狼人遊戲: 第七章 組隊
狼人遊戲第七章---組隊
2014年8月17日 10:07
小柔俏俏地跟我說:「莫非…呢個都係你尋日所講嘅計劃中的一部份?」
我:「嗯…我地要準備第二部份了!」
接著我便站起來說:「你地而家相信我啦,我嘅職業係白痴,唔係咩野狼人!而我保護阿誠,只係唔想係大家未肯定嘅情況下胡亂投票,咁樣只會中左狼人嘅計!因為狼人得5個,而家村民就有10幾個,我地無必要護相咁樣殘殺!」
此時小柔插口道:「無錯,雖然而家火山死左,但係火山嘅計劃依然可以繼續進行,我地依然可以慢慢搵出吹笛者,只我地成功保護到吹笛者,我地就可以平安無事」
栗子說:「但係而家係啲狼人唔合作,佢地要殺晒我地先心息!佢地而家想真係想贏呢個game! 」
我:「所以,我地而家打醒12分精神,去留意身邊嘅人一舉一動,因為狼人就係我地身邊,我都想大家平安無事.大家一定要盡快將攪事者狼人抽出來! 」
看來大家對我這個死裡逃生的人的說話深表同意,雖然我不知道我的計劃是否成功,但總要試一試!接著大家便慢慢散去…我和小柔便找了一家快餐店坐下來,商量我們下一步的計劃!
小柔:「天佑,究竟你之後想點?」
我:「而家我可以肯定嘅身份就係我同你,我係白痴,你係村民!我地要肯定多幾多個人的身份,所以…..我地要想辦法去組隊!因為咁樣樣,先可以確保吹笛者唔會迷惑狼人,如果迷惑左狼人,吹笛者會好危險!」
小柔:「點解會危險?」
我:「因為迷惑左嘅人,佢係會知道邊一啲人會被迷惑左,相信迷惑左嘅人短信係會有提示,如果入邊係有狼人被迷惑,狼人就會殺一啲沒被迷惑的人,因為狼人唔想吹笛者勝出,反觀,我地首先迷惑嘅係所有村民,最後先迷惑狼人,咁吹笛者勝出機會就會好大! 」
小柔:「哦…天佑你真係聰明,咁組隊點樣組法?你打算想搵邊啲人組?」
我:「係頭先嘅投票入邊!我睇到左幾個人應該值得信任,首先係阿風,因為佢叫你幫我拉票,佢如果係狼人,不一定會這樣做,加上佢係我地好朋友,以我對佢咁多年的認知,我覺得我無信錯佢! 」
我接著道:「其次係小君同子俊!我覺得子俊個心一係都係想保護小君,就算佢係狼人,佢未必會咁樣殺晒所有人,除非小君同子俊都係狼人,但係呢個機會率唔高!咁小柔你有咩見解? 」
小柔想一了一想,慢慢說道:「um….我覺得翠兒同樂思係狼人機率不大,因為女人嘅直覺,佢地真係好想脫離呢隻game,但係樂思之前投左你票,顯然佢果時唔相信你!叫佢合作嘅機會不大,雖然係咁,都要試一試!」
我點頭說:「小柔你分析得唔錯,咁仲有啲咩野人你覺得可以合作..? 」
小柔:「傻強同栗子我覺得都ok,傻強雖然平時傻下傻下.同阿風差唔多,但我都覺得佢直得相信,不竟佢以前讀書果時都幫過唔少!栗子我留意左佢呢兩日嘅表情,佢係狼人機會應該唔大,加上今日佢幫左你,可能原因係佢憎阿誠害死左肥龍! 」
傻強---為人樂觀,我讀書這麼多年也沒有見過他發過一次脾氣.但因為常常說出傻話,得罪了別人也不知道.有時覺得這方面他也有點像阿風.
我沉思了一會 說:「咁就咁決定,阿風,小君,子俊,栗子,傻強,翠兒,樂思!我地就搵住呢幾個人先! 」
小柔又好奇問道:「咁你想點樣確定佢地身份..? 」
我:「好簡單,我只需要通知佢地將部手機放係一個地方,而我就會去確定佢地嘅身份,當然,所有身份只有我先知道,我唔會對佢地公開!咁樣嘅話,我地就唔算違反規則,呢樣野
忽然這時,手機震了一震,應該是收到短信….難道這麼快就有事發生…現在還是下午…應該沒那麼快有動靜吧…我連忙打開一看….竟然是一個陌生的號碼…更令我驚訝的是以下內容….
「你好天佑,我是預言家,我已經找到了哪一個是狼人!」
什麼? 預言家? 找到狼人 ? 這究竟是什麼回事?
為什麼他要用一個不明的手機去發短信….難道是為了隱藏身份,怕被狼人殺害..?到底我應不應該相信他呢?不論怎樣,這個短信看來非回不可….
我的短信:「你究竟是誰?那狼人又是誰?」
看來我問他是誰基本上是廢話,但我也希望他能答到我….過了一會….他回了我的短信…
「我不會透露身份,因為我要保証自身的安全.我這兩天預言了兩個人,第一個小柔,她的身份是村民.而狼人則是XXX!」
什麼?這件事令我很頭痛…如果他/她真的是狼人的話,我是不是應該親手把那人送上斷頭台?因為XXX正是我們組隊之中的其中一人….
我想一了一想…還是先要把XXX証實身份,如果他不是狼人的話.証明這匿名電話是騙人的,對方極有可能是狼人的所為!
我便回了短信: 「謝謝你的建議,我會去求証!」
過了很久….「預言家」還沒有回我,看來是他是在等我的調查結果!
我依照計通知了特定的人士,阿風,子俊,栗子,傻強,翠兒都分別答應了,我也觀看了他們5個的身份.阿風,粟子,傻強都是村民.
子俊則是守衛.有了守衛我們的行動可能會更加方便.
而更開心的是,翠兒就是我們一直尋找的吹笛者!真是太順利了!
翠兒---和吹波一樣喜歡唱歌,但沒見過她上台演出.曾經差點被簽入X皇娛樂公司,可Powerful Face貌不算出眾,又不肯去跟某某經理人聚會,所以導致不能踏上星途.個性為人比較堅強,為夢想不惜一切努力奮鬥!
果然那匿名的手機是想錯誤引導我….我要盡快查出那手機短信的發出者,因為他極有可能是狼人
本來小君也想加入我們,但她收到短信的時候已經把所有短信刪除,所以我沒辦法確認她的身份,逼於無奈下唯有拒絕她加入.樂思則說她不相信我.可能她是狼人,或者她想保護自己的身份.最後拒絕了我!
但這時我總有一點事情覺得不妥…但什麼事情….我說不出來….我只在想,我們真的會這麼順利嗎?
但這一刻我們要做的事就是保護翠兒,和把狼人的真面目抽出來!為了防止有狼人和村民是情侶在我們當中,所有身份我都會保密!只有我才知道!
我們7個人相約左一間快餐店坐了下來,然後我把手機交還了他們.為了保護吹笛者和我們7人的安全,我就對著他們說:「好高興今日我地7個人可以組隊,但好遺憾,吹笛者唔係我地咁多人當中…..」
傻強:「咁都無辦法,咁跟住落黎我地點樣做? 」
我:「大家分析一下,覺得所有人,邊個係狼人機會最大! 」
這時阿風開口道:「洗向左走向右走諗咩,一定係阿誠條Hi Hi仔啦,佢差啲攪到天佑你無左條命仔,其次就係巫婆條粉皮,佢成日用埋晒妖言去惑眾.佢地兩個係最大可能係狼人! 一於明天投佢地一票! 」
翠兒:「我而家好亂....我剩係想快啲完結個遊戲....我仲有我嘅夢想要追尋架.... 」
傻強:「翠兒...我地組隊嘅目的就係團結,就係想大家一人一個意見講出黎表達一下,人多一定好辦事! 」
翠兒:「咁好啦….我覺得係Winkie…..佢成日都有份出聲去投票……」
傻強:「我就覺得係小君,佢成日唔出聲,想靜觀其變! 」
此時子俊終於開口道:「傻強!你咪亂講野丫!小君一定唔係狼人! 」
傻強連忙回答:「你點樣肯定佢唔係丫?我知你係霖人地,但係唔代表佢唔係狼人架,你理智啲啦子俊! 」
子俊一手捉起傻強說:「如果佢真係狼人,我第一時間殺左你! 」
此時傻強開始有點被嚇怕,連忙回答:「好..好..好,你放低我先…有事慢慢講…..而家係商量…唔係隻揪…. 」
「總知你唔好講小君! 」說罷一手推開傻強
傻強一面不俏的樣子說:「都唔係討論…亂黎…. 」
我連忙說:「好啦好啦,大家唔好嘈啦….我想聽下子俊嘅意見!你覺得邊個會係狼人..? 」
子俊好像還沒下氣….答到:「我唔知,我剩係知一定小君唔係狼人! 」
可能子俊知道我因為小君把短信刪除了令到她不能加入我們隊,所以令他情緒更不穩定.當然傻強的挑釁也有關係,隊伍一定要團結,不然還沒查出狼人的話就已經自傷殘殺了.
最後久沒開口的栗子也回答:「我雖然都唔知道狼人係邊一個….但我都相信小君…. 」
我:「我都好想相信小君,但無奈她真係無辦法可以証明佢嘅身份,我為左大家嘅安全,我先唔俾佢入黎,到我地第日真係証實左佢唔係狼人,到時先加返佢! 」
因為現在除了這個方法去証實身份,我也暫時想不出其他有用的辦法…
我:「好啦,嘅然吹笛者唔係我地陣中,大家就仔細啲留意一下其他人嘅動靜,小心狼人之外,仲要留意返吹笛者係邊一個」
大夥兒點了頭就慢慢開始散去,我就發了短信給真正的吹笛者翠兒,命令她今晚向以下兩個人施魔法:「我和小柔,因為這樣就算以後不小心施了狼人,我們兩個也不會第一成為狼人的殺戮目標.狼人目標一定要阻止吹笛者!」
最後我叫子俊自己保護他自己吧,當然我相信他極有可能保護小君,但這是他的決定,我阻止不了.
雖然這次討論結果的成效不是特別有用...但起碼可以找到幾個人一起坐同一陣線...對我們找出狼人和日後的投票有更大的幫助!
我和大家分開後,獨自一個人慢慢走回家,一邊思考狼人是什麼之外,更想一些其他的方法去幫我們盡快捉到真正的攪事者狼人
但我萬萬也想不到….這一切的事件…絕對不是一個巧合…
就在此時…手機突然又收到了短信….
「今天的特別指令是:明早10時的投票改為由一人作決定權,此人的決定代表了所有人的決定.而這人就是玩家中年紀最大的那一個」
又是這種指令....難道每天都會有嗎?玩家中年紀最大的那一個不就是娜姐嗎….?