狼人遊戲: 第六章 白痴
狼人遊戲第六章:白痴
2014年08月17日 23:30
某人A:「呵,你都黎左,睇來人齊了!」
某人B:「本來我都唔想出黎,不過收到個指令...唔出黎就要受死...點都要出黎睇下乜野環境!」
某人A:「唔好咁講,你都一定有想要嘅野架?你都對果個願望有興趣吧!」
某人B:「我先唔信果啲野,我出黎都係睇下有邊啲人係『狼人』」
狼人A:「呢個願望係真…因為……」
狼人A「說了一件令狼人B相信他的事」.
狼人B:「………………」.
狼人E:「我地4個都決定要將呢個遊戲玩落去….我諗你都要加入我地啦」
狼人B:「唔制!痴線架你地!」
狼人C:「我知道…你媽媽好似得左癌症…你都想佢好返架!」
狼人B:「你地……」
狼人D:「放心啦….以後我地就係一TEAM….有啲野一定要放棄,先至會得到!假設你真係唔小心香左,我地都會幫你實現你的願望」
此時…狼人C從口袋中拿出一樣東西….
狼人C:「呢樣野俾你…」
狼人B:「呢樣咪係…」..
狼人C:「遲啲應該會有用…」
狼人A:「嘿,咁我地下一個要殺嘅對象係邊個...?」
狼人C:「佢咁多野講…唔係佢係邊個….呢個遊戲…邊個太聰明…邊個就要死!嘿嘿嘿…」
2014年08月18日 08:05
由於小柔在我家過夜,早上我便和她一起坐車過去中學,途中我不停回想我們這次事件的發生經過.究竟是誰創造了這個遊戲…
這好像所有事都有人刻意安排,如果是...究竟是誰?他的目的又是怎樣?
難道…是為了那個所謂的願望?那個願望的效果又會去到什麼程度?可以助我成為億萬富翁?可以令我長生不死?這一切一切都是想不通,我覺得我現在就像拍恐怖電影一樣
我還記得有一套電影叫做欺詐遊戲,內容就是各玩家為了巨額獎金,互相出賣,背叛…這一刻的我們…也在進行這種遊戲嗎?
由於我們的中學在九龍塘,九龍塘最出名就是很多小型的酒店,偶然都會有一些名人出入.
還記得中學時期有一次,阿風不小心把球踢到了學校隔壁的酒店.他便無奈地要去把球拾回來.
進了去的時候,那門口的阿拉伯人還用半咸半淡的粵語跟他說要他做好安全措施,他回來後把事情說了我們聽,我們笑了他一年.
阿風真的是我的好友,每次我需要幫助的時候,他總會出現在我眼前!我在想…如果他是狼人…我們會變成怎樣….
我和小柔都到了九記中學,當我踏出中學時,各人都在意論紛紛.
阿風:「天佑你到左那?快向左走向右走啲過黎睇下!」
我走過去一看,發覺昨天肥龍和Bosco的屍體竟然不見了!難道是屍變?不可能吧!明明我們作天沒有把屍體處理好,但竟然完全消失了!
難度被殺的人就會消失嗎?送去醫院的瀨屎也是這樣嗎?
這時,火山開口道:「我諗你地全部都收到短信…睇黎我地入邊有人唔想個遊戲咁快完結…係咪一定要殺晒我地所有人先安樂!」
火山開始激動起來…看來所有人的情緒也慢慢開始控制不住…
樂思:「唔通...你地啲狼人真係唔想個遊戲總結?想試下果個所謂嘅願望係咪真?」
樂思---以前我們班的女班長,為人盡責.每件事都會依足規矩來辦事.可能因這一點連續幾年也被老師選為班長.她也是大舊的求對象.據說大舊曾幾次向她表白,但最後也遭到拒絕.
火山接著再說:「班入邊有人背叛左我地,我係度講…無論邊個死都好…希望生還者可以照顧佢地嘅家人…」
這句話真令我心酸,好像大家的遺言一樣,等待的味兒真的很難受,就像足球比賽中,雙方球員打了120分鐘比賽都是平局收場要互射12碼的心情一樣.
因為在等待自己射球時.球員的心情就好像要慢慢一步一步地踏上斷頭台一樣(入了你不一定是英雄,但射失了就一定是罪人).
相信此刻所有人的心情也是,除了那幾個心裡暗暗偷笑的「狼人」
這時各人的手機都收到了短信,時間剛好是09:00 短信入邊寫著:
《狼人殺戮已結束,今次的死者是1號玩家「火山」.其身份是「村民」,死者可以有兩分鐘時間發表遺言》
竟然是火山,為什麼要先殺火山呢?難道是他太了解遊戲,狼人不想這樣的人生存?這時,所有人都望著火山
「點...解...點...解...會係我…我…仲…有好多事都未做過…我唔想咁快死….我唔想死啊!」絕望的火山呆站著自言自語…….
此時大家目定口呆….什麼也做不了…..
「麻..煩…大..家…幫我照顧我阿妹….仲有….幫我搵出狼人係個?啊…啊啊…」火山
這時火山拼命地在地上打滾,不停爭扎,面色也慢慢變成白,面部慢慢地向內縮緊..就像一個被慢慢地放氣的氣球一樣,最後動也不動..眼睛也沒有閉上…
樂思:「啊!點解會變成咁....」樂思抱著頭大叫
「我...我地無辦法再忍落去!我地而家即克去決定燒死邊一個! 」說這話的是大舊,說話時有點口吃
「我都無辦法忍啦!一於投票啦!我投阿誠!佢平時成日做埋晒啲衰格野,班入邊賤人佢認第一,無人敢認第二,佢一定係狼人! 」說呢句話的是十分激動的娜姐
娜姐---我們班的留級生,因為年紀最長,為人比較自以為是.又是內地的新移民,所有人都叫她娜姐.她是校內跑步第一的女選手
阿誠見情況不對,便握緊拳頭說:喂!有無攪錯呀,我平時係衰啲姐…但唔代表我係狼人黎架!
Winkie這時說道:「之前係你提意燒死肥龍,害死bosco嘅又係你,連自己好朋友都可以出賣,你唔係狼人會係邊個? 」
如果這樣下去又會有人死,我不可再看見這情況出現
我連忙說:「你地先冷靜啲先,而家我地大部份都係村民,如果求其處決一人,村民死嘅機會率係好大,到時暗暗開心嘅只係果啲狼人! 」
這時早已激動的娜姐說:「天佑!你做咩幫阿誠講說話!你係咪都係狼人,想保護自己同伴丫! 」
大舊:「係囉!我地唔投阿誠丫麻,就投你啦!」
這時…樂思對著娜姐說:娜姐…唔好咁啦…咁激動解決唔到問題….
激動的娜姐繼續說道:我而家好冷靜!跟本阿誠就一定係狼人!
說擺娜姐一手把樂思推在地上,樂思摔了一交,手好像弄傷了….
樂思:「哎呀....好痛....」
我:「你地唔好咁啦!冷靜啲先啦,你咁樣只會中左狼人的計!」
小柔緊張地大叫:「天佑唔係狼人黎架!你地信佢啦!」
傻強這時也開口道:「我都信天佑唔係狼人….我地不如冷靜啲先啦!」
Winkie:「好!大家覺得佢地兩個邊個係狼人就投邊個啦!」
咇 咇 咇 眾人開按手機投票……
此時阿風偷偷在小柔耳邊說:「再咁落去天佑真係會死…我地救天佑方法只有一個…就係叫啲人投阿誠票! 」
小柔:「天佑真係唔係狼人!大家千其唔好投佢呀!」
此時看來小君,栗子都有所表示,想投阿誠一票.
我真的要死嗎…還是我身邊的阿誠….我這刻好像慢慢等待死亡的來臨…..
此時各人手機都收到了短信….
7號玩家天佑被村民投予了最多的票數被受予火灸之刑.投票結果為
2號玩家阿誠 6票 投票者村民:小柔, 阿風, 子俊, 小君, 傻強, 娜姐
7號玩家天佑: 7票: 投票者村民: Winkie, 大舊, 排骨, 樂思, 思浩, 巫婆, 阿誠
小柔已經哭不成聲:天佑!你做咩唔投阿誠丫!阿誠都投埋你啦!點解你要咁做!
阿風:「天佑!」
阿誠:「對唔住....天佑...我都係逼不得已....」
阿風:「你...你個賤人!」
說擺...阿風一拳打向阿誠的臉上...阿誠的嘴角也腫了起來...
此時大家都又收到了短信:
由於7號玩家天佑的身份為「白痴」,所以不會被村民處死,其後天佑不得參與任何投票
哭成淚人的小柔:「咁….咁…即…係…無事….天佑…你無事啦!真係嚇死我啦….
我抱著小柔俏俏地說
我:「傻豬…原來白痴係有咁好嘅作用….我都係尋日先知….」
小柔俏俏地跟我說:「莫非…呢個都係你尋日所講嘅計劃中的一部份…」
我:「嗯…我地要準備第二部份了!」
恐怖的事一天接一天…我不知道還有多少恐怖事情等著我….更不知道什麼時候才會完結……潛服在我們之中的人…正在慢慢進行他的陰謀…..