異塵餘生香港2277: 39 黃金小子

被監禁了的孖根和鎖匙萱從阿寶口中得知，流主正身陷險境、自身難保，更有可能會被注射極度容易上癮的致命毒品！一直打算等待流主救援的她們，現在倒過來要想辦法把流主救出了。
 
 
鎖匙萱聽著阿寶說著杰特靈的可怕之處，不禁問：「自動醫生唔係可以治療毒癮嘅咩？」
 
孖根說：「我唔認為女皇會比佢地用自動醫生。」
 
「無錯，女皇就係用依個方法控制我地．．．」阿寶攢眉苦臉地說
 
鎖匙萱欲言又止問：「咁你．．．即係已經．．．」




 
「嗯．．．所以我已經無得救．．．女皇點都唔會放過我．．．」阿寶續說：「不過宜家最重要嘅，係妳地要倒轉諗辦法救流主！」
 
孖根看著阿寶，問：「．．．點解你咁緊張要救佢？」
 
阿寶神情凝重地說：「因為．．．佢好有可能係黃金小子！」
 
 
．．．．．．．．．
 




 
「妳地想帶我去邊呀！？」流主不停掙扎，但始終不敵數個BK加起來的武力
 
「乖乖地唔好反抗，就少受啲痛苦！」其中一個BK說
 
 
流主被強行帶到一個浴室，然後BK們便開始脫下流主身上的衣服！
 
 
「佢手上面舊嘢點拆架？」BK嘗試把流主載在手上的嗶嗶小子拿下來，但卻苦無頭緒




 
另一個BK毫不忌諱，把流主的褲子一下脫下來！續笑說：「身材唔錯喎你！」
 
「放開我！！」流主不斷掙扎，但仍然反抗不了
 
「．．．不如等我試下佢先啦．．．．．．」把流主褲子脫下的BK說
 
「咪亂嚟呀妳，比女皇知道妳飲左佢頭啖湯．．．妳命都無呀．．．」另一個BK說
 
「講下笑啫．．．有邊個唔知只有我地食女皇口水尾，無佢食人口水尾。」BK一臉沒趣地說
 
 
就在數個BK替流主清潔身體時，一個BK突然用一個形狀像針筒的電子儀器在流主手臂上刺了一下！
 
 




「屌！咩嚟架！？」流主被突然奇來的刺痛嚇了一跳
 
「唔使咁緊張，幫你驗下血啫。」那個BK看著電子儀器上的小屏幕說：「．．．嗯，好健康。無性病、無傳染病、輻射指數低。」
 
一直在旁監督的BK說：「差唔多時候啦。」
 
「我仲未除到佢手上面舊嘢．．．」研究著嗶嗶小子的BK說
 
「拆唔到咪斬左佢隻手囉，唔可以有任何機會比人威脅到女皇嘅安全。」監督的BK冷冷地說
 
「啊，咁好啦。」怎料，那個BK真的撿起一張鋒利無比的鋸齒刀！
 
「喂喂喂！唔撚係掛！？」流主嚇得六神無主、慌亂失措
 
此時，又一個BK開門進來說：「女皇起左身啦！即刻上菜！」




 
「佢仲有舊嘢未除到，而且未打杰特靈．．．」監督的BK面露難色
 
「唔理得咁多啦，照上啦，女皇話親自幫佢打針。」剛進來的BK說
 
 
那些BK都不敢怠慢，立即把赤裸著的流主押到另一個房間。
 
流主抬頭一看，不難發現這個房間特別與眾不同。它不僅面積大，裝潢佈置也是經過悉心設計。觸惑柔軟的粉紅地毯、一幅幅掛在牆上的戰前精美藝術油書、輝煌閃爍的水晶吊燈、一張可以容納數人的特大睡床．．．還有一陣無從忽視芳香撲鼻的玫瑰花香．．．．．．即使不提到這裡有數台守衛機械人把守，單憑這種有如皇室般的氣派，顯而易見，這裡便是女皇的閨房。
 
 
「帶佢過嚟。」穿著性感半透明睡衣的女皇半躺在床上說
 
 
那些BK馬上把流主押到女皇的床前．．．




 
 
「杰特靈呢？」女皇伸手問道，一個BK立即遞上一支針筒
 
「．．．依支咩嚟架？？」流主不禁慌張起來
 
「佢係一隻可以加強體力同力量嘅毒品，令你可以持續幾個鐘不停咁滿足我。．．．同時，你亦會好似被烈火燃燒咁全身疼痛，痛不欲生！」女皇奸笑說
 
「有．．．有咁嘅需要咩！？何必要用到毒品呀！！？」流主大驚
 
「哈哈哈．．．你咁有自信覺得無需要？」女皇拿著杰特靈說：「但係你有無信心係其次，最重要係我鍾意一路強姦，一路睇住你痛快到面容扭曲，一路聽住你失聲慘叫！！哈哈哈哈！！」
 
流主聞言頓時眉頭皺起，然後女皇身旁其中一個BK在女皇耳邊悄悄說：「．．．係痛苦呀女皇。」
 
女皇想了一想說：「是但啦，點都好啦。」




 
 
．．．．．．．．．
 
 
「即係主主係200年前，你所講幫香港爭取解放同民主嘅黃金力量成員？？」鎖匙萱十分驚訝
 
「無錯。」阿寶說：「而我地正勢力其實係由黃金力量嘅後人成立，我自己嘅祖先都係黃金小子。」
 
「所以就無論如何都要幫主主？」鎖匙萱問
 
「雖然流主失去左記憶，但係既然佢係黃金小子，我作為正勢力嘅一份子，即使我走唔到，都最少要幫到佢離開依度。」阿寶說
 
孖根說：「我知道黃金力量，但係我其實唔在乎流主係咩人，總之宜家要諗辦法救佢。」
 
鎖匙萱苦惱說：「但係．．．我地比人鎖住左．．．武器又比班BK沒收晒，我地可以點救主主．．．」
 
 
一時間，大家都苦無頭緒．．．就在此時，一串鎖匙突然憑空掉在鎖匙萱面前！
 
 
「咦！？．．．點解無啦啦有抽鎖匙嘅？？」鎖匙萱大感詭異
 
孖根想了一想，突然笑起來：「．．．呵呵，係狗肉！」
 
 
果然，狗肉隨即在眾人面前現身，更一邊擺尾一邊舔著孖根的面額。
 
 
「哇．．．不得了．．．隻狗妳地架？點解佢識得隱形嘅？？」阿寶好像對奇怪的事很感興趣
 
「唔知喎．．．」鎖匙萱續說：「唔好講咁多啦！襯宜家快啲放左我地先啦！」
 
 
阿寶馬上替鎖匙萱和孖根解鎖。然而，事情卻不盡如人意．．．兩個近身護衛居然就在這個時候回來！！
 
 
「阿寶，你好大膽！」其中一個近身護衛怒視著阿寶說
 
「安．．．安祖蓮．．．安祖娜．．．」阿寶害怕得連說話也在發抖
 
「原來搞事嘅．．．就係依隻狗．．．」安祖蓮瞪著狗肉
 
「你同我過嚟！」安祖娜大聲向阿寶呼喝
 
「唔好呀！！對唔住呀！！！」阿寶立即跪在地上求饒
 
「咪住。」孖根突然說
 
安祖蓮冷冷地說：「妳憑咩命令我地？」
 
「我有一封信，相信係妳地阿媽嘅遺物。妳地想唔想要？」孖根說
 
安祖娜不屑說：「哼，妳唔係以為咁荒謬嘅大話可以呃到我地掛？」
 
「妳地可以自己睇下，封信係我喺香港廢土西邊，青衣城同欣澳之間一幢建築物度搵到。」孖根拿出一封信說
 
 
安祖蓮和安祖娜接過信件一看，表情果然頓變，更不禁淚珠盈眶．．．
 
 
「孖孖．．．妳搞喊人喎．．．」鎖匙萱不好意思地說
 
阿寶卻大感驚訝：「我第一次．．．見佢地有咁嘅表情．．．」
 
 
她倆抹走了淚珠，深呼吸了一口氣．．．
 
 
「．．．咁都唔代表我要放左妳地。」安祖蓮說，但語氣明顯變得溫和了
 
「睇怕未必，妳除左放我地，仲要幫我地手救流主。」孖根說