個是Winkie! 

Winkie:我地報警啦!等警察黎處理啦! 

火山:呢個唔一定係一個好辦法,你地覺得警察會唔會信電話可以射死人同燒死人啊拿?,我地個個都會被指係兇手… 

Winkie:咁點啊…?唔通個遊戲一直玩落去咩,我地咪仲有好多人要死? 





火山:可能有一個辦法…可以令到我地全部人都唔洗死… 

Winkie:有就快啲講啦! 

接著沉默的思浩也出了聲… 

思浩:係囉火山,快啲講啦,我地都唔想再玩落去…. 

火山:我研究左狼人遊戲咁耐…只有一個情況係會出現所有人都唔洗死而有人獲勝…就係令到一個職業” 吹笛者”獲得最後勝利,吹笛者只會迷惑人…唔會殺死任何一個人,我地只要令到吹笛者每個回合迷惑兩個人(因為最多只能兩個),當全部人被迷惑後, 吹笛者就會勝出.咁遊戲咪完結…我地咪唔洗死囉! 





‧吹笛者效果為每天晚上可迷惑兩個村民,而每晚被迷惑的人會互相確認。吹笛者將其他生還者全部迷惑就可以獲勝。 

思浩:係咪真架….係就快啲實行啦! 

火山:不過,係短信入邊都有講,狼人每一個晚上都會殺一個人,呢樣野係規定嘅,相信作為狼人嘅玩家都唔想違反規則,遭到處罰…所以唯一嘅辦法就係…大家一齊公開身份,等我地知道邊個人係乜野角色, 係我地當中會有一個人擔當守衛嘅角色,即係話,我地一齊決定狼人去殺一個人,而守衛每一晚就守住將會被殺果個人,每一個回合不停重覆,等到吹笛者迷惑晒所有人為止,咁我地咪可以所有人平安無事囉! 

‧守衛的效果為每「黑夜」可以守護一個人使該人免於被狼人攻擊(但仍可被女巫毒死)。可以守護自己,但不能連續守護同一個玩家

阿風:嘩!Hi!簡直完美啊Hi Hi!今次唔向左走向右走洗死喇!咁你比你諗向左走向右走到!唔知仲以為自己聽緊金田一分析梗添 !真係型到核爆啊! 





火山:好啦!大家一齊公開自己嘅身份啦! 守衛跟住果個回合就保護我啦 

此時沒有人作出任何回應,不過這也是正常現象,誰也不會知道下一秒會有什麼事情發生,哪會隨便公開自己身份!即使大家都公開了!誰又可擔保沒有人說謊! 

Winkie:喂!火山,你講就講得好聽,我點知你係咪狼人黎架,陣間你亂咁殺人點萛啊! 

巫婆:係囉!短信入邊講到勝出者可以實現一個願望!聽落咁吸引,我點知你會唔會為左呢樣野殺晒我地架! 

火山:好好好…既然係咁樣….我地保護另一個人啦…小君係我地咁多人中最細膽,就佢啦! 

小君:下….我…? 

排骨:君妹!今次你真係好彩啦…. 

排骨說擺想親近小君,無奈看見子俊在旁,打消了這念頭….因為所有人都知道子俊追了小君多年 





排骨---家景豐裕...是位富二代...為人好色...口花...聽聞家裡的AV多不勝數.電腦裡1TB Harddisk裡應有八成是色情片...當然...這只是阿風口中的傳聞... 

火山:好啦!就咁決定啦,守衛今晚守護小君,而狼人就指定目標為小君啦!而家都唔早喇…大家都有自己野做…今日恐怖嘅事好快會過去! 

Winkie這時很疑惑地問:咁佢地條屍點萛? 

排骨:”咁你留係度善後囉….” 

Winkie:唔制!橫掂呢度都無人黎嘅,唔理囉! 

眾人開始慢慢散去,事件真的就此完結嗎?還是有更恐怖的事等著我們?我不敢對火山的建議有過大的希望… 

雖說火山提出了一個完美的計劃,但真的會如此順利嗎?我的心情依然沉重無比,相信其他人也是一樣的心情.瀨屎,肥龍, Bosco的死一直在我腦中徘徊…





要想解開這個遊戲的真相,我想...必定要到一次大埔....我們旅行的宿舍...看看也有沒有一些線索... 

我和阿風二人一起坐車去了大埔的宿營地點...找到了那裡的負責人.. 

「唔該...我想問一問...呢度係咪有一位職員係有蜈蚣嘅紋身架..?」我說 

負責人「紋身?呢度好似無一位職員有紋身架啵....」] 

那....肥龍....當天晚上所說的紋身職員...是什麼一回事.... 

負責人「我記得啦....係有一個有蜈蚣紋身嘅人...」 

阿風「咁佢而家係邊度啊?我地有好向左走向右走重要嘅事搵佢啊!」 

負責人「但係...佢唔係我地嘅職員黎架啵....」 





我說「咁.....佢係.....?」 

負責人「係你地入營前一個星期...的確有一位蜈蚣紋身嘅人入黎搵我....佢俾左一筆錢我...話租呢度幾日....咁我見到咁多錢....緊係應承啦....」 

難道......這一切....都是有人精心安排.....? 

「我想問一問....呢度係咪有個地下室.....」我說 

負責人「係啊...不過俾人攪到亂晒.....」 

我說「亂....亂晒....?可唔可以帶我地去睇下...?」 

負責人「可以....你地跟我黎....」 





負責人帶我們到了當天的地下室.... 

「點解.....啲畫......啲畫.....唔見晒......」阿風 

負責人「畫?呢度不嬲都無畫架啵....」 

難道....那些畫....都是給人安排放上去...究竟有什麼目的呢..?營造氣氛..?還是有其他目的? 

這一切...一切....背後究竟有什麼陰謀?為什麼要選中我們? 

為什麼...這麼電影橋段的情節....會出現在我們身上.... 

我們調查了半天...什麼重要的線索也找不到.....便和阿風各自回到家裡

在家裡,我不停地上網搜集一些關於狼人遊戲和什麼咀咒的資訊,找資料當然要上高登,因為高登被譽為世界上數一數二的網站,瀏覽人數媲美雅虎. 

原來我的身份”白痴”效果是在被投票處決的情況下不會死亡,可以繼續遊戲,但失去投票權,但如果是其他情況下死亡,亦算死亡。 

這效果好像沒什麼特別,為什麼這麼不好運抽中了這角色,名字也難聽透了,不過沒所謂,如果火山的計劃成功,事情很快就會完結. 

忽然電話響了,原來是小柔打來,她說她想過來陪我,發生了這麼多恐怖事.作為一個女孩,當然想男友陪在身邊.

過了一會兒,小柔到了我家.一進門她就抱著我. 

小柔:我真係好驚…好驚會失去你… 

我回答到:唔洗怕…無論點…我都會係你身邊…. 

我們互相抱著對方很久,她說很累,想我陪她一起睡一睡,我答應她…她在床上慢慢地睡著了,小柔說她的身份是『村民』..而我也把自己的身份是『白痴』告訴了她.這個時候,我怎樣也沒法入睡…便起來繼續搜尋資料. 

一直到了晚上,看來也找不了什麼有用資訊.準備洗個澡吃點東西,忽然看見一個令我有點冒汗的題目…..”2002年8月15日,廣東省青縣市流河鎮出現了18具不明屍體” 

我按進去一看…. “流河鎮出現了18具不明屍體,警方到現在也搜不出真兇是誰,其中大部份屍體都是被火燒焦和失血過多...奇怪的是失血過多的死者身上都找不到傷口,附近也沒有血跡..死狀十分恐怖,令人想起是西方吸血鬼的所為. 

這究竟是什麼一回事,這些人的死狀跟瀨屎,肥龍那麼相似…不會是巧合吧…難道…這剛剛又是月圓之夜,這狼人遊戲早在12年前已經發生過?我希望這不是我所想的那樣,我也不敢去想…

就在這時候....手機突然發出收到短信的聲音.... 

『本回合的指令是---狼人的集結:所有狼人由本回合開始直到遊戲完結,每回合都必須投票,否則便會受到火灸之刑』 

指令?為什麼會有這樣的指令..?難道每個回合都出現指令?那即是說...剛剛那個回合可能不是所有狼人也有投票... 

這時小柔起來了…. 

小柔:天佑…今晚我唔想返屋企…想係度…. 

我說:好啊…你啱啱訓醒,不如沖個涼先啦.沖完涼一齊食野. 

小柔:嗯嗯,我去拎衫先,今晚又著你啲睡衣.嘻嘻 

我說:你都著慣架啦! 

接著小柔便出去洗澡了,忽然…..我發現床上一樣東西…這令我產生了一個念頭… 

過了一會,小柔洗完澡回來房間,淡淡的香氣傳入我的鼻中.這時我跟小柔說 

我說:好啦,電腦俾你玩啦,我而家去沖涼先 

小柔:好啊,都好耐無上過高登,上去搵啲攪笑野睇黎調節一下心情先!順便睇下Pizza同向西有無新故先!

於是我便出去了洗澡,這時小柔準備打開電腦時!發現了我在電腦旁的手機,手機上貼了我一張小小的字條,字條上寫著.”小柔,請你打開它吧”. 

小柔很自然地打開了我的手機,手機中正正是第一日我收到主持人身份的短信!這時小柔忽然想起,規則中其中有一條”玩家不得自行把手機內主持人發出的任何一條短信傳送或展示給其他人”如違規了便要接受死亡處罰

這時小柔慌張得要命了!第一時間跑去浴室! 

小柔:天佑!你無事啊嘛!天佑!你應下我! 

這時,我慢慢打開了浴室的門,對著小柔說 

我說:我無事….放心…我只係做一個實驗啫…. 

小柔:下…? 

我接著說:我發現左呢個遊戲嘅一個漏動,原來手機唔係主動俾人睇,就唔萛犯規! 

小柔有點疑惑:咁即係……? 

我說:好在你身份係村民,我地係同一隊.如果火山個計劃失敗,我就要進行另一個計劃!一個保障我地嘅計劃! 

不知不覺…已經是早上08:00,我原來在電腦桌上睡著了.如無意外,今天將會是一個平靜的一天,看來昨天晚上吹笛者沒有為我施展魔法,不過這都是遲早問題! 

這時…傳來手機的震動!難道我被施了魔法嗎…?我一看… 

狼人已經選定了下一個死者,請大家09:00前出來進行投票,地點為"九記中學操場” 

難道…..真的是如我的預感一樣…..?事情果然不會這麼容易終結…..