這個世界最壞罪名，叫太易動情: 希望

女神就咁就同個狗公一齊左，*你的某些快樂~在沒有我的時刻~*天文營之後系2日假期，我冇如常咁約人踢波打波，因為傷透的心已經沒有空間去容納這些閒置了，心裏滿是一個又一個破碎又深刻的遺憾和回憶，一年建立的好感毀於一旦，也許在你心中，我只是一個平平無奇，又矮又柒嘅鄰座，一切都是我自己幻想的美夢，如此漂亮卻那麼虛無…心裏滿是不甘，也許是不想成為羅生門的主角，也許是心中還有小許覺得自己還有機會的希望推動，我攞起左部手機，解鎖＞whatsapp＞白骨精＞在綫上，我按下對話框，將僅有嘅希望注入去呢2個字—『在嗎』人就是那麼犯賤，明知沒有結果，但還是奮身去做，甘願被踐踏自己嘅真心，甘願被傷害，只因為那微小而虛無的希望…*別勸我~我犯賤~被厭棄也像蜜甜…*和內心的恐懼來了一輪廝殺後，發震的手指按下了送出一鍵，√√＞輸入中＞14:25:準備去游水＞最後上線時間14:25。顯然一睇就知系hea覆，但心裏總是會自我美化句子，:佢肯覆我，即系有機會啦，佢忙先hea覆嘖，可能佢中意我但系同唔到個狗公分手嘖…我有機會嘅！如果說團結系香港人嘅特色，咁打不死，死纏爛打應該就系我呢d狗公嘅特色…好比小強嘅生命力，甚至遠超小強…一句普通嘅回覆，卻是我這狗公希望的燃頭，再次點起我嘅決心，再次點起那曙光…