狼人遊戲 第二十三章 生還者 

8月23日 遊戲第七日23:55 

「點解....點解你要咁傻...Coie.....」 

我一邊拿著手機...一邊地坐著哭...手機裡也剛剛放完這一段錄音..... 

『天佑...我而家係飛鵝山附近...我基本上可以肯定佢係去同其他狼人會合......天佑…佢就係…朗仔......天佑…祝我地好運...』 





飛鵝山.....? 

我現在需要去接應她嗎...?但就算我去到...飛鵝山這麼大....我能找到她嗎? 

我要救Coie...唯一方法的話…就是現在去飛鵝山莊! 

我不知道會遇見甚麼事情...或狼人設計了甚麼樣的陷阱在等我...但...只有這樣做...我才可以有機會救到她! 

我立刻換了衣服,飛奔下樓去找的士....Coie...你一定要平安無事....





我看一看手錶....現在已經差不多零晨1:00了...我到達了飛鵝山莊....飛鵝山莊夜深了大門關閉上...附近人影也沒有一個,飛鵝山這麼大....要怎樣找起呢..? 

我沿著路大路一直地找...找了差不多1個小時...跟本找不到任何線索....難道就要這樣無止境地找下去..?極有可能…狼人已經把Coie帶到一個地方藏好...昨天我還可以跟蹤排骨....但今天....我沒甚麼線索.... 

不知不覺...我又回到了飛鵝山莊的門口....就在這時候...我見到遠處有一人影走過來....看上去應該是大既40歲咗右的中年女子.... 

我走過去問一問中年女子:「我想問剛剛係咪有幾個後生仔女係度出現過啊?」 

中年女子:「um...一次過幾個我就見唔到...啱啱我行出門口果時就見到有女子落咗車....好似跟緊另一個男仔咁....」





我:「咁佢地行咗去邊啊?」 

中年女子:「我唔知啦.....應該上咗山掛....」 

我:「我係大路搵過...咩都搵唔到...個女仔好重要架....」 

中年女子:「咁你唔識報警咩?如果你真係要搵...呢度上去300米咗右好似有條小路....不過咁夜....我勸你都係報警....」 

我:「小...路.....好!唔該晒!」 

我立刻跑上去找那小路..... 

果然真如中年女子所說...這裡的確有條小路...可能太夜的關係...剛剛不留神也沒有留意到.... 

我小心慢慢地從小路一步一步地走進去....我不知道他們還在不在...我下一步會不會受到他們襲擊....但...為了救Coie...只有這樣做....





約10分鐘左右...我走到了看似小路的盡頭....只是一個平台...甚麼也沒有...一個人影也看不到... 

難道.....他們已經將Coie... 

「拍」的一聲....我好像跌到了一些東西....我用手機電筒照照看....原來是一個隻鞋子...應該是一隻女性的紫色布鞋.... 

在我印象中....Coie好像有穿這對鞋...因為....我救她的時候...曾經幫她穿上.... 

難道....Coie已經被他們捉了...?那明天豈不是.........

8月24日 遊戲第八日9:00 九記中學 

這一天我很早便到了九記中學的操場....我期盼著Coie能出現在我們的面前...雖然我心裡很清楚....Coie應該昨天晚上...給狼人捉走了...但我希望她能夠可以出現... 





就在這個時候...遠方出現了一名女子..... 

「Coie!你無事啊麻!」我 

「天....天佑...你認錯人啦.....」小君 

「唔好意思....原來係小君....點解你今日又咁早到嘅....」我 

「我尋晚跟本訓唔到....一諗到子俊....一諗到佢為咗我.....嗚...嗚....」小君 

「小君.....唔好咁啦...人死不能復生......」我 

這些安慰人的句子...在這幾天裡也不知用了多少遍.....

「子俊....佢鍾意咗我好耐....但我....」小君 





「係呢...我知道佢鍾意咗你好耐...仲追咗你好耐....子俊為人我平時雖然唔多了解....但自從經歷咗尋晚既事....我知道...佢真係真心中意你!」我 

「係我...係我唔識珍惜佢....仲記得有一次....我地一班同學一齊食日本嘢...果次你同小柔都係度...不過你地唔知道....果晚...其實我係剛剛失戀....一個大我8年嘅男仔同我分咗手....」小柔 

「哦...?係咪前年冬天果次...?」我 

「嗯....果晚我心情好差....成餐飯都好想喊....但係又唔想俾你地知道..果時子俊佢坐係我隔離..突然佢拎咗碟wasabi俾我....細細聲同我講:『如果想喊...就借碟wasabi喊出嚟啦..佢地應該唔會察覺。』我即刻拎起舊壽司點咗一大舊wasabi食咗佢....趁機喊咗出嚟.....」小君 

「原來果晚....等我地仲笑你添.....」我

「自從果次之後...我對佢就有咗好感...佢雖然平時唔多出聲....但成日都會出現係我身邊保護我....就好似一個天使咁....但我經過咗之前嘅失戀....我好驚....佢雖然都有幾次暗示我....但我都無接受佢.....但佢到咗今日都仲未放棄....我真係好蠢....我唔識得珍惜....一個可以為我...連命都唔要嘅男仔......嗚....」小君一邊說著一邊哭著.... 

「小君.....唔好咁啦...子俊佢泉下見到你咁....佢都會唔開心....你要堅強啲!」我 





「我都好想堅強......嗚.....」小君 

「小君.....」我 

說到這裡...已經差不多10時了....Coie還沒有出現在我們的面前...這時手機震動了一下... 

我看著手機收到的短信.....這也是我昨晚徹夜難眠...不想看到的短信....

《狼人殺戮已結束,今次的死者是10號玩家"Coie",其身份是"預言家",死者可以有2分鐘時間的遺言!》 

這也是預期中的結果.... 

「Coie佢又唔見咗嘅..?」吹波 

「係囉....Coie呢....」思浩 

「佢係咪知道今個回合自己點都會死....所以唔敢出見人...廢事俾人見到佢死得咁慘啊..?」說此話的人是Winkie 

我含著淚水緊握著拳頭..... 

「收聲啦!八婆!」我憤怒地對著Winkie怒道 

此時Winkie也被我的叫聲嚇呆了...全場此時也沉默了....

「會唔....會....係狼人.....捉咗Coie...啊.....」小君 

我望著小君...拍一拍她的肩膊.... 

「咁....Coie唔係度....遺言又無得聽....咁我地...今個回合點算..?」傻強 

「大家聽完我呢段嘢...就會有答案」我 

我把手機拿出來...再把昨天晚上Coie發給我的錄音播了出來給大家聽. 

『天佑...我而家係飛鵝山莊附近...我基本上可以肯定朗仔係去到同其他狼人會合.....天佑..祝我地好運...』 

「原來朗仔...係你...你就係狼人!」傻強 

朗仔「喂!天佑...我.....我點肯定你呢段錄...係真定係假架...你唔好老作啵...」

「呢把聲係Coie把聲....大家唔會認錯啦...Coie去咗飛鵝山之後就消失咗...今日仲俾狼人殺埋....佢明知自己會死...所以決定犠牲自己....嚟查出所有既狼人身份...」我含著淚水說道 

「而且...佢仲係預言家...佢講嘅嘢大家可以唔信咩?我諗大家今個回合都應該知道點做.....」我 

「你....你...唔好亂講嘢...啊.....大家唔好信佢啊....」朗仔 

「朗仔!施建朗!你唔好再扮嘢啦!12年前清遠連環命案嘅生還者後人!」我 

「咩話..?12年前?究竟係咩事?」思浩 

我「係12年前...清遠市流河鎮同樣都有一個好似我地咁樣嘅死亡遊戲....果時同樣都係有廿幾人玩....最後得返兩個生還者....其中一個叫施偉華....而佢有個仔...叫做施建朗!就係朗仔!就係佢混入係我地當中....引發呢個遊戲...令到我地死咁多人!都係佢!」

「下.....點解....有啲咁嘅事...?」翠兒 

「你.....你講咩啊.......我完全唔明白.....」朗仔 

就在這時候...Winkie突然企出來說道:「而家水落石出啦!我諗大家都知道今個回合投邊個啦!」 

說完就拿出手機按了投票 

眾人看見這樣的情況...也紛紛拿出了手機投票 

「大家停手啊!事情唔係你地諗咁樣樣!」朗仔 

「今次投票已經結束, 21號玩家朗仔被玩家投予了最多的票數被受予火灸之刑」 

「以下投票的玩家:21號玩家朗仔投票對象有 4號玩家 翠兒 6號玩家 小柔 11號玩家 小君 13號玩家 思浩 20號玩家 巫婆 22號玩家 傻強 24號玩家 吹波 
現在公怖3號玩家朗仔的遊戲身份為........"狼人"」 

所有人也投了朗仔一票....他應該是得票最高的那一位了....

「明明....明明...唔止係我....點解要我死先.....」朗仔 

「朗仔...而家所有狼人都背叛晒你.....如果你有良心嘅話...就將佢地啲名講晒出嚟!」我 

「..........................」朗仔 

我:「係你臨死之前....做返件好事啦!」 

「好!你地咁衰....背叛我!我就講晒出嚟!佢地分別係......啊...啊.....啊...」朗仔 

為甚麼會這樣....明明還沒有2分鐘的時間....還可以有時間說遺言...為甚麼.... 

「啊....啊.....啊.....啊.....」朗仔 

朗仔不停地在地上打滾.....口中不停地嘔出白泡.... 

為甚麼會這樣...不是火灸之刑嗎..?為甚麼這場面好像有點兒眼熟.... 

對了!我想起來了....還記得當初我問阿風誰人是狼人時....阿風也好像發出這樣的聲音...難道...狼人準備說出狼人的身份時..就會這樣?

「啊....啊.....啊.....啊...啊...啊..」朗仔 

朗仔在地上翻滾了差不多2分鐘....整塊面也變了紫色。就在這時候...他的身體慢慢開始著火... 

難道...現在才是火灸之刑?剛剛那一刻...是禁止狼人說出身份的懲罰? 

我們慢慢看著朗仔被火活生生燒死...我心究竟應該開心...還是傷心??我們殺了狼人...但...他是我們的同學.... 

朗仔死了,幕後主使的狼人也死了吧....但...這代表結束了...?因為...我還是沒有百分百証明朗仔就是幕後的主使者.... 

「好啦...呢個幕後黑手終於被我地收拾咗....」Winkie 

對了....還沒有結束,Winkie....我一定會把你抽出來!剩下的就只有兩位狼人,一位是Winkie,另一位則是吹波或者思浩

畢竟...這場遊戲....發生了太多我意想不到的事件....有時佈署好的事,往往都被一些事件,一些指令打破了。我也沒法知道下回合的指令又是甚麼樣 

我相信Winkie也會知道預言家預中了她...因為只有2名女生不在我的組隊行列內。她下回合會作出甚麼方法自救呢..? 

我們把屍體拖進了以前地下的班房裡...畢竟不能把他們放在操場上,倘若警方再次來到,我們可能被認為是殺人犯....警方應該不會相信我們 

對了....警方....我們應該還有一位警員可靠....4點鐘許Sir!希望他能找到更多線索...也希望他平安無事....

8月24日 遊戲第八日 14:20 清遠市流河鎮 

「冼sir佢就係同我講....佢嚟咗呢個鎮...跟住就同我失去咗聯絡,希望我可以搵返佢..或者可以知道更多線索。更希望可以找到冼Sir,希望佢仲在生!」許Sir心裡想著 

「嘩!!又有個出手咁慷慨嘅人啵!先生你善心有善報啊!」老婆婆拿著許Sir給她的一百大元說道 

「多謝你...婆婆...你係咪日日都係度行乞架..?」許Sir 

老婆婆「係啊...前兩日都有個肥肥地嘅先生都俾咗一百元我...」 

許sir「肥肥地..?婆婆..你記唔記得佢有咩特徵...?」 

老婆婆「叫我王婆得架啦!佢啊....睇個樣唔似本地人...帶眼鏡...行路成隻蟹咁...」 

許sir「婆婆....咁佢去咗邊啊..?」 

王婆:「叫我王婆啊!」 

許sir「係嘅....王婆....咁...佢去咗邊啊??」

王婆「我指咗佢去呢個鎮最有錢果個人果間大屋果度....」 

許sir「大...屋..?咁間屋係邊..?可唔可以帶我去..?」 

王婆「你阿婆我行路咁慢十年都未到....那...你呢度...轉果度...呢度..果度...咁就會見到架啦....」 

許sir「婆婆...多謝晒你!」 

王婆:「叫我王婆!臭雞巴!操你!」 

許sir「係嘅...王婆...唔該晒你.....」 

許sir按照著王婆的指示...來到了流河鎮的大屋..... 

他推了一下大屋的大門...看來大屋的大門沒有上鎖...許Sir慢慢地走進了大屋...慢慢地穿過了花園...看到大屋的大廳門正開著...遠處掛了一些白絲帶...大廳的盡頭好像放了一張照片...一個女子穿著全白色的衣服...跪在地上對著照片... 

看來...這大屋正舉辦喪禮....許Sir慢慢地走進了大廳....開始聽到女子在哭泣... 

正當許Sir走近女子時.....此時他身後出現了一把聲音.......

8月24日 遊戲第八日 13:30 太子冰室 

「你約我地嚟度究竟有咩嘢講...?」吹波 

「係囉....有嘢就講啦...做咩要特登約我地幾個出嚟....」思浩 

「我嘅占卜話俾我聽.....你應該有嘢想求我地....」巫婆 

「咁又唔好話求.....大家一齊合作啫....」Winkie 

「合作..?點樣合作?」思浩 

「嘿....人都未到齊....等一等先....」Winkie 

「下....仲有人嚟?邊個啊...?」吹波 

就在此時...有一身影走進餐廳...... 

「哈!!佢到啦!」Winkie

「你.....咪係.......」吹波 

「大家久等啦......」男子 

「如果我無估錯....你應該係幫天佑果邊架啵......」思浩 

「天佑??佢已經唔值得我信任....嘿嘿嘿.....」男子 

「好啦,人齊啦!我...吹波...思浩....巫婆....仲有剛剛加盟我地嘅....傻強先生....哈哈哈哈..」Winkie