狼人遊戲: 第二十二章 飛鵝山
狼人遊戲 第二十二章 飛鵝山
一男子跟一女子在談電話
女子：「再咁落去....我下個回合好大機會會俾人識穿....」
男子：「咁...你有咩打算.....？」
女子：「我就無咩辦法...得你先可幫到我...」
男仔：「而家嘅方法...就係擴大你嘅勢力範圍....搵多啲人嚟幫手...招攬晒佢地組隊以外嘅人入嚟...或者分化佢地....」
女子：「有用咩？我今個回合好大機會會死架啦！」
男子：「咁又未必.......」
女子：「......................」
8月23日 遊戲第七日10：23
『本局的指令為：狼人的覺醒----狼人在往後X回合中殺的人，不能被任何方法救回(X為狼人對上一次連續回合殺的人的數量總和)』
這指令明著是偏幫狼人！雖然現在子俊死了...沒有了侍衛的保護...但畢竟還有巫女的救針還沒有使用....
現在狼人在之前兩個回合都殺了人，豈不是這個回合跟下個回合....也不能使用救針？這樣我們會更加危險....Coie會比我們更危險...
這時....手機收到了短信....正正就是Coie的
短信中..她告訴了我預測女狼人的結果！
她是狼人？狼人果真是那兩個女生其中之一...
手機再次響起，這次也是Coie
『不用為我擔心，我已經看了指令，這個指令對我的計劃沒有任何影響，我一定會平安無事你放心吧天佑』
看來我不能再想太多...因為經撞車後...我的頭還是感覺到很暈…雖然睡了一晚...但看來還是不夠...看來...我還要休息更多....
..............................................
我醒來的時候...已經是下午4時...
就在這時候....我發現我身旁站了一名男子...這人我不認識....更不像是醫生...
男子察覺到我醒來...就跟我說道：「你醒啦...？程天佑先生...你好我係西九龍重案警察許國棟，今次嚟係想同你落一份關於尋晚你懷疑超速駕駛引致交通意外嘅口供」
難道這人就是傳說中的『四點鐘許Sir』？
我：「哦....你...問啦...」
許sir「超速駕駛果度...我當然要問...但我有一樣嘢...可能會比呢件事更重要…」
我：「咩事...？」
許sir：「你應該認識冼Sir同張Sir吧，程先生！」
難道........
我：「我識....冼Sir仲要我以前中學同學.....」
許sir：「嗯...張Sir發生咗意外我諗你都知...而家仲未搵到兇手...而且...你地啲嘢冼Sir全部都同我講晒....」
我：「下......即係......佢講咗啲咩...？」
許sir：「佢同我講咗好多天方夜譚嘅嘢....又話咩死亡遊戲....又話佢準備返上大陸查呢件事....好多好多...我無辦法相信嘅嘢...」
我：「咁......佢而家點啊......？」
許sir：「佢係返上大陸之前同我講...佢話佢今次上去可能會好危險...仲會分分鐘返唔到嚟...如果佢真係同我失去咗聯絡...或者出咗啲咩事....佢叫我第一時間嚟搵你...而且....仲要相信你所講嘅嘢....」
我：「咁即係...佢而家.....」
許sir：「我已經同佢失去咗聯絡....我唔知佢發生咗咩事....佢係我好朋友加好同事...我好想好想信佢....但呢件事...太天方夜譚...你叫我點信...？」
我：「我知道....我地發生緊嘅嘢你係無辦法會相信....但的確係真...而且我地而家好危險...我地每一日都會有人死....而且...而且就算你地警方知道呢件事...都應該停止唔到....」
許sir：「咁冼Sir最後同你聯絡果時....講咗啲咩...？」
我：「佢只係同我講....今次嘅幕後黑手好大機會係姓施....許Sir...如果你真係想幫我地...幫我查下一個叫施偉華嘅人...佢係內地清懸人....佢應該同冼Sir嘅失蹤有好大嘅關係.....」
許sir：「施偉華....？」
我：「係！你一定要信冼Sir...一定要信我...你快啲去查佢...可能只有佢...先可以知道點樣解開到呢個詛咒！更可以知道冼Sir點解失蹤！」
許sir：「..........................」
我：「你信我啦！真係要快！我地而家真係好危險！」
許sir沉思了一會...冷笑了一聲...說到：「估唔到我今日要信呢啲天方夜譚嘅嘢...點都好...我幫你落埋份口供先...跟住通知你啲親人同你保釋外出....」
我：「多謝你....」
我把昨晚意外和Coie的事一五一十地說給了許sir....我不知道他能不能幫我們...但畢竟...這也是一個希望....
8月23日 遊戲第七日22：30
「小姐...你係度坐咗成晚架啦噃...仲有啲咩嘢需要咁...？」服務員
「俾多杯Fruit Punch我啊.....唔該....」女生
「小姐...點解你成晚係度飲Fruit Punch嘅....計埋呢杯...應該係第4杯...」服務員
「係啊...我好中意飲Fruit Punch...」女生
「你係我做咁耐以嚟....第一個成晚剩係度飲Fruit Punch嘅客人....」服務員
「哈...我都係第一次嚟你地餐廳...你地呢度啲Fruit Punch整得幾好啊....」女生
「咁以後多啲嚟光顧我地啦！」服務員
「如果可以.....我都想....只可惜...唔知仲有無機會....」女生低著頭自言自語
「你講咩話....咩無機會..？」服務員
「唔係啊...我亂講嘢之麻....唔該晒你...」女生笑著對服務員說
女生跟服務員對話完後…繼續凝望著同一個地方...
『只要今晚呢個地方無人出現...我就基本上可以肯定其他兩個人係狼人..計埋我今日晏晝用預言家能力預測嘅女狼人...我就可以知道晒所有狼人嘅身份...』女生自言自語地在電話中錄音
『對唔住天佑....我呃咗你....因為只要咁樣做...先可以幫到你地盡快搵到狼人....剩低嘅男性狼人只有吹波、思浩同朗仔...而我睇返紀念冊佢地嘅地址...只有而家我等緊呢個人嘅地址...其他兩個人都已經搬咗屋...再加上我可以肯定…呢間屋嘅後門因為整路而封閉咗...所以...只有正門呢一個出口...』女生繼續錄音
『我記得你從小女孩阿誠口中得知....狼人每一個晚上都必須要出去去佢地收到短信嘅地址去投票...而且佢地嘅地址每次都唔同...如果今晚我唔好彩...我見到呢個人晚上出去的話...我都可以跟蹤佢...從而搵埋其他狼人出嚟』女生繼續錄音
『當你聽到我呢段留言....或者我已經俾佢地發現咗...更可能會發生更壞嘅事情....我都唔知道....狼人下一個目標一定係我...因為我係預言家...我一定係佢地嘅眼中釘...再加上今日收到嘅指令....更令我毫無疑問要咁樣做....對唔住....天佑....好多謝你救咗我....我....我希望你....同小柔....可以....安全....咁...離開...呢個...遊戲...我會祝福你地....』Coie含著淚水...把留言也錄下來...
「小姐..你杯Fruit Punch啊....咦...小姐...你無事啊麻..？」服務員
「我無事....」Coie
「哦....咁....你有咩需要再叫我啦....」服務員
「嗯....唔該晒.....」Coie
就在這時候...一個熟悉的男子從Coie一直注視的大廈門口出來....他左右望著...看來正在尋找的士...
「唔該！埋單！呢度...唔洗找！」Coie
那人上了一輛的士，Coie也上了她預先準備好的車，跟隨著那人乘坐的的士
『天佑...我而家跟蹤住佢！佢而家上咗架的士...佢極有可能係要去狼人指定嘅地方投票！』Coie再次錄音
Coie一直從男子的住所九龍城獅子石道....跟到飛鵝山道附近的地方...
『天佑...我而家係飛鵝山附近...我基本上可以肯定佢係去同其他狼人會合......天佑..佢就係…』Coie把這次的留言錄了音後....就將手機調為靜音模式...再就把先前所有的留言一次過發給了天佑....再將所有跟天佑聯絡過的記錄一拼刪除
男生乘坐的車停了下來…正準備下車..Coie也在遠處停了車...慢慢地跟著男子
她看一看她手上的錶...現在是23：34...飛鵝山道這個時候當然是人影也沒有一個.
男生腳步急速地從清水灣道行上飛鵝山道，最後轉進一小路...
難道每次狼人都要在這些地方投票的嗎..？為甚麼他們可以這麼肯定這些偏避地方的準確位置呢...？而且..他一邊找著路...一邊望著他的手機...他看來也不太熟悉...
難道是.....他看坐標？倘若狼人收到的指地定點...是用坐標形式...看來他正在找地圖坐標的位置....
「喂！衰仔...今日搵耐咗...平時你搵路好快架....」另一男子
「今日麻鬼煩...你仲快過我...」男子
我看到了...有名男子正在等他...只要我走近一點..就可以看清楚....
Coie慢慢從遠處的草叢中走近嘗試進一步偷看
她竟然看到....
「小女孩都死咗啦....做咩你仲帶住面具....每晚見到呢個高登小丑神...我都覺得有啲陰深.....」男子
那....那另一男子....帶著面具.......
「預防萬一姐...你可以好肯定今次你嚟....係無人跟蹤你？」小丑神
「我咁小心...點會俾人跟蹤到....」男子
「咁肯定...？」小丑神
「點啊...今次我地準備殺邊個..？」男子
「唔洗急噃...等埋條八婆嚟先啦.....」小丑神
看來...她還沒有到....正當Coie想到女狼人還沒到....
「啊！」
「發生咩事？邊個係度叫」男子
「嘿...睇嚟我地八婆今次做咗次好戲....你俾人跟蹤咗啦...死蠢....」小丑神
「下......邊....邊個？」
一名女生拖著頭部流著血的Coie出來....
「我沿途一直上嚟....佢就一直跟住你...唔通你無發覺架咩？」女生
「下....有啲....咁嘅事....？」男子
「Coie...睇嚟你真係好多事....上一次你係排骨手上走得甩....今次..你無咁好彩...」女生
「點解....點解你要咁做....點解你地可以咁殘忍..將自己多年同學同好友都殺死！就係為咗個願望？你地係咪人嚟架！」Coie
「好朋友？係我眼中一直無朋友呢兩個字...由我第一個男朋友同我最好嘅朋友上床開始...我就已經覺得呢個世界無人信得過！最信得過...就係自己」女生
「唔通.....你一直都無當我係你姊妹？」Coie哭著說
「姊妹？你係校花...你身邊大把男仔追你你都唔受...你扮咩嘢忴貴啊.？你知唔知...好多追求你嘅男仔追唔到你...最後...都係同我上咗床啊！Bosco當然係其中一個啦...唉...堂堂校草...咁就死咗....佢果時...我心入邊都有啲可惜...不過佢唔死...我地就無辦法贏！」女生
「唔通....你地唔可以等吹笛者施完魔法等遊戲結束咩？」Coie
「等佢施完魔法？咁個願望咪歸佢？你當我地Kai架！唔好再係度扮嘢啦Coie！」女生
「哈哈哈哈哈哈！你地兩姊妹呢套戲真係好好睇....全世界都知道你地係好姊妹...校花Coie...同埋Winkie！今日你地兩個太精彩...哈哈哈哈」小丑神
「...............................」男子
8月23日 遊戲第七日23：55
「點解....點解你要咁傻...Coie.....」
我一邊拿著手機...一邊地坐著哭...手機裡也剛剛放完這一段錄音.....
『天佑...我而家係飛鵝山附近...我基本上可以肯定佢係去同其他狼人會合......天佑..佢就係…朗仔......天佑…祝我地好運...』