異塵餘生香港2277: 38 如狼似虎

得知項上炸彈原來只是一個謊話，流主大為震驚，然後更被Bitch Kingdom拘禁。而孖根和鎖匙萱也被扣押在監倉內，眾人此刻完全束手無策．．．
 
流主被帶到醫院的二樓，原來這裡早已被改建得面目全非。天花板和牆上都是粉粉紫紫的霓虹燈光和滿滿的裸男海報，四周也擺放著大大小小烏黑反光的真皮沙發．．．還有十數個衣著暴露、神情憔悴呆滯、舉止軟弱無力的男子在喝酒吹煙，甚至是吸食毒品，有些更自言自語，或是躲在一角哭泣．．．這裡怎麼看都看不出是一所醫院．．．．．．反倒更像是一所黑幫夜總會．．．
 
 
「你以後就住依度，陣間我地會再帶你去沖涼換衫，你最好準備一下！」BK說完，放下流主便轉身離開了
 
 
武器和背包都被沒收了的流主一臉無奈，既無力反抗，也逃走沒門．．．
 




這時，一個身形瘦削，但滿俊俏的男子主動跟流主搭訕。
 
 
「不得了．．．又一個唔小心比BK捉到嘅可憐人．．．」美男子苦笑說
 
「．．．我都唔知算唔算係比人捉住．．．我同我朋友係自己走嚟Bitch Kingdom．．．」流主摸著頭說
 
「吓？咁荒謬．．．？咁你同你朋友嚟做咩？」美男子大感不惑問
 
「唉．．．其實我同我朋友本身係四圍搵緊一樣叫做伊甸園創造器嘅嘢．．．但係途中中左BK埋伏．．．」流主憶述著




 
美男子聞言立即緊張起來：「伊甸園創造器！？」
 
「你知道伊甸園創造器！？你係咪知道佢喺邊？？」流主驚喜問
 
「．．．我唔知伊甸園創造器喺邊，但係我知道佢係咩嚟，我仲知道你手上嘅係嗶嗶小子。其實，我就係奇怪點解你會有嗶嗶小子所以先諗住套下你話．．．點知你竟然連伊甸園創造器都知道，仲話係搵緊佢．．．．．．不得了，你到底係咩人？」美男子凝重起來
 
流主說：「其實我自己都唔係太清楚．．．因為我失左憶．．．但係以我暫時所知，我應該係嚟自2077年．．．係屬於200年前嘅人．．．」
 
「2077！？200年前！？」美男子十分驚訝




 
「嗯．．．我無耐之前先喺海邊一個可能係雪藏裝置嘅儀器度醒返。喺個儀器入面我搵到一封由一個叫做尚嘅人喺2077年寫嘅信，佢叫我用伊甸園創造器嚟重建香港．．．．．．個嗶嗶小子都係佢留比我。」流主說
 
「原來係咁．．．」美男子點一點頭說：「咁成件事都合理啦。」
 
「吓？咁即係點呀？」流主不解問
 
 
此時，女皇的兩個近身護衛突然來到！
 
 
其中一個近身護衛說：「咁快已經咁好朋友啦？」
 
「吓！？．．．唔．．．唔係呀！！」美男子面色驟變，剛才的冷靜儒雅瞬間變成驚惶失措
 




「哈哈哈．．．」另一個近身護衛笑說：「我真係好鬼鍾意你啲表情。」
 
剛才那個近身護衛用力捏著流主的屁股說：「係時候洗白白啦！」
 
「放手！」流主掙扎說
 
另一個近身護衛舉槍指著流主說：「唔想死就唔好反抗。」
 
剛才那個近身護衛捉著美男子的下巴說：「阿寶，你同佢咁啱傾，你都出嚟！我地兩姊妹都好耐無同你玩過強姦遊戲啦！」
 
「唔好呀！！對唔住呀！！放過我呀求求妳地！！」美男子嚇得面色灰白
 
「哈哈哈！我地就係鍾意你夠晒投入角色！！」另一個近身護衛強行拉著美男子笑說
 
 




流主無力掙扎，被數個BK押走了。美男子則被那兩個近身護衛帶到醫院飯堂的廚房．．．
 
 
其中一個近身護衛命令美男子說：「拎住嗰兩盤嘢食，跟住我地嚟。」
 
 
美男子又害怕又無奈地遵從命令，端著兩盤食物跟著近身護衛來到監禁孖根和鎖匙萱的小屋。
 
 
「食嘢啦。」其中一個近身護衛說
 
孖根疑問：「．．．妳地又要鎖住我地，又要比嘢我地食，係咩意思？」
 
另一個近身護衛脫下面具說：「一，我地無諗住要餓死妳地，女皇唔鍾意有人喺度死。」
 




剛才的近身護衛也脫下面具說：「二，女皇仍然想妳地加入。」
 
 
想不到，這兩個近身護衛除了裝束和言行舉止非常相似之外，原來面具背後，她倆的樣貌也長得幾乎一模一樣！不仔細看的話，絕對會把她倆搞亂．．．
 
 
「妳地覺得有人受左咁嘅對待，仲會加入妳地咩？」孖根說
 
「點都好啦，妳地遲早都會改變諗法。」其中一個近身護衛說
 
另一個近身護衛接著說：「因為妳地一日唔加入，女皇都唔會比妳地離開依間屋仔。」
 
鎖匙萱無奈說：「咁都得？．．．妳地話女皇唔鍾意有人死．．．咁．．．妳唔放左我地，我地就自殺！」
 
「哼。」剛才的近身護衛笑說：「佢唔鍾意，唔等於佢介意。」




 
另一個近身護衛冷冷地說：「何況，我唔覺得妳地自殺得到。」
 
「嗚．．．」鎖匙萱無可奈何
 
這時，有數個BK突然跑進小屋，緊張地說：「安祖蓮！安祖娜！妳地可唔可以過一過嚟？我地出左啲問題．．．」
 
兩個近身護衛對望了一眼，然後對美男子說：「阿寶，如果佢兩個有咩事，你知會點架啦？」
 
美男子低下頭，汗顏地說：「知．．．知道．．．」
 
 
然後，兩個近身護衛隨著數個BK離開，美男子也鬆了口氣．．．
 
 
孖根跟鎖匙萱說：「睇嚟只有撐到流主嚟救我地。」
 
美男子問：「流主？．．．係咪藍色衫，載住嗶嗶小子嗰個男仔？」
 
鎖匙萱有點意外問：「你識得主主？佢宜家點呀？佢有無辦法救我地？」
 
美男子搖搖頭說：「我諗妳地唔使期望佢可以救妳地．．．相反，佢需要妳地去救佢．．．」
 
「你係咩人？」孖根問
 
「我叫司徒寶，本身係正勢力嘅科學家。不過比班BK捉左嚟做奴隸．．．妳地可以叫我阿寶。」美男子說
 
「．．．流主發生左咩事？」孖根問
 
「我過嚟之前，佢已經比班BK捉左去沖涼．．．天光之後就會拎去比女皇蹂躪．．．」阿寶說
 
「蹂躪下，應該無咩大礙啫。」孖根說
 
「妳有所不知啦．．．女皇嘅性慾唔係人咁品，無幾多人可以頂得佢住．．．所以女皇為左滿足自己，每次寵幸我地之前．．．都會幫我地注射杰特靈．．．」阿寶心有餘悸地說
 
鎖匙萱想了一下說：「杰特靈？．．．未聽過嘅？」
 
「杰特靈其實就係杰特混合壯大靈而成嘅毒品．．．佢會令服用者全身肌肉充血，體力同力量大增．．．尤其係男性，佢可以令陰莖嘅海綿體喺多次射精後仍然充血硬直．．．令服用者因為肌肉過度催谷，而全身疼痛，感覺好似比火燒，又好似肌肉撕裂咁．．．．．．而且，因為係經由打針注入體內，藥力非常容易被身體吸收．．．只需注射一次，就會上癮．．．．．．如果唔定期吸食其他毒品，全身就會無力、發冷、打冷震．．．」阿寶一邊說一邊發抖